Ndawi 10:9 - Ala Wone Peenok Peebi Mbanak

⁹ Singa nen at noorak mendek wage kero, Iri'nggaame kumaarak tokkage menggi kwak It inagap ndakkoloorak meek mendek nogo piginabuwok nduk toriigwi, Wogwe iinok, inageele pugume nggelenak me, pigiren nogwe, Eeko menggaarak.

Ndawi 10:9 ပူးပေါင်းရင်းမြစ်များ

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 17:12

Singa noorak mbaketak nogo naakit nduk, eyak nde ari wonage, Singa awooluk nen noorak mendek eyak nggerenggaakit nduk kumaarak pogonik wonage, Eeke menggi kwak, An togop eeppanugo agaarik o.

Ndawi 35:10

It aakumi inomaawi ambik nen Inomaawi lek tebenak wonogwe nogo inooriyak eekwi me, Aliku ALA nen inagap ndake, Aap ineenggi lek tebenak wonogwe nogo Inamendek ndinggwi me, mugogo nappiige, Eeke menggerak me, Neebe-niniki abok aret nen, “Kaliku ALA wae. Kat kokwak ambi ta wonage? Lek aret o,” Yinuk, yoge logogin o.

Ndawi 37:14

It aap aaninggin inoba wonogwe inom, ineenggi lek menggaarak nogo inom, tebenogo piigwi, It iniki koonak nogo inoorogo piigwi, Eeruwok nduk, It aap maluk eeka nen Inawooluwak nggiginogo waganggwi, It ineegin agale wukwi, Eeko menggaarak kwe,

Ndawi 59:3

Kaliku ALA wae. An kat koone tagangge, maluk eeke, Eeka'lek neegak, Maluk eeppanuwok nduk it aap inogogun ambik iniki ambit eeppunuk, wone kote mbanggwi, Neebe lek eerogo panuwok nduk, Ambe nggagambunuk wonogwe, Eekwi yi, iyet o.

Kini Wuppiige 14:31

Aap ambi nen aap ineenggi lek nogo tebenogo piige kenok, at ogobakkigirogo piyareegerak nogo aret meek eerogo pege menggerak kwe, Aap ambi nen it aap eekkoloorak meek nogo inabuwa mbake kenok perak, Ala aret ayuk wuke menggerak.

Kini Wuppiige 22:16

Aap ambi eenggi warak eekkolaakit nduk, it aap ineenggi lek nogo tebenogo piige logonet, inamendek wagangge inom, Aap ambi nen it ineenggi warak onggo lek we wogorage inom, imbirak ndak-ndak ineenggi lek aret eekkologo menggaarak.

Kini Wuppiige 28:15

Aap maluk mendek ambi nen aakumi it eekkoloorak meek nogo mendek inarum wonage nogo ti, Singa anini nen oone kole ari, beruang kok wundi wage, eeko mengga kwak aret wonage menggerak.

Yetaya 3:15

An napuri piyak-payak eerogo piinet nugwi, Ineenggi lek mendek ale-pale eerogo tebenogo piigwi, Eekwi ti, Nonggop nduk eeko agaarik o?” yinuk, at Omaawi Lombok Menggerak Aliku ninogoba ALA nen aret yegerak o.

Yetaya 32:7

It wi-wi aganaka nen eeppiinet nugwi ti, maluk aret o. It aap tebenak mendek nogo nen, “Nit ndogop eekoorak o,” yinuk, abet aret yogwi iigak, It aap ti nen, “Pilit-pilit inoba piigwi niinok, inoone lek aruwak o,” yinuk, inikime koonit nugwi, Eeko menggaarak kwe,

Yeremiya 5:26

It an napuri inenggela'me time aap maluk eeka mendek wonogwe me, Keele pugume towe ineenik ngge-ngge yiluninake menggi kwak aakumi yilunogo piigwi, Pagi wariyak ta'na pogo mengga kwak aakumi maluk eeppiigwi, Eeruwok nduk, Toriigo menggaarak.

Leendawi 3:10

Beruang enaarak wonage, singa kiraarak wonage, Eeko nagaatik, it noorak mendek wage kenok, kok nggerembunuk, Nikkenok ku'mbanak me unggunuk nibinik-ndelenak eerogo mbo punuk mbaganggo mengga kwak, an neebe togop aret eerogo panege,

Yetikiyen 22:29

It o time wonogwe nogo nen aakumi inambokan laganggo logonet, inoone omaawi paga inamendek ndinggologwe, inamendek kiraakkologwe, it aap aaninggin inoba wonogwe inom, ineenggi lek inom, tebenogo piigwi, it aap nggiru inawone liirogon mbangga'lek yiluk-yiluk mbanogo punuk, maluk onggo eeppiigwi, eeko agaarik o.

Amot 3:4

Singa iri'ngga ku'mbanak me logonet, at nengge menggerak awo kwaarogo nengga'lek kagak oone maluk ndi wuke, Ndi, singa awooluk yi mendek ndi mendek kwaarogo nengga'lek awina logonet, eyak ndi wuke,

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Abakuk 1:15

It aakumi eerogo piyareegindak ti, Yikwe niyo nggwok yenggenak laut paga ambik wonogwe nogo, mbuti eyak keele paga pugumbunuk niik eerogo wumbiya wogo mengga kwak, It aap Mbaben mendek nen togop eerogo piigwi, It yum yikwe wagangga nogo paga yonggo'naremenggaarak me, niik eerogo wumbiya wogwe, Yum yikwe wagangga nggorek lombok yugu paga kuwak eerogo yonggorinakwi, Eekwi iinok, Inale'nggen mbakwi, keekok yogwe, eeko menggaarak o.

Abakuk 3:14

It aakumi ambi eekkoloorak meek kumaarak wonogwe nogo, at awuri nen inambeme yonggorinabuwok nduk, eeko logonet, Nanonggwan aga o, yinuk, inale'nggen mbako mengga kwak, At awuri wim eeka nen nit mappinanuwok nduk, o wiya warit wage menggi kwak wogwe iigak, At awooluwak yabok togon eerogo inowe nogo anobak polok togon warogo pege,

Takariya 11:3

Inandomba inagari'ngga mili nenet nogo menggam abu lek agaarak kenok, it ndomba ndegeninaka nen le yogwe nogo kinaruk konenggwi, Niyo Yoraran ambet paga iri'ngga mili logonak lek eerogo pegaarak kenok, it singa inoone nggwok agan nugwi nogo kinaruk konenggwi, Eeko logonip o.

Yaya 10:12

it aap ando nen, Yi nit ninandomba lek me, yinuk, liirogon ndegeninaka'lek, We onggo kolaawok, mba'nuk, ndegeninakwi nogo nen perak, mba'ngge wage inigen kogo nagaatik, ndomba mbo piinok, mbaganggo menggaarak. Mbaganggwi iigak, mba'ngge nogo nen ndomba eyak nggereniige logonet, mappiige menggerak.

Nappiigak 23:21

yokkiri wogwe iinok, koneniyak abu lek o. It Yakuri mendek ineebe 40 ando inom nen, At Pawulut waka'lek kagak, mbi inom, yi inom, nit noorak mondok lek o, yinuk, Ala endage kumbunuk, kumbuk mbambunuk enaarak logonet, kat ari keyo mban inaruk agaarik o,” yoreegerak.