Nappiigak 9:17 - Ala Wone Peenok Peebi Mbanak

¹⁷ Yoge kage nagagerik, o time nagagerak. Nage nagagerik, aap nogo ame unggwage nagagerik, eenggi Tawulut anobak tebembunuk, yoge logonet, “Nore Tawulut wae. Kat kenegen obeelom age, Aberiniki kinikime mondok lik yi unggwage, eeke kaanok nduk, kat tu paga yime wage me, at ninogoba Yetut nikkeegerak nogo nen, nappani waga o,” yoreegerak.

Nappiigak 9:17 ပူးပေါင်းရင်းမြစ်များ

Wakkagagerak 45:4

Inagabiti nen inoone puk ogo mbareegwa, at Yutup nen at oweewi inom, awuluk inom, yorage logonet, “An nowagam ya'i panggo yi woraanip o.” Yorage nagagerik, panggo yi wogo mbareegwa, at Yutup nen, “Kit nen aap Metit inoona onggo nggerennabeegutak kinawot Yutup nogo an aret o.

Matiyut 19:13

Ti'nuk, it aakumi nen at Yetut elege-aabologwe eenggi inanobak tebembiinok, tamban eeginabuwak nduk, wogoret at owagam wogo mbareegwa, at oone waganggwi nen aakumi nogo mberirogogwaarak.

Marakut 5:23

abuwa warak nggo-nggo yoge logonet, “Yetut wae. An napuluk kolaga andi kambuurak eeke wonage me, kangge kero, eenik logowak nduk, keenggi pigogo obeelom eeri nanok o.” Yoge mbareegi,

Marakut 6:5

At ame time eerubok mendek eeriyak meek aret kagak kwe, ambitak mban kugi andi me inanobak eenggi pippiinok, obeelom eeginake nagagerak.

Lukat 1:41

Elitabet nen kwe Mariya keyage wappege oone aruk konengge kagak, elege inikime nogo nen nugu'lik yereegerak. Nugu'lik ari kenok, Aberiniki nogo kwe Elitabet inikime lik yi unggwage mbareegi,

Lukat 1:67

At Yaya ogoba Takariya nogo Aberiniki inikime lik yi unggwage mbareegi, Ala nen yoge kagak, ari logonet,

Lukat 1:76

Ndi, naput kat yi perak, ninogoba eerit nage logorak tu yarit nage logonok nduk, kaa'nduk nage logonet, aakumi inomaluk lek eerogo piige kenok, inagap ndariyak wone nogo, ineenu aruwak nduk, yoranet namenggendak paga kendage, At Tiyanak Lombok Menggerak Oone Yoraga yi aret o, yinuk, yokkogo logogun o.

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

Nappiigak 13:3

Yorage mbareegi, it abok aret mbi nengga'lek inambe mage negen logonet, inanobak ineenggi tebembiinok, tamban eeppiigo nogogwaarik, nappiyareegwaarak.

Nappiigak 13:52

Wogo mbareegwa, it o Andiyokiya time Yetut oone waganeegwaarak nogo, Aberiniki inikime mondok liinik me, iniki ale'nggen ambik ogogwaarak.

Nappiigak 19:6

Yiime wuppiigo mbareegwa, at Pawulut eenggi inanobak tebembiige kagak, Aberiniki inoba wambi wage mbareegi, aakumi alik inoone lalin negen woppunuk yogwe, Ala wone yorogwe, eereegwaarak.

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 21:20

Mbininogo yoragagerak nogo inaruk konembogo nogogwaarik, Ala wogoppereegwaarak. Wogoppogo nogogwaarik, Pawulut yogo logonet, “Ninore, Pawulut wae. It Yakuri mendek yi aap ndi aap abok aret Yetut oone abet mbareegwaarak kwe, it abok aret Ala wone yugu liiru mbanak nogo iniki ti mban lunik logonet, eerit nogwe yi, iige agandik?

Nappiigak 26:15

Ai, nogoba. Kat ta o? Yoge mbareegi, Lek o. Kat nen keebi-keeba agago nooke menggendak Yetut an aret o.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 6:6

leenogo piigo nogogwaarik, it nappiigak nogo inowagam piya wogo mbareegwa, inanobak tebembiinok tamban eeginabeegwaarak.

Nappiigak 8:17

inanobak ineenggi tebembiirogo iigak Aberiniki wogoragagerak.

Nappiigak 9:18

Awo yoge kagak, enegen ogut agagerak lenggenak nogo panggok togon wangge logonet, enegen pagak yereegerak. Enegen pagak ari nagagerik, mi'nage mbareegi, yiime wuppereegerak.

Oroma 15:7

Nit Ala tiyappogo logowok nduk, Keritut nit wo'ninabeegerak nogo pogom, kit togop aret kiniki ale'nggen paga kinoreewi wogonako logonip o.

1 Korindut 15:47

Aap aa'nduk wakkagagerak nogo ti, nggween mendek aret wakkagagerak. Ndi, aap peebi mendek nogo ti, at awi alom mbogut paga nen aret wagagerak.

1 Korindut 15:8

Ti eeke nagagerik, an nogo, elege nda'nariyak eyom awo kagak aberak lek me, nda'nogo mengga kwak, an togop aret aberak lek me, nenegen kaakit nduk, age yobok togon an aret ni'neyareegerak.

1 Korindut 9:1

An nogo, aakumi nen, “Yogop ee'nu, ndogop ee'nu,” yo'nugwi iigak eeke minggirak mbakop? An nappiigak logokit nduk, Ala nen mippanulik mbakop? Ndi, ninowe Yetut an nenegen liirogon koolik nombako ogotik? Ninowe eyabu eeke minggirak nogo, anggen yugu negen kit aret wonogwe nogo lek a?

1 Timotiyut 4:14

Ala eyabu ambi eeke logonok nduk, it Ala apuri unde nogo nen kanobak tebenggo logonet, “Kat peebi togop eeke logomunggun o,” yinuk, nggwok paga aa'nduk unde eeppagareegwaarak nogo, kobak eerogo puurak ti mage o.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.

2 Timotiyut 1:6

Togop me, an neenggi kanobak tebembagage neegak, Ala eyabu ambi ee'nok nduk, unde eeppagareegerak nogo, kani noguk ari kenok ambi kunggwi nogo pogom ambi abeke logonok nduk, yokkigi o.

2 Peterut 3:15

At ninore niniki kunik Pawulut nogo nen yi mbuku ndi mbuku abok aret liiru mbangge logonet, an wone yokkiragarak yi nogo ti, inom aret mbangge menggerak kwe, at liiru mbangge menggerak nogo ti, wone ando taberak negen mbangge menggerak me, it aakumi Ala wone awo liippega'lek mendek iniki kole aga'lek nogo nen, ineebe lek eerogo patuwok nduk, Ala wone yugu liiru mbanak ando abut laganogo yorogo logonet, Pawulut liiru taberak negen mbangge menggerak nogo togop aret abut laganogo yorogo menggaarak nineenu kwe, Ala nen at Pawulut iniki nggaganogo yoge kagak, iniki warak nen liiru mbanggiragagerak nogo ndak-ndak, an togon liiru mbanggirage logonet, “Ninowe mbet-mbet waga'lek kenok ti, nit abok ninagap ndaruwak nduk to'niige me, niniki ndegenggologo logorak nanonggwan aret o,” yinuk, mbako logobagip nduk, liiru yi, mbanggiragi o.