Ndawi 102:1 - Ala Wone Peenok Peebi Mbanak

¹ Kaliku ALA wae. An tamban eeke yi, karuk konengge, Kat nen yeenggwa nirenok nduk Noone nggwok paga yokkege yi, liippege, Eeru o.

Ndawi 102:1 ပူးပေါင်းရင်းမြစ်များ

2 Mbinineegwaarak 30:27

Lako nogogwaarik, it Ala unde inom, Lewi mendek inom, inale'nggen aakumi inoba piigo logonet, inake tamban eereegwaarak nogo at Ala leenogo pateegim o mbogut paga wonage logonet, aruk koneneegerak.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 143:4

An niniki lek-lek ee'nabit unggwage, Nogut nggigik ari logonet nagabelelaan mban wonage, Eeke agarik o.

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 18:6

Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 39:12

Kaliku ALA wae. An nogo Aap nggiru kwak kat nimbirak luulu wonage, Aap nggiru kwak nombomini nugu nogogwaarak nogo pogom nege, Eeke me, An nale ari nogo Karuk konengga'lek mbo panege ti mage o. Ata, an tamban eeke nogo karuk konengge, Yeenggwa niru o, yinuk, Noone nggwok paga yokkege nogo liippanege, Eeru o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Ndawi 5:2

An tamban eeke logonet, Nowe kendagembogut nogoba Ala nggino yokkege me, Yeenggwa nirenok nduk, noone nggwok yokkege yi, Karuk konenu o.

Ndawi 61:2

O irip me nen noone nggwok paga yokkege, Niniki lek ee'nabit unggwage kagak yokkege, Eeke me, Yugum nu'lek tiyarogon wonage nogo paga Nalik lagarak meek me, Kat nen aret wo'neren pani lagu o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Ndawi 77:3

Ala oba abe'nage kenok, niniki oone ari, Ninikime koonit nage neegak, Nomaawi lek ee'nabit unggwage, Eekerak o.

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Leendawi 3:44

Ndugwi apit aago kwak keebe togop aago wonage me, nit tamban eekwi nogo kat wonage me ari naga'lek aret agaarik o.

Leendawi 3:8

Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga'lek mbo pege,

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.

1 Tamuwen 9:16

“It aakumi Iterali mendek nen, Ai-ao, yogo logonet, Yeenggwa niret o, yinuk, leenggu maakwi iigirak me, it aakumi Pilitin mendek ineenggime nen inagap ndake logowak nduk, o ko'lu oonegen yogop paga aret aap ambi anebunu Mbeniyamin mendek nappi woraminggirak kimbirak lambumbunuk, an napuri aakumi Iterali inowe inarum logowak nduk, amburu anobak paga kilippunu o,” yoreegerak.