Ndawi 1:1 - Ala Wone Peenok Peebi Mbanak

¹ Aap ambi it aap maluk eeka nen yogwe nogo mugurok nage, It aap maluk mendek nen yogwe nogo konenikit mba'nuk inom ari nage, Ala wone meek eerogo pega nogo inom kwi'nage, Eekeelik kenok, Ale'nggen aret mbake menggerak o.

Ndawi 1:1 ပူးပေါင်းရင်းမြစ်များ

Wakkagagerak 49:6

Kinanini nen aap inookwi, Kiniki mba'nuk tapi-lembu iniyok omanggen mbanogo piigwi, Eeko monggotak me, An ninom niniki ambit eeppunuk, ninom kuwak eeke, Ninom wone koongge, Eeke logogin lek o.

Wakkagagerak 5:24

Ala imbirak mondok kunik logonet, eerit nage mbareegi, Ala nen eenik kagak wonok laganeegerak me, eebe lek aret kogogwaarak.

1 Endagembogut 16:31

At Omiri aput Akap nen aap Nebat aput Yerobeyam maluk eeke nagagerak nogo, eerit nage logonet, “Abu eeki,” mbaka'lek aakumi Tiron mendek inowe endagembogut Etebaan aput kolaga Iteben nogo wagangge, kugi Mba'an mugurok nage logonet alut eeke, eeke nagagerak.

2 Mbinineegwaarak 22:3

At agalo ti nen maluk eeriyak wone mban mamunige nagagerak me, at Akap akuwi-apuri inom, owe-awot inom, eerit nugu nogogwa kwak, at kunduk obaabut maluk logonet, eerit nage nagagerak.

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 21:16

Ineenggi warak iniki ugun tayenak wonogwe ti, It nen eekkologwe paga wonogwe mbakop? Lek me, It aap maluk eeka ti nen wone agan nugwi nogo An e-wa inombarigin mondok lek o.

Ayup 31:5

An pilit pugunit nage logorak mban ee'nake, Aap inambokan laganiyak mban ninikilom mbarit nage, Eeka'lek neenok,

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 106:3

Eekaatak a'me nggelok eeppiinet nugwi, Obeelom mban eerit nugwi, Eeko menggaarak kenok, Inale'nggen aret mbako logowak o.

Ndawi 112:1

At Aliku ALA tiyappogo logowok o. Aap ambi at Aliku ALA agabiti mbake, “Yogop ee'nu ndogop ee'nu,” wone yugu nogo eeke logorak inikilom lombok mbake, Eeke menggerak nogo Ale'nggen aret wonage menggerak o.

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 144:15

It aakumi ti, ti ndak-ndak Obeelom mban wonogo menggaarak kenok Inale'nggen aret mbakwi, “Ninogoba Ala ti, Aliku ALA aret o,” Mbakwi nogo kunduk inale'nggen aret mbakwi, Eeko logowak o.

Ndawi 146:5

“Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 146:9

Aliku ALA nen aap nggiru iinok unde wogonake, Elege moono inom, kumi nanu inom, yeenggwaarage, Eeke menggerak kwe, Aap maluk mendek perak, it eeriyak koonggwi nogo yale-pale eerogo piige menggerak o.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 26:12

An niyok o kobappaga yappunuk mi'ndak wonage me, Kapuri apit kuwak aago wonogwe inenggela'me Kaliku ALA kalut eeke logogin o.

Ndawi 34:8

Aliku ALA mondok obeelom aret menggerak kineenu arubagip nduk, ombat wakkaanip o. Ineebe op logowok nduk, abu'me ari unggwogwe nogo Inale'nggen aret mbako logogun o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 64:2

It aap inogogun ambik nen Nooriyak iniki ambit eeppunuk wogwe me, kumaarogo panege, It maluk eeka nen noone-koone agan maluk eeppanit wogwe me, nomoppanege, Eeru o.

Ndawi 81:12

Kinanobak yugum pogom wonogwe me, Kinombaalombok o, yinuk, mbo pinagareegirak o.

Ndawi 84:12

Togop aret me, Komaawi Lombok Menggendak Kaliku ALA wae. It aap iniki koba panggombunuk menggaarak nogo inale'nggen aret wonogo logogun o.

Kini Wuppiige 1:15

Naput yi wae. Kinom noorak mage o. Ata, kiyok awiirak logomunggun o.

Kini Wuppiige 1:22

Iniki warak nen ari logonet, “Aap kiniki yuundurak yi wae. Kiniki koongga'lek ugun wonogwe, Kit meek eerogo piiga nen aakumi meek eerogo piyoorak kinikilom mbakwi, Kit kiniki lek wi negen nen wone nineenu ariyak, Nineebi o, mbakwi, Eekwi kiigak, Ne mande ari nagin o.

Kini Wuppiige 13:15

Aap iniki warak abe ti, aakumi inikilom mbako menggaarak kwe, Aap wone yugu liippugulik kenok perak, aakumi inoone maluk inoba piigo menggaarak.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Kini Wuppiige 19:29

Aap miyuk-meya eerogo piiga eeppiyoorak onggo inake pipuk aago wonage, Ndi, aap iniki lek wi inamborowak paga yawi inooriyak inake eerak wonage, Eeke menggerak.

