Ndawi 10:14 - Ala Wone Peenok Peebi Mbanak

¹⁴ Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 10:14 ပူးပေါင်းရင်းမြစ်များ

Wakkagagerak 21:17

At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.

Wakkagagerak 31:12

at malayikat nogo nen, Kambin ngguunok ineeruwak tikarok inom, mili-laambu yabuk aago inom, mili-miya eerak inom, kero mban leenak egokot agan nugwi wonogwe ti kenegen pegiyet o. At Laban nen kat eeppagit nage nogo nenegen kage nagarik, leenogo piigirak o.

2 Tamuwen 16:12

An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

2 Endagembogut 9:26

At Aliku ALA nen ari logonet, Aap Nabot apurilogwe inom kobit inamiya wunakendak nogo nenegen kagarak o. Inamiya wunakendak inamee'nggo waminggirak nogo aap Nabot eyabume yi aret mbo piyaagin o, yinuk, aap Akap yoreegerak me, at Aliku ALA nen yoreegerak nogo ndak-ndak, eebe waganogo aap Nabot eyabume onggo kuneegim time aret mbo nappu o,” yoreegerak.

2 Mbinineegwaarak 24:22

At Takariya ogoba Yoyara nen at endagembogut Yowat abuwa nen obeelom eeppereegerak nogo, mari eerogo mbo punuk, onggo negen aput wareegerak me, kangge logonet, “Eeppanegendak nogo, Aliku ALA enegen neegerak me, Ndogop eekendak o, yinuk, yokkege kaamunggun o,” yinuk, kambeegerak.

2 Mbinineegwaarak 6:23

Ndi, kumbuk mbani wage kenok, kat mbogut paga wonage logonet, karuk konembunuk, it kat kayeloman mini inowak looninake logonet, at ambi maluk abet aret eeke kenok, at eeremenggerak onggo ndak-ndak oba kwippege, ndi, at ambi maluk eerulik kin kaawak nduk, Kat maluk eerulik o, yinuk, yoge, eerumunggun o.

Ndawi 146:9

Aliku ALA nen aap nggiru iinok unde wogonake, Elege moono inom, kumi nanu inom, yeenggwaarage, Eeke menggerak kwe, Aap maluk mendek perak, it eeriyak koonggwi nogo yale-pale eerogo piige menggerak o.

Ndawi 22:11

Noba aaninggin ariyak abu panggoni wage, Ndi, yeenggwa niriyak ambi lek aret wonage, Eeke kagak, An mbo paninuk nda logorak mage o.

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 35:22

Kaliku ALA wae. Ee'nabit nugwi nogo muk iigendak me, Koone lek puk wonage, Nogoba Ala wae. Kat keebe ndaanda wonage, Eeriyak mage o.

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Ndawi 68:5

At Ala alik leenak menggim nogome logonet, Elege mono inogoba age, kumi togwe inawone mbangge, Eeke menggerak o.

Ndawi 68:6

It inoreewi lek inalik tayorogon menggaarak nogo Aakumi inenggela'me logowak nduk piya wage, It aap keele maarak nogo inale'nggen mbarit wundi woraawak nduk, Wondet eerogo piige, Eeke menggerak kwe, It aap Ala ineebi mbaka nogo perak, Inawi iri'ngga wunggeelik nggween mbuk paga piige menggerak o.

Wundeegwaarak 2:25

Abeke nagagerik, it aakumi Iterali inoba aaninggin-paaninggin eerogo piigwi nogo at Ala nen enegen iige nagagerik, “Yeenggwaaraakit,” mbareegerak.

Wundeegwaarak 22:22

Ndi, kumi togwe inom, elege wonebela inom, iniki aaninggin wonogwe me, abunuk iniki aaninggin eeppiyoorak mage o.

Wundeegwaarak 22:26

Aap ambi nen oreeluk awu luulu woorak nduk, nggino yoge kenok, oreeluk nogo nen wu wogoge logonet, Kayum kolage logonet, obaane'me wu pegak wa'nok nduk kayum ti porogo logokit o, yinuk, wu wogoge logomenggerik, ayum porogo wonage kagak, oonegen kilu yi noorak ti mage o. Ata, ayum ambit ti paga togwi kenok, yikkolage, nogo yege, eeke menggerak me, mbet-mbet aret wogoriyak o. Mbet-mbet wogoga'lek elaambirik porogo wonage paga oone yo'nege kenok, an yi aap ndi aap inabuwa mbake minggirak me, aap ti abuwa mbake logonet, at oone aret konenigin o,” yinuk, yoraawak nduk, yoreegerak.

