Nappiigak 9:13 - Ala Wone Peenok Peebi Mbanak

¹³ Yoge mbareegi, at Ananiyat nogo nen, “Nogoba o. At aap nogo, kapuri alik leenak o Yerutalem menggaarak maluk eeginabit nege yogwe nogo an muk konenggirak o.

Nappiigak 9:13 ပူးပေါင်းရင်းမြစ်များ

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Nappiigak 22:4

Eeke logonet, it aakumi ineenik logorak tu mugurok nogwe nogo, inoorikit nduk neebi-neeba eeginake logonet, kumi nen, aap nen, keele maarogo piige, mambiigo menggam mambiige, eeke nagagirak.

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.

Nappiigak 9:1

Ti eeke kagak, at Tawulut nen it ninogoba Yetut oone waganggwi nogo inoorikit nduk anini wu agan nage mbareegi, at Ala unde inowe nggwok nogo owagam nage nagagerik,

Nappiigak 9:21

Yoragagerak inaruk koneneegwaarak abok aret nen, “Wi,” yinuk, pi wako logonet, “Wologwe! O Yerutalem it Yetut endage paga tamban eeko menggaarak kero, inoorit nage nagaarak ti, yogondak o yime it togoti mendek kero, keele maageren Ala unde inoweewi inowagam piya naakit nduk wagaarak nogo nen agan nage yi lek a?” yinuk, yogo nogogwaarak.

Nappiigak 9:32

Wigannogwe iigak, at Peterut nogo yi awi ndi awi time pegiinet nege logonet, Ala apuri leenak o Lira wonogwe nogo iya nagagerak.

Nappiigak 9:41

Mi'nage mbareegi, at Peterut nogo nen eenggi pigogo mippege nagagerik, it kumi togwe nogo inom, it abet mbareegwaarak nogo inom, “Wa'nip o,” yoragagerak wogo mbareegwa, “Eenik agaarak yi, kaanip o,” yoragagerak.

Oroma 1:7

Kit Oroma mendek abok aret at Ala nen iniki kunik eekkinake, at apuri alik leenak logobagip nduk, miirogo pinagage, eereegerak ti, Ninogoba Ala ninowe Yetut Keritut imbirak iniki kunik en eeppinagagwi, kiniki ugun tayenak obeelom logobagip nduk, eeppinagagwi, eeko logogun o.

Oroma 15:31

It aakumi Yureya mendek iniki abet mbaka'lek nogo nen an nookwi iyo, tu kuurik me naakit nduk, nake tamban eekwi, it Ala apuri alik leenak o Yerutalem wonogwe inake kuwak aago wogoren nage nogo, iniki ale'nggen paga kolaawak nduk, inake tamban eekwi,

Oroma 16:15

It Pilologut togon, Yuliya togon, Nereyut togon, at awuluk kolaga Olimbat togon, ndi, it Ala apuri alik leenak inom menggaarak nogo abok aret inom keyage wappiigi o,” yinuk, yegerak, yoraanip o.

Oroma 16:2

At kwe ti nen aakumi ambik yeenggwaarage logonet, an togon yeenggwaanege nagaarak me, at nen, “Yogop eeppaniyak o,” ari kenok, yeenggwaagwi, ndi, it Ala apuri alik leenak nen inoreewi abet mbakwi nogo keyage warogo wogonako mengga kwak, “Kwe ti ninowe abet mbareegerak me, nit mendek aret o,” yinuk, waganggwi, eeko logonip o.

1 Korindut 1:2

kit Ala apuri o Korindut kuwak eeko monggotak nogo, wone ambi yokkiraawi o. Kit Ala apuri logobagip nduk, kinayonggo pinaganuk, Keritut Yetut kinom kunik logobagip nduk, eerogo pinagage nagagerik, leenogo pinagareegerak inom, it yi awi ndi awi, “Ninowe Yetut Keritut aret o,” yinuk, yogo menggaarak inom, kit abok aret wone yokkirogo o. Yetut Keritut ti, nit inom, it inom, abok ninowe aret me,

1 Korindut 16:1

Kit nen, “It Ala apuri inake wu kuwak eerogo punuk wogoraawok o,” yinuk, yogwe nogo, an wone ambi yokkira o. An nen it Ala apuri o Nggalatiya kuwak eerit nogo menggaarak wone lengganogo yoragagirak nogo, kit ndak-ndak eeko logobagip nduk yokkiragi o.

1 Korindut 6:5

Kit kinenggali arubagip nduk, yokkiragi o, noreewi. Aap iniki warak ambi nen oreewi maluk eekwi iinok, inawone amburu mbanogo yoroorak kinenggela'me wonage lek kenok, eeko ogotik ya?

Epetut 1:1

Ala mbareegerak paga Keritut Yetut ayonggo nappiigak mendek agago paneegerak an Pawulut nogo nen kit Ala apuri at ake leenak Keritut Yetut kinom kunik logonet, obeelom wone liirogon mugurok nogo monggotak o Epetut wonogwe nogo, wone ambi yokkira o.

Pilipi 1:1

Kit Keritut Yetut kinom kunik Ala apuri ake leenak o Pilipi wonogwe inom, Ala apuri inarum monggotak inom, aap yeenggwaaragak inom, kit abok aret Keritut Yetut ayeloman mini an Pawulut Timotiyut nimbirak nen wone ambi yokkiraawi o.

Pilipi 4:22

Ala apuri ake leenak o yime wonogwe abok nen keyage wappinagagwi iigak, it Kayitat apuri logorogon nen kunduk, keyage wappinagaga mban o.

Kolote 1:2

kit abet mbareegutak Keritut kinom kunik ninoreewi Ala apuri ake leenak o Kolote wonogwe nogo, wone ambi yokkiraawi o. Ninogoba Ala iniki kunik nen wokkirage, ndi, kiniki ugun tayenak ale'nggen logobagip nduk, eeppinagage, eeke logogin o.

Iberani 13:24

It kinarum menggaarak inom, it abet mbakwi Ala apuri inom, abok aret, “At nen, Wa! yokkiragi, yegerak,” yoraanip o. Ndi, it aap o Italiya mendek ninom wonogwe nogo, abok ninom nen keyage wakkinako o.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.

1 Tamuwen 16:2

Yoge mbareegi, at Tamuwen nen ari logonet, “Ti eeriminggirak at Tawun aruk konengge logomenggerik, an nooriyak aret me, time nonggoti na o.” Yoge mbareegi, Aliku ALA nen at yoge, “Tapi awooluk ambi wonok nage logomenggendik, it aakumi time yorage logonet, Aliku ALA ake warogo wogorikit nduk wagi o.