Ndawi 10:12 - Ala Wone Peenok Peebi Mbanak

¹² Togop eeko menggaarak me, Kaliku ALA wae. Pilak yu o. It aakumi inagap ndakkoloorak meek mendek yi, Kobak eerogo mbo piyoorak mage o. Ala wae. Kat yeenggwaaret o.

Ndawi 10:12 ပူးပေါင်းရင်းမြစ်များ

Ndawi 13:1

Kaliku ALA wae. An neebe komari eerogo mbo paninuk keegak, mondok-mondok logomunggun ilik? An keege neyo, kenete kumaappatinuk wonage keegak, Ne mande age,

Ndawi 17:13

Togop me, Kaliku ALA wae. Kat pilak yu o. Pilak ari logomenggendik, Kinom perenggolage logonet tebenogo piige, Kat keegin tiyak ari logonet, Aap maluk eeka ineenggime nen an ndinnake, Eeru o.

Ndawi 17:7

Inom ogoorak nen it inoorukwak, Kabu'me ari unggwogwe iinok, Keenggi abe'nggan paga inagap ndaka kat yi, Aakumi kiniki kunik lombok aganake menggendak paga, “Wi!” kugwi nogo, Eeke keyaawak nduk, eeru o.

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 74:19

Kat karowe enegen waanggo puume nogo, Waganogo nggwiya wogorage, Kapuri tebenogo piigaarak wonogwe nogo, Mondok-mondok kobak eerogo piige, Eeriyak mage o.

Ndawi 77:9

At Ala ninabuwa lombok mbake menggerak nogo, Kobak agaarak ilik? Ninabuwa mbaka'lek anini nen mondok mbo pinanigin kwa?”

Ndawi 9:13

Ndi, Kaliku ALA wae. It an ineebi nombakwi nogo nen Andi-pandi eerogo panugwi yi, iyet o. An o Tiyon Aagalukwe kota tu unggwogo menggam logonet, Kat eeke kabok paganogo yorage, Nagap ndaremenggendak paga nale'nggen mbake, Eerikit nduk, Kambunuk tu unggwi nogo menggam pani wanggwi me, Nabuwa mbake, waganogo nippani wage, Eeru o.

Ndawi 9:19

Kaliku ALA wae. It aakumi iniki mbakwi mban eerit nookwak, non mbanogo piige, Ndi, kat nen yi aakumi ndi aakumi aaninggin inoba kwi'naruwak nduk koonogo piige, Eeru o.

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 33:10

At Aliku ALA nen ari logonet, “Yogondak aret an pilak ari, Yogondak aret an abu tiyanak neyaawak nduk mi'nage, Yogondak aret nomaawi ambik neyaawak nduk nu'lek mi'nage, Eerigin o.

Mika 5:9

Aliku ALA nen ari logonet, “Ne ti eyom paga an nen ina guda inenggela'me wonogwe nogo lek eerogo piige, Inanggweendo wim eeka nogo pup eerogo piige,

Owak Loongga 16:28

at Timoton nogo Aliku ALA yoge logonet, “Kat Kaliku Kitok Menggendak ALA o. An nenegen mbere kilirogo panegaarak namee'nggo aap Pilitin mendek yi, inoorikit nduk, abe'nake logonet, komaawi ne ambiriluk yogondak yi aret wo'niru o, nogoba Ala.”