Nappiigak 9:19 - Ala Wone Peenok Peebi Mbanak

¹⁹ Yiime wuppege mbareegi, mbi nengge nagagerik, omaawi agagerak. It Yetut oone waganggwi mendek o Ndamitik wonogwe nogo ne mande negen inom wonagagerik,

Nappiigak 9:19 ပူးပေါင်းရင်းမြစ်များ

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Nappiigak 11:26

kwaappunuk wonok, o Andiyokiya wagagerak. Wonok wage nagagerik, imbirak logonet, Ala apuri inom kuwak eekwi, aakumi ambik wone mamunirogwe, eekwi iigak, tahun ambit aret eereegerak. It Yetut oone waganeegwaarak, “Keritut Apuri o,” yogwe nogo ti, aa'nduk o Andiyokiya nen aret yogo nogogwaarak.

Nappiigak 11:29

Yoragagerak nogo mbi noogelo age mbareegi, it Yetut oone waganggwi nogo nen iniki koonggo logonet, “Nit ninalitak ninamendek wonage nakkagak, kuwak eeppunuk, ninoreewi Ala apuri o Yureya wonogwe nogo inake nappiyaawok o,”

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.

Nappiigak 9:18

Awo yoge kagak, enegen ogut agagerak lenggenak nogo panggok togon wangge logonet, enegen pagak yereegerak. Enegen pagak ari nagagerik, mi'nage mbareegi, yiime wuppereegerak.

Nappiigak 9:26

Wumbogo mbareegwa, o Yerutalem wage nagagerik, it Yetut oone waganggwi nogo inom lambunikit nduk eeke mbareegi, it nogo nen, “At yi, Yetut oone waganggwi mendek lek kwa?” yinuk, inagabiti nen, “Omok,” yorulik puk ogogwaarak.

Nappiigak 9:38

O Lira nen Yope koorok aret me, “Peterut wagaarak o Lira wonage,” yinuk, yogwe nogo it Yetut oone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere yonggo nappiyareegwaarak.

Nggalatiya 1:17

ndi, an nappiigak awo mippangga'lek kagak, it inaa'nduk nappiigak mendek o Yerutalem wonogogwaarak nogo, inowagam yora nage, ti eerulik. Ata, an o Arap nagagirak time wonage nagagirik, peebi niyok paga o Ndamitik aret wagagirak.