Ndawi 10:4 - Ala Wone Peenok Peebi Mbanak

⁴ “An iya,” mbarit nogo logonet, Ala mugurok nogwe lek mbo pugwi, “Ala lek,” mba'nuk, ugun koonit nugwi, Eeko menggaarak kwe,

Ndawi 10:4 ပူးပေါင်းရင်းမြစ်များ

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Ayup 22:17

It nen Ala yogo logonet, Nit ninobaalombok koonggologwe me, mbo pinaninuk nak o, yinuk, yogwi, At Omaawi Lombok Menggerak nen nit maluk eekwi onggo nogo, At eeppinaniyak mbakop? Meek o, yogwe, Eekwi iigak kwe,

Ndawi 101:5

Aap ambi ore eebe lek kagak meek eerogo pege kenok, At eebe ti, enggaawak lek eerogo pege, At aap, “An iya,” mbake logonet, iniki wogoppake nogo An teppuurak meek me, onggo eeppege, Eeke logogin o.

Ndawi 18:27

Iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Ndawi 27:8

Kat nen ari logonet, “Nenete neyaanok nduk kwaa'nabi mok o,” Yo'nege keenok, an niniki nen, “Aliku ALA enete kaakit nduk kwaari na o,” Yinuk, kwaakkabit wage me,

Ndawi 36:1

It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Ndawi 53:1

It aap yuundurak iniki me nen, “Ala eebe lek aret,” mbako menggaarak. It aakumi ineraambe abu maluk lombok logonet, Ogole warak mendek mban eerit nugu menggaarak. It ambiriluk ambi obeelom eekulik maluk mban aret eeko menggaarak.

Ndawi 73:11

“Ala ti, nonggop eerogo eenu age, At Tiyanak Lombok Menggerak nen Nit nonggop eerogo liippinanege, Eeriyak mbakop? Meek o,” Yinuk, yogo menggaarak.

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Kini Wuppiige 21:4

Iya nombaruwak enegen mbogut paga nege, iniki tiyappatit nege, eeke ti, Aap maluk mendek andi wuninik kwak aret me, maluk aret menggerak.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Kini Wuppiige 30:9

Neenggi warak logonet, mbi abe ndonggok togon naminggirak paga an nen mbo pagage logonet, “Aliku ALA ti, ta o?” ari, Ndi, neenggi lek logonet aakumi inamendek kiraariminggirak paga kat nogoba Ala kendage maluk eerogo pagage, Eerukwak nduk, Yokkege agarik o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Wone Alom Kibingga 8:11

Maluk eekwi onggo mbet-mbet inoba kwippiiga'lek kenok, aakumi nen maluk eerit noorak mban inikime koonit nugu menggaarak.

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 3:9

Maluk eeriyak inete yelok iigwi iigak, eerit nugwi, Inomaluk nobarogo eeka'lek aakumi Torom mendek eeko nogogwa kwak tena'me kin-kin aret eerit nugwi, Eekwi me, inabuwa o! It ti eekwi paga inalik nen aret aaninggin inoba pakaarak o.

Yetaya 59:7

Mbet-mbet aret maluk eerit nugwi, Aakumi maluk eerulik kagak mbet-mbet aret inoorogo piinet nugwi, Maluk eeriyak mban koonogo pit nugwi, Yi awi ndi awi nugu logonet, aakumi lek eerogo piinet nugwi, O yinik-minik eerogo pit nugwi, Eeko monggotak.

Yetaya 65:2

It aakumi noone eeriyak ineebi mbako logonet, tu abe kagak maluk paga nogwe, Nit ndogop kwak ee'ne, mbakwi nogo mban mugurok nogwe, Nenegen neegak kulinik-kalinik ineyabume kugi aanggo warogo wogogwi, Warogo wogogak yugum ogobakkigirik paga obari abe kaga nogo kani kunggwi, Eekwi ti paga an niniki andi eerogo panugwi, Aakumi inogoma nen wone ambi yo'niraawak o, yinuk, oonikiya aakumi inowak paga inom, kwiyona inom, kwi'nari unggunuk toriigwi, Wam enggaanggum noorak lek kagak nunggwi, Ogole warak mendek kagak inaguwali paga lappogo nagaatik, niyo amburu inom nunggwi, An neebe abu nggomoorak aret me, nowagam koorok ari wage mage o. Ata, tayo yinip o, yinuk, yogwe, Eeko menggaarak yi, Neya woraawak nduk, o kubondendok nen nok oonikiya, Wa'nip o, yinuk, neenggi walok yoragatak kwe, meek aret o. It aakumi ti mendek ti, ka'luk an nogobak me unggwage menggi kwak, Ko'lu-kii'me kani omoonuk wunuk mban ari menggi kwak aret wonogo menggaarak o.

Yeremiya 2:31

Kit yi, nano mendek ndarak o? Aliku ALA nen wone yokkirage yi, liippogo logonip o. “An nen o karume menggi kwak a'nuk yorage, O yumaak lombok menggi kwak a'nuk, eeppiige, Eereegirak mbakop? It an napuri nen, Nit wondet aago ugun nugwi me, kat wonage me ambinom keya woroorak nineebi o, Yinuk, nonggop nduk yogo agaarik?

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Marakut 7:21

Kinikime nen maluk eeriyak koonggwi, komologwe tawe ugun eeginabit nugwi, yogoot waganggwi, aap wakwi,

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

Oroma 1:21

It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek

Pelaareegerak 8:14

kit o Metit inayeloman eeppinaganuk wonogwe me, wokkiren wundi wagagerak at Aliku kinogoba Ala nogo oba mari eerogo mbo punuk, kiniki tiyappatinuk logokwak, kiniki liippogo logonu o.