Ndawi 10:3 - Ala Wone Peenok Peebi Mbanak

³ “Niniki nengge nogo aret eerit nogo ogoorik o,” yinuk, wogoppakwi, It aap yi mendek ndi mendek mban kolaawok, mbarit nugwi nogo inendage tiyappiigwi, At Aliku ALA endage meek eerogo pugwi,

Ndawi 10:3 ပူးပေါင်းရင်းမြစ်များ

1 Endagembogut 20:25

Mippiinok, kawuri ineegin warak aa'nduk inooreegwaarak nogo kokwak, ambinom kuwak eeppiigwi, kuda inom, nggweendo wim eeka inom, aa'nduk wonagagerak nogo kokwak, ndak-ndak kuwak eeppiigwi, eeko logomonggoorik, Iterali ninom kobappaga time wim eekwi niinok, nit ninomaawi ogo logonet, it tebenogo piyaagun o.” Yogo mbareegwa, aap inowe endagembogut konembunuk, togop aret eereegerak.

Ayup 31:24

Niniki mbuti emas paga panggonak wonage, Ndi, mbuti emas abe mendek yoge logonet, Kat paga niniki nu'lek eerogo pangge o, yoge,

Ndawi 35:21

Inigen loolo eerogo pe'neego logonet, “Kat maluk eekendak ninigen abe nen keegoorak me, Kayik a!” Yinuk, mbelappanogo logonet, “Ha! Ha!” yo'nugwi, Eeko agaarik o.

Ndawi 49:18

Ineenik wonogo logonet, “An abu obeelom mban agarik,” mba'nuk, Iniki ale'nggen mbakwi, “Aap yi, eenggi warak lombok me, Wi!” yogwe, Eeko logomenggaarak kwe,

Ndawi 5:6

It pilit pugungga nogo lek eerogo piige, Aap inamiya nengga inom, inambokan lagangga inom, Kaliku ALA nen inogole inombake, Eeke menggendak o.

Ndawi 52:1

“An aap iya,” mba'nuk nege yi, kat maluk eeke nagandik, Nonggop nduk wogoppatit nege agandik? It aap Ala inabuwa mbake nogo maluk eeppiige nagandik, O kubondendok nen nok kiyoma ari nage kagak, Nonggop nduk wogoppit nege agandik?

Ndawi 94:4

Iniki wogoppako logonet, “Nit mban iya o,” yinuk, agan nugwi, It maluk eeka ti, “Nit eekwi mban iya,” yogwe,

Wundeegwaarak 15:9

It aap ninawim nen yogo logonet, Muguren nogo logomonggoorik, pippiinok, Ninobaloowi nggiginogo nineenggi paga woppunuk inookwi, Inamendek ndinogo tumbukkologwe, Eeko logomonggoorik, Ninanini nen eeppiyoorak mbakwi nogo tayok yigin o.

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Wone Alom Kibingga 7:15

An aanom warogo neenik wonage logonet, eekwi alom mbere kagagirak nogo yi o. Ambi, aap iniki abu koonak nogo nen obeelom eerit nage logonet kwe, aret kangge, Ndi, ambi, aap maluk mendek nogo nen maluk eerit nage logonet kwe, eenik nggorek wonage, Eekwi iyareegirak ti aret.

Yetaya 37:23

At ta meek eerogo pege? Ha! yinuk, ta agi'ndok kangge? Ta kenok, oone nggwok paga yoge? Ta kenok, iniki wogoppake? Eeke ti, At Kikak Nakeelik Alik Leenak Iterali inogoba kenok aret eeke agaarik o.

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Ala Unde 26:30

Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o.

Abakuk 2:9

Neebe op logokit nduk, nawi tiyarogon wurogo patikit o, mba'nuk, Aakumi wi-wi aganake logonet, inamendek wamenggerak paga at paga wiganak ineenggi warak eerogo piige nogo, abuwa o!

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 12:19

Pi unggwage logominggirik, Namendek apit kuwak eerak wonage nogo tiginit unggwage neegak yi tahun ndi tahun eeriyak me, yogondak yonggonggolage logonet, mbi nenet nage, amburu nenet nage, i'ndok mban agan nage, eeke logokit o, yinuk, niniki wone yo'nuk eerigin o, yereegerak.

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Epetut 5:5

It kumi ugun wurinabit nogo menggaarak inom, iniki kumi paga mban lunik logonet, inabok agan nugu menggaarak inom, ndi, it uugwe-uugwe mbakwi nogo ti, aap kugiwak alut eekwi ndak-ndak aret me, it ti inom, it aap ti eeko menggaarak abok aret Ala Keritut imbirak inabu'me piigo menggam unggwi nagun mondok lek mbako logonip o.

Pelaareegerak 29:19

Aap ambi nen wone kumbuk mbanggwi yi, aruk konengge logomenggerik, Ala ale'nggen an noba aret logogin, mba'nuk, An nogogumbuk a'nuk, eeriyak koongge nogo mugurok mban naminggirak kwe, kagak, obeelom aret logogin o, ari kenok, at mbaremenggerak ti paga kit maluk eeka'lek mendek inom, it maluk eekwi inom, abok aret lek eerogo pinagagin o.

Pelaareegerak 32:19

Aliku ALA nen kinapuri wologwe-komologwe togop eerit nugwi enegen iinok, Anini mi'nage nagagerik, mbo piinok,

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.

Yakobut 4:13

Wologo wae! Kit wone yogo logonet, “Yogondak a, ko'lu a, o kota time nogo logomonggoorik, wu kuwak eekkolaawok nduk, yi mendek ndi mendek kunit nugwi niigak, tahun ambit aruwak o,” yinuk, yogo monggotak nogo, kinaruk logonip o.

Yakobut 4:16

Ko'lu eeriyak kineenggo'lek kagak, kineenu negen eekko'nok wogoppakwi ti, maluk aret eekwi kiigi o.

1 Yaya 2:15

It aap nggween paga mendek nen iniki koombunuk eeko menggaarak inom, yi mendek ndi mendek nggween paga mendek inom, abok aret kiniki kunik eerugup o. It aap nggween paga mendek nen iniki koombunuk eekwi nogo kinikilom mbakwi kiinok, ninogoba kiniki kunik eeko logomunggup lek aret o.

Owak Loongga 17:2

At nen at agalo yoge logonet, “Nagalo o. Wu mbuti perak aaninggin 13, Aakumi nen waganggaarak o, yinuk, kugi pulunogo piige keegirak nogo ti, an aret waganggirak porogo wonage agarik o.” Yoge mbareegi, agalo nogo nen, “Naagaluk o. At Aliku ALA nen ale'nggen koba pagage logogin o.”

1 Tamuwen 23:21

Yogo mbareegwa, at Tawun nen it yorage logonet, “Kit nabuwa nombakotak me, at Aliku ALA ale'nggen kinoba pinagage logowak o.