Ndawi 10:5 - Ala Wone Peenok Peebi Mbanak

⁵ It eerit nugwi nogo abe mban arit nage, “Nit iya,” mbako logonet, kat wone lengganogo yo'nirage nogo, Abu kobak eeppunuk wonogwe, Inom ogoorak wonogwe nogo mbelappiigwi, Eeko menggaarak.

Ndawi 10:5 ပူးပေါင်းရင်းမြစ်များ

Wakkagagerak 6:12

Wonage kagak kwe, it aakumi nggween paga wonogwe nogo abok aret maluk eerit nugwi paga o nggween paga yime abok aret maluk etenggen wigak yereegerak at Ala nen kage nagagerik,

1 Endagembogut 20:13

Ogobak wakwi iigak, aap Ala nen yoge kagak yoraga ambi Iterali inowe endagembogut Akap wonage me owagam ari wa'nuk, yoge logonet, “At Aliku ALA nen yegerak nogo yokkiri o. Aap ineebe nggwok aago wonogwe ti, aap Akap nen enegen iigerak ilik, lek a? Naliku ALA an aret, Akap eenu aruwak nduk, it abok waganogo eenggime pigin, yegerak o.”

Ayup 24:23

Nit op wonogwe mbakwi nogo, Mbako logowak nduk Ala nen teppiige logonet kwe, It eerit nugwi nogo enegen wogonake menggerak.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Kini Wuppiige 1:19

Aakumi maluk eeppiigo logonet inamendek nabenogo kolaawok nduk eekwi onggo irip paga eeginaburak ti aret. Inamendek waganggwi ti nen it ineebe aret nggelenogo piige menggerak.

Kini Wuppiige 15:24

Aap iniki warak ineenik aganaburak tu ti, ogu paga aakumi kambunuk nogo menggam lek o. Ata, tu agi paga wonage menggerak o.

Kini Wuppiige 24:1

It aap maluk mendek ti, aakumi inanini paga eeppiinet noorak mban iniki koonggwi, Ndi, aap aaninggin eeppiyoorak mban inoone agan nugwi, Eeko menggaarak me, “Aap maluk mendek eerit nugwi ti, an togon ambi eerikit lak, it mban eekwi, ao,” yinuk, kanini inombake, Ndi, “It ninom kunggolaakit lak ao,” mbake, Eeriyak mage o.

Yetaya 10:1

It aap eeriyak koonak nogo nomonogo mbo punuk, alik eeko logowak nduk, yiluk-yiluk wone lengganogo yorogwe, Aaninggin inoba logowak nduk, wone koonogo yorogwe, Eeko menggaarak nogo, inabuwa o!

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 42:25

At anini kani kunik negen ninoba pinanege, Wim nen abu iya lombok ninoorit wagak yuwak nduk, eeppiige, Eereegerak o. Ti eerogo pinaneegerak nogo ti, kani omoonuk enggela'me negen wonogogurak kwe, niniki liippugwi, Kani nen nineebe nengge negen eeke nagagerak kwe, “Ndogop eekoorak paga ee'ninake,” mbakwi, Eeka'lek aret wonogogurak o.

Yetaya 5:12

Laago lako logonet, nggitat nggwok inom, mbuuluk inom, lobale eeka inom, nggawiwak inom, Oone eeko logonet, anggur amburu mban nonggo menggaarak kwe, At Aliku ALA eeke menggerak nogo inigen kogwe, At Aliku ALA eerit nage nogo iniki liippugwi, Eeka'lek aret wonogo agaarik o.

Oteya 14:9

An wonage neegak, it Eparayim ti, inagugi inom wone mbanggo logorak op ya? Lek me, Yeenggwa niret o, yo'nugwi iinok, an nen aret wone onggo yorage, An nen aret inarum wake, Eeke logogin o. An ti, eyo kilu-kilu engga mili lubu ari menggi kwak minggirak me, An paga kunik logonet, anggen yogo logogun o, yinuk, yegerak me, yokkiragi o,” yoragagirak.

Oteya 9:9

O Nggibeya mendek maluk abu iya lombok eeko nogogwa kwak kit maluk iya lombok eekko'net unggwogwe me, Kit maluk eerit nugwi nogo at Ala abeke, Ndi, kinomaluk onggo eeppinagage, Eeke logogin o.

Oroma 3:16

Yi awi ndi awi nugu logonet, aakumi lek eerogo piinet nugwi, O yinik-minik eerogo pit nugwi, Eeko menggaarak o.

Owak Loongga 9:27

Mbakwi iigak, it aap nogo yabu yarak me nogo nogogwaarik, anggur anggen mbanogo kuwak eerogo aambiranogo punuk, iniki ale'nggen paga laago lappunuk, inagugi awi wurik me unggunuk, mbi nunggwi, anggur amburu nunggwi, eeko logonet, Abimelek pulunogo pereegwaarak.

Owak Loongga 9:38

Ari mbareegi, at Tebun nen at yoge, “Aap wonengga nen ari logonet, At Abimelek ti ta me, nit at abu'me logorak, yinuk, yegerak nogo ngge o? Kat nen miyuk-meya eerogo piigendak yi aret nogo lek a? Yi aret me, yogondak aret kinom wim perenggolet o.”