Kini Wuppiige 15:25

Aap iniki tiyappake awi wurik ti, Aliku ALA nen minogo pege menggerak kwe, Kwe nanu anggween mbanak kuli ogoorak nogo ya langgok eerogo pukwak, arum menggerak.

Kini Wuppiige 15:3

Aliku ALA enegen yi o ndi o abok aret wonage logonet, Aap maluk mendek inom, aap obeelom mendek inom, enegen liippiige menggerak o.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.

Yeremiya 23:24

Aap ambi nenegen kage neyo, o ambime kumaa'nari ungguurak mbakop? Meek aret o,” yinuk, Aliku ALA nen yegerak o. Aliku ALA nen ari logonet, “An mbogut paga nggween paga neebe mondok ndak warak minggirak nogo lek a?” yinuk, yegerak o.

Yeremiya 49:11

Inapuri elege-aabologwe moono yumbunik ti perak, nenegen wogonake logogin me, teppiyaawak o. Ndi, inagalomini kumi togwe ti kunduk, iniki an noba panggombuwak o,” yinuk, yegerak me, yokkiragi o.

Yeremiya 51:56

Naliku ALA ti, eekaatak ndak-ndak onggo eeppiige minggirak an Ala aret o. An nen o Mbaben eekerak ndak-ndak onggo oba kwippigin me, It o maluk eerogo pega nogo o Mbaben wogo logomenggaarik, maluk eerogo pogo logonet, At awuri wim eeka nogo piginakwi, ineegin kalenogo pugwi, Eerugun o.

Leendawi 3:59

Kaliku ALA wae. An maluk eeppanugwi nogo iyareegindak me, naana'le mbanogo panu o.

Leendawi 3:60

It ineebi lombok nombakwi abok aret kenegen iige, An maluk eeppanuwok nduk iniki ambit eeppunuk koonggwi nogo maloppiige, Eereegindak o.

Oteya 14:3

“Nit yogop eeko o”, yinuk, wone wonok at Aliku ALA owagam wogo logomonggotik, at yogo logonet, “Maluk eekoorak abok aret lek eerogo pinanege, Kiniki yanggonak paga wo'ninake, Eeke keenok, Kake pugu kwak, Ndogop eeko logogun o, yinuk, yokkogoorak nogo ndak-ndak aret eeko logogun o.

Oteya 14:4

It Atiyut mendek nen ninagap ndari woroorak meek aret o. Ndi, nit kuda wim eeka paga kwi'na'nuk wim eeri nagun lek mban o. Elege moono inabuwa mbake menggendak kat aret me, Ninagugiwak nineenggi paga ogobakkigirogo pereegurak nogo, Ninogoba o, yinuk, Ambinom yogo logogun lek aret o,” yinuk, yorumunggup o.

Yowen 3:4

An ngge eeppiigirak paga it Tirut mendek inom, Tiron mendek inom, o Pilitin paga menggaarak abok aret inom, nogo nen an ninom wone yuurak eeko agaarik? An ngge eekirak me, onggo eeppaniyak nduk eeko agaarik o? An ambi eekirak paga eeppaniyak mbakwi iinok, it eeko nogogwaarak onggo an logonuk lek mbet-mbet aret melak togon inoba kwippiyaagin o.

Abakuk 1:13

Kat kikak nakeelik abu obeelom wonage me, maluk eekwi kenegen kage, It aakumi maluk eekwi iinok, puk wonage, Eeriyak meek me, It aakumi inoone amburu agan nogo logonet, maluk eekwi nogo nonggop nduk, mbo piige, Ndi, it aap maluk eeka mendek nen maluk eerit nogo logonet, It aap iniki abe koonak nogo inambeme yonggorinakwi iigak, nonggop nduk koone lek puk wonage, Eeke menggendak?

Pelaareegerak 10:18

At nen elege moono inom, kumi togwe inom, inawone liirogon koonogo piige, aap nggiru inabuwa nen inambi noorak inom, inayum yikkoloorak inom, wogorage, eeke menggerak me,

2 Timotiyut 1:12

Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

1 Peterut 4:19

Togop me, kit andi-pandi eerogo pinagagwi nogo ti, Ala iniki mbake ndak-ndak eeppinagagwi me, kit obeelom mban eerit nogo logonet, at kineebe ogobakkigikkinabeegerak nogo nen, “Eeriyak,” yegetak nogo, a'me liirogon aret eeke menggerak me, kiniki inom, kineebe inom, apit aret at unde logowak nduk, wogo'nuk logonip o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.