Ndawi 1:4 - Ala Wone Peenok Peebi Mbanak

⁴ It aap maluk eeka ti togop lek o. O wiya nen wiiri anggen wonok nage menggi kwak It aap ti togop aret wonogwe o.

Ndawi 1:4 ပူးပေါင်းရင်းမြစ်များ

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ayup 8:13

Nogo ti ndak-ndak aakumi abok aret Ala mari eerogo pugwi ti, Togop aret ogwe, It Ala ineebi mbaka iniki lunik nogo ti, Togop aret lek age kogwe, Eeko menggaarak o.

Ndawi 35:5

Aliku ALA ayonggo malayikat nen mugogo nappiige kagak, Wiya nen iri'ngga ameneno wonok nage menggi kwak, Togop aret aruwak o.

Ndawi 37:36

Enggaawak lek agaarak kage nagarik, Kwaarit eekirak kwe, eebe kwaakkoolik o.

Yetaya 17:13

Yi wurik oone pu nage menggi kwak, Yi aakumi ndi aakumi togop agan nugwi kwe, Ameneno puut paga wonage o wiya nen wonok nage menggi kwak, O wiya omaawi nombok-kombok wage logonet, wola yugu wonok nage menggi kwak, Ala nen it mbaarage kenok, kole o nda time mbaganugun o.

Yetaya 29:5

It aap kinom wim mbanak abok aret wun kwak ogwe, It aap wim eeka inogogun mbuk ineebe ambik aago wogwe ti, O wiya nen iri'ngga ameneno wonok nggarek ari menggi kwak ogwe, Eerugun o. O ngguurubu oone ari, mi ndipuk ari, oone nggwok ari, O wiya warit wage, wiya nombok-kombok eeke, kani pup eerogo nenet naga nogo wunuk agan wage, Eeke kagak, At Omaawi Lombok Menggerak Aliku ALA aberak lek me ndamban yi woraagin o.

Yeremiya 13:24

At Aliku ALA nen ari logonet, “At an neebe ami age nagagerik, abe eeppuurak lek kagak kugi ti paga iniki panggombereegerak me, O wiya karume nen oone pu wage logonet, gandum arinon wonok mappege menggi kwak, mak eerogo pigin o. An nen at eerogo puurak koonogo pereegirak ti aret me, ti aret eeppege neyaagin o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Matiyut 3:12

Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.