Nappiigak 9:31 - Ala Wone Peenok Peebi Mbanak

³¹ Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Nappiigak 9:31 ပူးပေါင်းရင်းမြစ်များ

1 Mbinineegwaarak 22:18

“At Aliku kinogoba Ala kinom wonage nogo lek a? Aakumi yi o ndi o kinaagan-kinambokan wonogwe nogo, wone ambi kinoba pinagaga'lek kinom op wonogwe nogo lek a? It aakumi o yime wonogwe abok aret Aliku ALA nen an neenggime paneegerak me, aakumi o yime menggaarak abok aret Aliku ALA oone inom, kit at apuri kinoone inom, aret konenggwi me,

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Nekemiya 5:9

Puk aret ogo mbareegwa, an nen ambinom yorage logonet, “Kit eekwi ti, eeriyak lek mendek aret eeko ogotik! Yi aakumi ndi aakumi inambik ninawim nogo nen ninendage maluk eerogo pinanukwak, ninogoba Ala ninagabiti mbako logonet, eerit nogo logorak lek mbakop?

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 86:11

Nogoba o. An eerit nage logonet, Kat abet mban ari menggendak wone an ndak-ndak eerit nage logokit nduk, Kat eerit nage nogo an mamunnege, Nogoba o, yinuk, kayuk wuke logokit nen niniki mbere lek ambiret eerogo panege, Eeru o.

Ndawi 94:13

Kaliku ALA nen kapuri mbo piige, Keyate kwak kapuri leenogo piyareegindak nogo Kenegen lambembiinok mbagangge, Eerumunggun lek me, It aap inaruk wake paga inale'nggen mbakwi nogo ti, Yi eyom ndi eyom aaninggin inoba ari wage kagak, Iniki ugun tayenak logowak nduk, Eeppiyamenggendak wonogwe iigak aap maluk mendek Inake nggween kabunogo piyoorak kuli ari nagin o.

Kini Wuppiige 1:7

It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.

Kini Wuppiige 23:17

Kat ko'lu eeppagarak ti, abet aret wonage, ndi, kiniki lunik wonage nogo ti, lek arigin lek mondok wonage, Eeke logogin me, “It aap maluk eekwi ti, an togon eerikit lak, it mban eekwi, ao,” yinuk, mbake ti mage o. Ata, Aliku ALA kagabiti mbake ti mban mugurok-magarok nage logot o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yetaya 33:6

Ne ti eyom paga kit aakumi obeelom nu'lek logobagip nduk, eeppinagarak alom at aret me, Oona ngginik kagak, kinagap ndake, kiniki warak eeppinagage, yi wone ndi wone kineenu eeppinagage, Eeke logogin me, Ti eeppinagarak nduk, woorak nogo ti, Aliku ALA kinagabiti mbako logorak ti aret.

Takariya 8:20

At Omaawi Lombok Menggerak Aliku ALA nen an yo'nege logonet, “Yi aakumi ndi aakumi inom, o kota-kota ambik lombok me, aakumi wonogo menggaarak inom, o yime kuwak ari wogwe,

Nappiigak 12:24

Ninogoba Ala wone nogo nggwok aret wiganinuk nage kagak, it aakumi ambik abet mba'nuk, waganggo nogogwaarak.

Nappiigak 16:5

Togop yoranet nugu nogogwaarak paga, it Ala apuri time kuwak eerit nogo menggaarak nogo iniki nu'lek age mbareegi, ko'lu-kii'me ambi nabennagak, ambi nabennagak, eeko logonet, Ala apuri ambik aret ogogwaarak.

Nappiigak 2:47

Ala alut eekwi iigak, aakumi abok nen it Ala apuri ti, iniki kunik aganako nogogwaarak. Ndi, ninogoba nogo nen ko'lu-kii'me it aakumi inagap ndarogo ambit nabek kuwak eeppiige nagagerak.

Nappiigak 20:32

Ndi, yogondak perak, at Ala iniki kunik en eeppinagarak wone ti paga, kiniki kole agago pinaganuk at apuri ake leenak kenok, yate kwak inake punogo piyareegerak nogo kinom unde arubagip nduk, Ala abu'me pinagagi o.

Nappiigak 5:11

It Ala apuri kuwak eerit nogo nogogwaarak inom, togop agaarak yogwe koneneegwaarak nogo inom, it abok aret, “Ia!” yinuk, inagabiti alik negen eeginabeegerak.

Nappiigak 6:7

Ndi, Ala wone nogo nggwok aret wiganinuk nage kagak, o Yerutalem time it at oone woorak nduk ambi nabek unggwagak mban eeko logonet, ambik aret ogwe, ndi, it Ala unde nogo kunduk ambik aret, “Wone waawi o,” yinuk, abet mbakwi, eereegwaarak.

Nappiigak 8:1

At Tawulut kunduk Tepanut wakwi ti op aret mbareegerak. At wareegwaarak ti eyom paga, it Ala apuri o Yerutalem kuwak eerit nogo nogogwaarak nogo, inooruwok nduk, iya lombok ale-pale eeginabit nogo mbareegwa, o Yureya Tamariya enaagan-ambokan time kole ma'narit nogogwaarak kwe, it nappiigak nogo perak, mbaganulik aret puk ogogwaarak.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

1 Korindut 14:12

Kit nen, “Ala eyabu eeko logowok nduk, ambi unde eeppanuwak lak ao,” yinuk, mbakwi kiinok, Ala apuri kuwak eeko menggaarak nogo, iniki kole eeppiyoorak nogo mendek unde eeppinagawak nduk, at yogo logonip o.

