“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.