Nappiigak 9:21 - Ala Wone Peenok Peebi Mbanak

²¹ Yoragagerak inaruk koneneegwaarak abok aret nen, “Wi,” yinuk, pi wako logonet, “Wologwe! O Yerutalem it Yetut endage paga tamban eeko menggaarak kero, inoorit nage nagaarak ti, yogondak o yime it togoti mendek kero, keele maageren Ala unde inoweewi inowagam piya naakit nduk wagaarak nogo nen agan nage yi lek a?” yinuk, yogo nogogwaarak.

Nappiigak 9:21 ပူးပေါင်းရင်းမြစ်များ

Ndawi 51:13

Ti eeke keenok, kat eeriyak mbake nogo It kat koone taganggwi mamunirage neenok, It maluk eeko menggaarak nogo mbo punuk, yungguninuk kowagam woraagun o.

Ndawi 71:7

An op logorak narum waka komaawi lombok kat aret me, Aakumi ambik in wakkagak an aret agarik o.

Yetaya 8:18

An Aliku ALA nen wo'nereegerak napuri ninom yime aret ogoorik o. It Iterali ineenu ogwe, in wakkagak wonogwe, eeko logowok nduk, At Omaawi Lombok Menggerak Aliku ALA o puut Tiyon menggerak nogo nen nappinani wagaarak wonogo ogoorik o.

Takariya 3:8

Aap Ala unde inowe at Yotuwa inom, it at oreewi inom, kwi'ndak wonogwe ti inom, peebi eeri woroorak wakkagak it aret me, wone yi, liirogon konenggo logowak o. An nayeloman endage, Agarip o, yogo logorak nogo nappi woraagin o.

Linggineegwaarak 23:23

It Yakup ombowologwe magagirak paga inookwi, Kugi pulunogo piigwi, Eeriyak meek kenok, It aakumi alik nen yogo logonet, Ala nen Yakup paga inom, Iterali paga inom, eerubok mendek eeppiige yi kinigen kaanip o.

Nappiigak 2:12

inagabiti nen, “Yi nonggop eeriyak me yogo agaarik o?” Yinuk, at ambi yogak eeko mbareegwa,

Nappiigak 2:6

oonebu ari nogo inaruk konembunuk, kuwak ari wogo nogogwaarik, it ti inoone lombok paga yogwe nogo inaruk konenggo logonet, “Ia! Nonggop togon yogo agaarik kwe?” yinuk, iniki ma'nogogwaarak.

Nappiigak 3:10

“Aap yi, Ala awi wurik me tungga'nggi endage, Obeelom, tooneegwam nogome logonet, ambe nggino ari nagaarak nogo obeelom agaarak yi, iya!” yinuk, pi wareegwaarak.

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 7:59

yugum paga toguurit-tagaarit warit unggwogwe iigak, at Tepanut nogo nen, “Nogoba Yetut wae, an niniki wamen o,”

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.

Nappiigak 9:22

Togop aret yogo nogogwaarak kwe, at Tawulut nogo nen wone yorage logonet, “Yetut ti, Ala nen leenogo pereegerak aret o,” yinuk, abet mbaruwak nduk, “Ndogop eeke nagagerak o,” yinuk, agan nage nogo mban wiganinuk nage logonet, it Yakuri mendek o Ndamitik wonogogwaarak nogo inoone nonggop yuubok eerogo piyareegerak.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.