Ndawi 101:6 - Ala Wone Peenok Peebi Mbanak

⁶ O yime it aakumi kat koone li'lak eekwi nogo An ninom logokit nduk nenegen wogonake, Ndi, it aap maluk inoba ambi lenggenggulik nogo An nake eeko logowak nduk eeppiige, Eeke logogin o.

Ndawi 101:6 ပူးပေါင်းရင်းမြစ်များ

Ndawi 119:63

It aap kat kayuk wukwi, Eeko logorak koone yugu mugurok nogwe, Eeko menggaarak abok aret Ninom niniki kunik minggirak o.

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Kini Wuppiige 28:28

Aakumi inarum logokit nduk aap maluk mendek ambi mi'nage kenok, aakumi ogole nen kumaa'narit nogo menggaarak kwe, It aap maluk mendek lek ogwe iinok perak, it aap iniki abe koonak nogo nggwok aret wigannogo menggaarak.

Kini Wuppiige 29:2

Aap iniki abe koonak nen aakumi inarum wonage paga aakumi inale'nggen mbako menggaarak kwe, Aap maluk mendek nen inarum wonage kenok perak, iniki wakko'net unggwogo logonet, neebi-keebi yogo menggaarak.

Ala Unde 14:42

Pi nogo logomenggaarik, yugum alik waganogo yugum obaane'me wurogo pugwi, nggabok alik waganogo nenenogo nappugu nogo obaane'me mbenenogo pugwi, eeruwak o.

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.