Ndawi 101:3 - Ala Wone Peenok Peebi Mbanak

³ An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 101:3 ပူးပေါင်းရင်းမြစ်များ

Ayup 31:1

Kolaga tawe niniki nengge kero, Nenegen pekkoorak mondok lek o, yinuk, Niniki abuk nggaruk togon koonogo pereegirak o.

Ndawi 119:113

It aap iniki mbere wonogwe nogo Neebi lombok inombake minggirak kwe, Koone yugu Muta nen liiru mbaneegerak nogo perak, Niniki kundugu minggirak o.

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 139:22

it aap ti, neebi lombok inombake, It ninom nawim aret inombake, Eeke minggirak o.

Ndawi 14:3

Mbaketak kwe, lek aret iige menggerak o. It abok aret tu abe paga naga'lek Nomoninuk alik paga nogwe, It abok ndak-ndak ineraambe maluk lombok ogwe, Eeko logonet, It ambi obeelom eeriyak mbakwi, Ambiriluk ambi nen obeelom eeriyak mbake, Eekulik aret iige menggerak.

Ndawi 36:3

Inambeme nen wungge nogo ti, Abe lek maluk mban aret wungge, Ndi, inoone agan nugwi ti, Pilit wone mban agan nugwi, Eeko menggaarak. Iniki warak nen eekwi, Obeelom ambi eeriyak mbakwi, Eekulik aret o.

Ndawi 39:1

An nen mbake logonet, “Noone agan nage paga maluk arukwak, Eeke minggirak nogo liippake, It maluk eeka nowagam wa'nuk wonogwe iigak, Tapi inambe keele maakwi kwak, An nambe arum wakkolage, Eerikit,” mbakirak kwe,

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Ndawi 78:41

Ko'lu-kii'me Ala abut mbanuwok nduk wakkagak eekwi, At Kikak Nakeelik Alik Leenak Iterali inogoba nogo Iniki andi eerogo pugwi,

Ndawi 78:57

Inombomini iniki mbere logonet, wone liippega'lek Ugun-ugun eerit nogogwa kwak ndak-ndak eekwi, Yigin amborowak kalok wurik me nambukaatak kwe, Ta'mbilak wuk ari menggi kwak it togop eerak wonogwe,

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Wundeegwaarak 20:17

Aap ambi awi wurik a, akweeluk a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbariyak mage o,” yinuk, wone ti abok aret at Ala nen aret yoragagerak.

Kini Wuppiige 6:12

Aap ambi eeppiyoorak lek kagak inoone mban agan nega nen, aap maluk eeka nen, inoone pilit mban agan nugwi,

Kini Wuppiige 6:13

Inigen nimik agan nugwi, Iniyok paga nomok yogwe, ineenggi melak yogwe, Eeko logonet,

Kini Wuppiige 6:25

Kambi noorak ake kawu ambiriluk wonage kwe, kumi mbabilu nogo nen aret nunggwi, Keenik logorak iya kwe, kumi inogonggelomini warak nen kenggaawak lek eerogo pagarak nduk eekwi, Eeko menggaarak me, “Kumi kigirikwe me,” yinuk, kiniki nengge, Yilunogo pagawok nduk inigen nimik yokkugwi iinok, muguren nege, Eeriyak mage o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Wone Alom Kibingga 6:9

Koloorak uugwe mba'nuk, mugurok mban nogwe ti, o wiya mugurok nogwe kwe, pigoorak meek kwak we aanom warogo aret me, Mbo punuk, “Ninamendek mbuuluk wonage yi aret, kogo o,” mba'nuk, kinale'nggen mbako logorak ti op aret o.

Yetaya 30:11

At Kikak Nakeelik Alik Leenak Iterali inogoba nogo nen togop yokkirage agaarik o, yinuk, yo'niragak eeriyak ti mage o. Nit eerit nugwi yi, eeko logogun aret me, kit eeriyak mbakotak ti, eerit nogo logonip o, yinuk, yorogwe, Eeko agaarik o,” yinuk, ari kagarak o.