1 Korindut 14:26

Ti kenok, nit nonggop yuwok o, noreewi. Kit kuwak eeppunuk logonet, aap ambi nen ndawi tiyaniyak mbake kenok tiyangge, ambi nen wone ambi mamuniroorak mbake kenok mamunirage, ambi Ala nen paganogo yoge kagak, yoroorak mbake kenok yorage, ambi, it ambi inoone lalin negen woppunuk, yoroorak mbake kenok yorage, ambi, “Togop yigi o,” yinuk, abut laganogo yoroorak mbake kenok yorage, yi eeriyak ndi eeriyak ti abok aret eeko logonet, it Ala apuri iniki nu'lek eerogo piyoorak kenok mban eeko logonip o.

2 Korindut 10:8

Kit maluk eerogo pinagakit nduk, at nogoba nen awoneninu kili'nirulik o. Ata, obeelom eeppinagakit nduk, kili'nireegerak nogo iya lombok kili'nereegerak mbake logonet, yokkirage me, “At wogoppake logonet, yo'nirage o,” yogwe kwe, an nenggali mbaka'lek aret agarik o.

2 Korindut 12:19

Wone yi abok aret yokkirogwe niigak, kit nen, “Pawulut oreewi inom inaana'le mbanggo'net nogwe,” ninombakwi negen kiigirak kwe, nit togop lek o, noreewi. Kit lombok niniki kunik me, kiniki kole eekkinabuwok nduk, Keritut ayeloman logonet, Ala enggaanom paga yokkirogo ogoorik o.

2 Korindut 13:10

An nen aakumi maluk eeppiyaakit nduk, Ala nen at oone unde eeppanulik. Ata, aakumi iniki kole eerogo piyaakit nduk, oone kili'nereegerak me, an kiya wage logominggirik, noone omaawi lok togon yokkirookwak, awo waga'lek logonet, wone yi liiru paga mbanogo nappinagi wagi o.

2 Korindut 7:1

Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.

Epetut 4:12

Ti eereegerak nogo ti, nit Ala eyabu liirogon eerit nogo logonet, nit nineebe paga Keritut eebe mondok wigak yuwak nduk, nit Ala apuri abok aret mondok li'luk eerogo pinaneegerak.

Epetut 4:16

Nineenggi-niniyok yeregerak-peregerak abok aret eeriyak ake punik alitak lombok wonage kwe, nineebe ambit ninomanggen paga yinik-kunik eerak logonet, eerit nage kenok, nineebe mondok op aret menggerak nogo kokwak, nit Ala apuri ninanobak kwak Keritut ninom togop aret kunik me, niniki-kiniki kunik eeko logonet, ninalitak eeriyak unde eeppinaneegerak nogo ndak-ndak eerit nugwi niinok, Keritut eebe mondok obeelom aret logonet, nit nineebe paga wiganit nage logogin.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Epetut 5:21

Ninowe Keritut ayuk wuko logonet, kiniki tebe yinuk nabu'me-kabu'me logonip o.

Pelaareegerak 12:10

Ata, niyo Yoraran mbanogo pegak wunda nogo logomonggotik, at Aliku kinogoba Ala nen kineyate kokwak kinanggween wokkiramenggerak nogome unde eeppatinuk wonogwe kiigak, kiniki ugun tayenak aret logomunggup nduk, kinawim kinaagan-kinambokan nen maluk eeppinagukwak, Aliku ALA nen liirogon kinarum wonage kagak,

Pilipi 2:1

Keritut kinom kunik me, kiniki eyak wappinagage, at kinabuwa mbake logonet kiniki yanggongginake, eeke kagak, Aberiniki kinom kunik wonogwe, kit mban-mban niniki-kiniki kunik eeko logonet, obeelom eeppiinet nugwi, eeko logorak eekkinake kogotak kenok,

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

1 Tetalonika 5:11

Togop aret me, kit kiniki eyak wat-wat eekwi, ndi, at ambi nen at ambi iniki kole eekak eekwi, eerit nugwi nogo yogondak ndak-ndak aret eerit nogo logonip o.

Iberani 4:9

yereegerak aret me, Ala nen nogo 6 yippunuk, ko'lu 7 paga tat yonggonggolage wonagagerak nogo kokwak, yogondak nit Ala apuri kunduk yonggonggologo logowok nduk, o ne ambi punogo pereegerak wonage o.

Yotuwa 21:44

Wonogwe iigak, at Aliku ALA nen inombomini wone abuk nggaruk togon kumbuk mbanogo yoragagerak nogo ndak-ndak, Aliku ALA nen Iterali inawim abok aret ineenggime piige mbareegi, inawim enaagan-ambokan nen ko wappunuk Iterali inom wim eeriyak meek me, ambi mbaaniiga'lek aret iigak, it Iterali iniki ugun tayenak aret wonogogwaarak.

Yurat 1:20

Togop kwe, noreewi niniki kunik kit perak, kit kiniki kole aruwak nduk, wone abu alik leenak kit abet mbareegutak wone nogo mban eerit nogo logonip o. Ninowe Yetut Keritut ninabuwa nen mondok-mondok nineenik eeppinaniyak nogo, eeppinanuwak nduk, tokkogo logonet, Ala iniki kunik eekkinake nogo eeppinagagak mban eeke kogo logomunggup nduk, Aberiniki yokkirage kagak tamban eeko logonip o.

Owak Loongga 3:30

Inooko nogogwaarik, it Iterali mendek nogo nen aakumi Mowap mendek inabu'me tebenogo piinok, o nogo abolok lek obeelom wonage kagak, tahun 80 aret eereegerak.