Ndawi 10:2 - Ala Wone Peenok Peebi Mbanak

² It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 10:2 ပူးပေါင်းရင်းမြစ်များ

Ndawi 109:16

Aap ti nen, “Aakumi ambi inabuwa nen ambiriluk ambi obeelom eeppiyaakit,” mbaka'lek logonet, Ineenggi lek tebenak inom, iniki wakkologwe nogo inom, Piyak-payak mban eerogo piinet nage kagak, Kambit nogo nogogwaarak.

Ndawi 119:122

“Nayeloman obeelom eerogo pikit o,” yinuk, Wone abuk nggaruk togon koonogo pege, It iniki wogoppaka nen tebenogo panegak yukwak Non mbanogo piige, Eeke logot o.

Ndawi 119:5

Koone lengganak nogo liirogon porogo logonet, “Eerit nage logokit lak ao,” mbake minggirak.

Ndawi 119:69

It aap iniki wogoppaka nen Inoone pilit noba lenggenogo panit nugwi kwe, Niniki ambit lombok eeppunuk, Eeko logorak koone yugu nogo porogo logonet, Eerit nage agarik o.

Ndawi 119:85

Koone yugu Muta liiru mbaneegerak liirogon eekulik iniki wogoppaka nogo nen Neebe yobok togon wambikit nduk, labu pugu kwak eerogo panit nagaarak o.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 31:18

It aap ti, iniki wogoppakwi, Aap abe kagak, “Abe lek o,” yinuk, meek eerogo piigwi, Eerit nugu logonet, We ugun pilit-pilit agan nugwi nogo inoone lek eerogo piyet o.

Ndawi 36:11

It aap iniki wogoppatit nugu menggaarak nen Iniyok aan lebenogo panugwi, It aap maluk eeka nen Ineenggi omaawi paga an mugogo wumbanugwi, Eeriyak mage o.

Ndawi 59:12

Iniki wogoppako logonet, Inambe paga maluk mban porogo wonogwe, Inoone paga maluk mban agan nugwi, Eekwi nogo paga Keele pugu negen yilunggolaawak nduk eeppiige, Aakumi pulunogo piinet nugwi, Inoone pilit pugunit nugwi, Eekwi paga

Ndawi 7:16

Aakumi maluk eeppiyoorak koonemenggerak nogo yungguk togon at aret oba kwippake, Anini paga eeppiyoorak mbaremenggerak nogo melak togon yugum negen anobak paga kwi'nage, Eeke menggerak o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Wundeegwaarak 9:17

At iniki ogogumbuk a'nuk, an napuri nawak nduk, teppiiga'lek pippiirogo wonage me,

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Yetaya 14:13

Kat kiniki nen ari logonet, An mbogut paga lagi nage, An wone lengganogo yorage menggim Ala elaaluguragan inirimbaga lombok tiya yi lagangge, Puut tiyarogon mage menggim kugi kuwak aago menggam time nen an wone lengganogo yorage,

Yetaya 14:16

Ndi, time wuppagamenggerak wonage me, aakumi nen keego logomenggaarik, inigen loogirit unggwogo logonet, Aap yi, yi o ndi o aakumi inaganak warogo mban agan nage, Aakumi inabu'me piinok menggam iniki mak eerogo piinet nage,

Yeremiya 43:2

Kotaya aput Atariya inom, Kareya aput Yokanan inom, it aakumi iniki tiyappaka abok aret inom, nen Yeremiya yogo logonet, “Ninogoba Aliku Ala nen, It o Metit ye mbambatinuk logowak nduk, noorak mage, yora nak o, yinuk, yegerak, yo'niragandak ti, at yuulik kagak, yo'niragandak me, pilit aret ari agandik o.