Ndawi 100:1 - Ala Wone Peenok Peebi Mbanak

¹ Kit yi awi ndi awi monggotak abok aret yi wae. Aliku ALA konenuwak nduk, Kiniki ale'nggen nen keekok yogo logonip o.

Ndawi 100:1 ပူးပေါင်းရင်းမြစ်များ

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 47:1

Kit yi aakumi ndi aakumi wae. Kiniki ale'nggen nen kineenggi telak eekwi, “Ala iya o,” yinuk, kinale'nggen nen keekok yogwe, Eeko logonip o.

Ndawi 47:5

Inale'nggen nen keekok yogwe, Oone nggwok eeka trompet nogo oone pu eekwi, Eekwi iigak, Wone lengganogo yorage menggim Aliku ALA kwi'nari laganeegerak o.

Ndawi 66:1

Kit aakumi nggween paga wonogwe abok aret yi wae. Ala ale'nggen mbaruwak nduk Kit kinale'nggen nen keekok yogwe,

Ndawi 66:4

Nit aakumi o nggween paga wonogwe abok ninendobanggun yindumbunuk, Kat kabu'me tebe yi unggwogwe, Eeppunuk logonet, Ndawi paga kanep pugwi, Kendage tiyanak me, ndawi paga wogoppagagwi, Eeruwok o,” Yinuk, yogo logonip o.

Ndawi 67:4

Aakumi inanebunu lombok wone lengganogo yorage, A'me nggelok mban eeppiige, Aakumi nggween paga wonogwe nogo abok aret Liirogon ndegeninake, Eeke menggendak ti paga Yi aakumi ndi aakumi abok aret inale'nggen mbakwi, Iniki ale'nggen nen ndawi wakwi, Eeko logowak o.

Ndawi 68:32

O nggween paga yime yi aakumi ndi aakumi inabu'me pinaganuk menggaarak kit aakumi yi wae. At mbogut itok menggerak irimbaga nege-wege, Ngguurubu kwak oone omaawi ari, Eeke menggerak Ala konenuwak nduk ndawi wakwi, Kinogoba Ala endage tiyappogo logonet, ndawi paga alut eekwi, Eeko logonip o.

Ndawi 98:4

Togop aret me, at Aliku ALA konenuwak nduk, Kit aakumi yi o ndi o wonogwe nogo abok aret Kinale'nggen nen keekok yogwe, Kinale'nggen alik negen nggelok ari logonet, ndawi wakwi,

Tepaniya 3:14

At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela'me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale'nggen nen keekok piyanggogwe, Eeko logonip o.

Takariya 14:9

Aliku ALA nogo o nggween paga yime abok aret inowe endagembogut a'nuk, wone lengganogo yorage logogin o. Ne ti paga inogoba ambit Aliku ALA aret arigin me, at endage mban yogo logogun o.

Lukat 19:37

O Yerutalem panggo yi wogwe iigak, tu puut Tayitun wambi wogo menggam nogome aakumi at oone waganggwi mendek abok nen eerubok mendek ambik eerit nage nogo inigen kogo nogogwaarak me, inale'nggen nen keekok agan wogo logonet, Ala endage alut eerit wogogwaarak.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.