Kini Wuppiige 2:12

Aap aakumi inambokan laganiyak nduk, agan nugwi nen Tu o apit aago paga nogo logowok nduk tu koonak mbo punuk, tu alik paga nogwe, Maluk eerit noorak inikilom mbakwi, Eeriyak lek mendek kagak maluk aret eerit nogo logorak inale'nggen mban mbarit nogwe, Tu yelok-nggolok nogwe, Inobaabut nggolawe me, ugun-ugun eerit nugwi, Eerit nugu menggaarak ti, Abok aret it wonogwe me nen wone alom keenu logonet, kiniki warak paga kagap ndarogo pagage logogin o.

Kini Wuppiige 3:34

It miyuk-meya eerogo piiga ti, Aliku ALA nen it aret miyuk-meya eerogo piige menggerak kwe, Aap iniki tebenak wonogwe iinok perak, inabuwa nen obeelom eeppiige menggerak o.

Kini Wuppiige 4:19

It aap maluk mendek nen eerit nugwi ti perak, O apit lombok aago kwak wonogwe me, Iniyogobit lik togon yigeebu wanggwi nogo, “Yi nano nen ee'ninake,” mbaka'lek ugun kobak aret wonogo menggaarak o.

Kini Wuppiige 9:12

Kit kiniki warak wonogwe kiinok, kiniki warak ti nen obeelom eeppinagage, Ndi, kit miyuk-meya eerogo piigwi kiinok, kinalik nen aret maluk eerogo pakwi, Eerumunggup, yegerak o,” yinuk, yorogogwaarak.

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Yeremiya 17:7

Aap ambi Naliku ALA paga iniki lunik logonet, noba panggombunuk wonage kenok perak, An nale'nggen at oba aret logogin o.

Yetikiyen 20:18

It inapuri o karume wonogwe nogo yorage logonet, Kinogobamini nen wone lengganogo yokkirogo nogogwaarak nogo mugurok nogwe, eeko logorak wone koonogo pereegwaarak nogo eerit nugwi, ndi, it inagugi ogut eerak ayuk wukwi paga kinoba maluk eekkolookwak, eerit nugwi, eeriyak mage o.

Matiyut 16:17

Yoge mbareegi, Yetut nen, “Yunut aput Timon nore wa. Aakumi nen paganogo yokkirulik o. Ata, an nogoba mbogut paga mendek nen aret paganogo yokkegerak me, kiniki ale'nggen aret mbake logot o.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Yaya 13:17

An wone yokkirage yi nogo kineenu ogo logomonggotik, eeko logomunggup kenok, kiniki ale'nggen ambik kogo logomunggup o.

Yaya 20:29

Yoge mbareegi, Yetut nen at yoge logonet, “Tomat wae! Kat kenegen neege nagandik, kiniki noba panggombunuk, abet nombakendak kwe, it aakumi ando inigen neega'lek logonet, iniki noba panggombunuk, abet nombakwi iinok perak, iniki ale'nggen ambik kogo logogun o,” yinuk, yoreegerak.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Epetut 6:13

maluk eekkinabuwak nduk wogwe iinok, mondok mugogo nappiigo logonet, kit mban kineegin tiyanak logobagip nduk, inagabee'le mbam nggerenggologo mengga kwak, Ala ari menggerak wone kinikime nggerorogon waganggwi, tin yikkologo mengga kwak, Ala obaabut obeelom menggerak nogo yikkologwe, sepatu omaawi mendek yikko'nok nogo mengga kwak, Ala ninom lambumbinaniyak obeelom wone nogo pipuk ee'nuk nogwe, eeko logomonggotik, at maluk lombok eeke menggerak nogo nen omaale kani kunik negen namburi wage nogo, mbeenogo nappogo logobagip nduk, nggeemu langgunggologo mengga kwak, abet mba'nuk kiniki Ala oba panggombugwi, petagi langgunggologo mengga kwak, kinagap ndariyak wone aberogo kologwe, tege wooluwak kwak ti, Aberiniki nen Ala wone wo'niragagerak nogo waganggwi, eeko logomonggotik, Ala nen at eegin-omaale wurogo pinagareegerak nogo, li'luk eeppunuk, kinogogumbuk nu'lek logonip o.

Pelaareegerak 14:6

Yi mendek ndi mendek iniyok abe nggaganak iri'ngga lunggunogo wurako nagaatik, kilirogo lagangga kenok, ugun nunggo logorak op aret o.

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.

1 Peterut 4:3

Kit aa'nduk kinobaabut it aakumi Ala wone konengga'lek nen eeriyak inikilom mba'nuk, eerit nogo mengga kwak, eerit nogo logonet, we ugun uugwe-uugwe mba'nuk eekwi, kiniki nen nengge kenok mugurok nugwi, amburu kumili aganake menggerak mendek ndonggorogon nenet nugwi, ndem unggwogo logonet kwaanggen wakwi, amburu ndonggok togon nenok kumili-kumili agan nogo logonet maluk eekwi, ogole warak kagak kugi eekwi, eeko nogogutak nogo, yogondak ambinom eeka'lek kiinok,

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,