Ndawi 10:17 - Ala Wone Peenok Peebi Mbanak

^17-18 Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Ndawi 10:17 ပူးပေါင်းရင်းမြစ်များ

1 Mbinineegwaarak 29:18

Ninombomini Abarakam, Itak, Iterali, inogoba Kaliku ALA wae. It kapuri iniki nen kake pi woroorak uugwe mbakaarak nogo, mondok-mondok uugwe mbakwi, ndi, Ninogoba Ala kat mban mondok-mondok mukkeren noorak koonggwi, eeko logowak nduk, eeppiige,

2 Mbinineegwaarak 29:36

Ndi, eerit wogogwaarak nogo Ala nen aakumi at apuri yeenggwaarage kagak mbet-mbet aret eereegwaarak me, at Kitikiya inom, aakumi abok aret inom, inale'nggen mbareegwaarak.

2 Mbinineegwaarak 30:12

Ndi, at endagembogut inom, at inom eeko menggaarak inom, nen, “Aliku ALA togop yegerak o,” yinuk, wone lengganogo yoragagerak nogo, ndak-ndak eeko logowak nduk, at Ala nen it o Yekura wonogwe nogo iniki ambit eerogo piyareegerak.

2 Mbinineegwaarak 34:27

At Aliku Iterali inogoba Ala nen ari logonet, An nen o kota yi inom, it aakumi yime menggaarak inom, nanini inombake logonet, o yi abeelik-abeelek eerogo pigin, yagarak nogo, at aruk konengge nagaarik, nenggaanom paga iniki wakkolage logonet, tebeppake, ndi, ayum nibinogo patinuk le ari, eeke nogo, Naliku an ALA nen kagarak me,

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 37:4

Aliku ALA eeppinagage paga kinale'nggen mbakwi, Eekwi kiinok, Kit kiniki uugwe mbakwi nogo, At nen eeppinagage kaamunggup o.

Ndawi 9:18

It aap ineenggi lek nogo mondok kobak eerak wonogwe lek inoba aberinake, Ndi, it andi-pandi logonet, iniki lunik nogo mbeyok yaga'lek a'me nggelok eeppiige, Eerigin o.

Kini Wuppiige 10:24

It aap maluk mendek nen, “Ninamineeri ne agan nage,” mbakwi nogo aret inoba age menggerak kwe, It aap iniki abe koonak nogo nen perak, uugwe mbakwi nogo aret kologo menggaarak o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 16:1

Aakumi nen eeriyak inikime koonogo pogo menggaarak kwe, Eebe eeriyak perak, Aliku ALA nen aret, “Eeriyak op o,” yinuk, yorage menggerak.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Matiyut 5:3

“It aakumi iniki tebenak menggaarak nogo ti, At mbogut paga mendek abu'me piyoorak it aret me, Iniki ale'nggen aret mbako logowak o.

Oroma 8:26

Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.

Epetut 3:12

Nit niniki Keritut oba panggombunuk, abet mbako mbareegu, at ninom kumbinaneegerak me, ninagabiti lek niniki teeluk aret logonet, Ala owagam unggwi nogo logorak op aret o.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.