Ndawi 1:6 - Ala Wone Peenok Peebi Mbanak

⁶ It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 1:6 ပူးပေါင်းရင်းမြစ်များ

Ayup 23:10

Togop aret kwe, An eeke minggirak perak, at eenu aret me, Mbuti emas kani paga worakwi iinok, Abe age menggi kwak, an nabut mbanogo togop aret eerogo panigin o.

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 142:4

Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 146:9

Aliku ALA nen aap nggiru iinok unde wogonake, Elege moono inom, kumi nanu inom, yeenggwaarage, Eeke menggerak kwe, Aap maluk mendek perak, it eeriyak koonggwi nogo yale-pale eerogo piige menggerak o.

Ndawi 9:6

Ninom wim mbanak maluk inoba ariyak koonak nogo Muk aret inoba agaarak me, mondok aret logogin o. It wonogo menggam kota-kota abok aret Eyo omanggen negen kinogo piigendak me, Inoba kunduk, aberak logogun mondok lek o.

Kini Wuppiige 14:12

Aakumi nen, “Tu yi abe me op aret nogo ogoorik o,” mba'nuk nogwe kwe, Nogo logonet, irip paga kanggo menggam aret ari nogo menggaarak.

Kini Wuppiige 15:9

It aap maluk mendek nen eerit nogwe nogo Aliku ALA eebi lombok mbake menggerak kwe, It aap obeelom eeriyak mugurok nogwe iinok perak, iniki kunik lombok aganake menggerak.

Nakum 1:7

Aliku ALA ti, obeelom lombok wonage, Aaninggin inoba kwi'nage kenok, ineebe op logorak eeppiiga at aret wonage, Iniki at oba panggonak wonogwe nogo, liirogon inarum wake, Eeke menggerak kwe,

Matiyut 7:13

Yorage nagagerik, “It aakumi kobak ari nogo menggam unggwi noorak tunggambe nggwok mbanak, ndi, tu nogo menggam kunduk mbelak aago yarak kenok, aakumi ambik tu ti paga nogo menggaarak kwe, kit perak, tunggambe mbuuluk mbanak nogo paga unggwi nogo logonip o.

Yaya 10:14

Ndomba obeelom ndegeninaka an aret o. Nogoba nen an eenu menggerak,

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

2 Peterut 2:12

Wam nggwiya nda'nogo nagaatik, iniki lek ugun eerit nugwi iigak, aakumi nen pippiinok, inoorogo lako mengga kwak, it aap ti, togop aret iniki lek me, we ugun ambi eeriyak aganake kenok mban eerit nogo logonet, wone ineenggo'lek kagak, miyuk-meya eerogo pugwi me, wam nggwiya inoorogo lako mengga kwak, it maluk eekwi onggo at Ala nen aaninggin inoba kwippiige logonet, ineebe togop aret inoorigin o. It iniki nengge nogo mugurok nogo logonet, inagabiti nen kote eeriyak mbaka'lek tena'me aret eerit noorak inikilom mbako menggaarak me, kinambokan laganiyak inikilom mbako logonet, kinom lambunna'nuk, mbi nunggwi me, inagabolo mili inawin aaga'ne kunik nogo pogom, it aap ti, kinenggela'me togop aret menggaarak o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,