Ndawi 102:12 - Ala Wone Peenok Peebi Mbanak

¹² Kaliku ALA wae. Kat perak, Mondok-mondok kendagembogut aret o. Aa'nduk nda'narit wundi wogogwaarak iigak, Peebi nda'narit wundi nogwe iigak, Kat kendage mondok ki aret menggerak o.

Ndawi 102:12 ပူးပေါင်းရင်းမြစ်များ

Ayup 14:2

Iri'ngga anggen ne ambit liingge laambu yege nagaatik, mono-mono wangge, Aakumi inagalu'mak nogo ti, elaambirik wonageelik mbet-mbet lek age, Eeke menggi kwak, It aakumi nogo ti, togop aret ogo menggaarak o.

Ndawi 109:23

O kiyoma age kagak, inagalu'mak lek age menggi kwak, Neebe togop aret lek age, Iri'ngga abolok eekwi iinok, wurin ma'nogwe kwak, An togop aret ee'nake,

Ndawi 135:13

Kaliku ALA wae. Kat kapuri inaana'le mbanogo piige, Kayeloman mini inabuwa nen eeppiige, Eerumunggun me, Kaliku ALA wae. Kendage mondok-mondok ki aret wonage, Kaliku ALA wae. Yogondak ndarak inom, Peebi nda'narit wundi wogo logorak inom, Kendage mondok-mondok aberak wonogwe, Eeko logogun o.

Ndawi 9:7

Kat Kaliku ALA mondok-mondok wone lengganogo yorage logomunggun o. Aakumi inowak loongge logowam koonogo pege,

Ndawi 90:6

Iri'ngga nogo o kubondendok anggup lake nagaatik, O kiyoma teebat a'nuk mbuk age menggi kwak wonogwe, Eeko menggaarak o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 60:15

It aakumi nen, Kogole o, yinuk, at mbo punuk mbaganggwi, Tu at wonage ti paga naga'lek alik paga nogwe, Eeko nogogwaarak kwe, Yogondak perak, ale'nggen mondok-mondok kage logowak nduk eerogo pege, It aa'nduk ndarak nen at paga inale'nggen mbako nogogwaarak me, yogondak nda'narit wundi nagun kenok, at paga inale'nggen ombako logowak nduk eeppiige, Eerigin o.

Leendawi 5:19

Kaliku ALA wae. Kendagembogut logonet, wone lengganogo mondok-mondok yo'nirage logot o. Kat wone lengganogo yorage menggenom ti, lek aga'lek wonage aret kagak aakumi nda'narit wundi wogo logogun o.

Pelaareegerak 33:27

At itok menggerak Ala nen abu'me pinagage, At eenggi omaawi ambik itok menggerak paga nen pikkiren nage, Eeke logonet, At aa'nduk a'nuk kinawim mendek mugogo wumbiige, At nen, Inoo'nip o, yinuk, yokkirage, Eeke logogin o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.