Yetaya 33:15

It aap obeelom mban eerit nugwi, Wone abe koonak mban yogwe, Aakumi wi-wi eeginako logonet inamendek waganggwi nogo, “Woorak nineebi o,” yinuk, mbo pugwi, Mage yugu kagak wu wogorogwe waganggwi nogo mbo pugwi, Aakumi inooruwok yogwe iinok, inaruk nakkologwe, It aap maluk eeka nen eerit nugwi nogo inigen iigwi iyo, inigen nobakkologwe, Eekwi iinok ti,

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Mika 2:2

It nen aakumi ineyabu eerak uugwe mba'nuk kologwe, Inawi wurik uugwe mba'nuk tebenggologwe, Inawi wurik inom, inoreewi ineyate pugu inom, ndinggologwe, Eeko menggaarak.

Takariya 8:17

At ambi nen oreeluk ambi maluk eerogo puurak koonggwi, pilit kagak, Abet aret o, yinuk, kumbuk mbaniyak inikilom mbakwi, eekwi ti, abok aret an neebi lombok mbake me, eerugwaarik o,” yinuk, Aliku ALA nen aret yo'nege, eereegerak.

Matiyut 5:28

an nen perak, Yi aap ndi aap kumi inigen pegiigo nagaatik, iniki nengge kenok ti, muk inikime nen wukaarak aret, yokkiragi o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Nggalatiya 4:9

yogondak perak, Ala kineenu ogwe, ndi, Ala nen kit togon kineebe eenu age, eereegutak me, kit nonggop nduk, wone abe yugu nogo mbo punuk, obeelom eekkinaburak lek kagak aanom warogo eeko nogogutak wone nogo, “Ambinom abu'me tebenak logowok,” mba'nuk, kiniyok paga yungguninuk wa nogo ogotik?

Pelaareegerak 13:17

At Aliku kinogoba Ala nen wone, Yogop ee'nu ndogop ee'nu, yereegerak an yogondak mamunggirage yi, kinaruk liirogon konembunuk, nggirik-nggerok porogo logonet, obeelom mban eerit nogwe enegen kiinok, at Aliku ALA anini kani omoonuk negen wungge ti, lek age logomenggerik, kinombomini inom wone abuk nggaruk togon kumbuk mbanogo yoragagerak nogo ndak-ndak aret kit kinabuwa mba'nuk teppinagage, iniki kunik eekkinake, kineebe ambik lombok eerogo pinagage, eerigin me, yi mendek ndi mendek maluk kenok, kani kuniyak nduk, leenogo pugu nogo kineenggime wonage kwaakkiyookwak, ambiriluk ambi woorak abu mage o,” yinuk, yoragagerak.

Pelaareegerak 15:9

Kit kiniki maluk koonggo logonet, Tahun we kolaanip, yuurak eyom tahun 7 nogo abu aret panggoni wagaarak me, yinuk, wogoroorak kineebi mba'nuk, Wo'niraanip, yemenggaarak nogo wogoraga'lek mbo piigo mbarumunggup, it nen kit eerumonggotak paga Aliku ALA yogwi iinok, Kit maluk eekotak, kiyookwak, liippogo logomunggup o.

Iberani 10:39

It aap wone abet mba'nuk waganeegwaarak nogo, mbo pugwi iinok, Ala nen ineebe lek eerogo piyaagin nogo mendek nit lek o. Ata, it abet mbakwi iinok, mondok-mondok ineenik logorak nogo mendek nit aret ogoorik o.

Yotuwa 23:6

Togop aret me, kit kina agigan agak, ogugan agak, eerugup o. Ata, kiniki yungguppegak eeka'lek mondok nu'lek logonet, eeko logorak wone yugu Muta nen liiru mbaneegerak nogo abok ndak-ndak, liirogon aret eerit nogo logonip o.

2 Peterut 2:21

it aakumi maluk eeko menggaarak nogo nen Ala ari menggerak wone woppunuk, eerit noorak wone nogo, ineenggo'lek logonet, maluk eerit nogo logonetak en ti, op negen kwe, wone, “Yogop ee'nu, ndogop ee'nu,” yugu alik leenak nogo, abu ineenu logonet, maluk eekwi ti perak, abu maluk lombok aret o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.