Nappiigak 9:11 - Ala Wone Peenok Peebi Mbanak

^11-12 Yoge mbareegi, at ninogoba nogo nen at yoge logonet, “Mi'na'nuk, tu endage Mot-Mot yogo menggam aap Yurat ame time nak o. Aap ambi endage Tawulut awi Tarutut mendek nen tamban eeke me, kat Ananiyat nen aret at owagam unggwage nagandik, anobak keenggi tebembunuk, enegen ogut agaarak nogo obeelom eeke abinggaanggo paga kegerak me, time nage logomenggendik, Tawulut yime wonage ilik, lek a? yinuk, yora nak o.”

Nappiigak 9:11 ပူးပေါင်းရင်းမြစ်များ

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Yaya 4:10

Yoge mbareegi, at Yetut nen at yoge logonet, “Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek aret wokkenetak o.”

Nappiigak 11:13

Unggwi nogo mbako, at nogo nen wone mbininogo yo'nirage logonet, Malayikat ambi an name unggwegerak mi'ndak wonage nenegen kage mbaki, yo'nege logonet, Aap Timon endage ambi toonak Peterut nogo woraawak nduk mugurok o Yope nappiyet o. Nappiyamenggendak yori nogwe iinok, wage logomenggerik,

Nappiigak 11:25

Ti'nuk, peebi, at Mbaranabat nogo nen Tawulut kwaarikit nduk o Tarutut nage nagagerik,

Nappiigak 2:21

Ti eeke mbaremenggi, aap ambi nen, Nogoba Ala o, yinuk, an nendage kunogo yo'neremenggerak kenok, agap ndarigin, yereegerak o, yinuk, at Yowen nen yoragagerak nogo arit wage yi aret o.

Nappiigak 21:39

Yoge mbareegi, at Pawulut nen, “Ti an lek o. An aap Yakuri mendek aret. Ndi, o Kilikiya kota, Time kwak logone, mbako menggam Tarutut nogome aret nda'nagagirak naworak aret me, it aakumi an wone ambi yoroorak op ilik?”

Nappiigak 22:3

“An yi, aap Yakuri mendek aret o. Ndi, o Kilikiya kota Tarutut aret nda'nagagirak kwe, o kota yime logonet aret tawe agagirak o. Aap Nggamaliyen nen liirogon mamunnake logonet, ninombomini eeko nogogwaarak wone lunik nogo inom aret yo'nege nagagerak. Yo'nege nagagerak ti paga kit yogondak kiniki aganggen kerek togon Ala ake eeko monggotak kwak, an togon togop aret eeke nagagirak.

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

Nappiigak 8:26

Yoranet wogwe me, ninogoba Ala yonggo nappiya wage menggerak malayikat mendek ambi nen at Piliput nogo yoge logonet, “Tu o Yerutalem nen o Nggata nogo menggam o ame pa'nggwe tu mbuuluk paga time nak o,” yinuk, yoreegerak.

Nappiigak 9:30

“Waruwok o,” yogwe nogo, it ninoreewi Ala apuri konembogo nogogwaarik, eebe wonok, Kayitareya nanuk, time nen o Tarutut nappereegwaarak.

Pelaareegerak 4:29

Ndi, togop eeko logomunggup kwe, At Aliku ninogoba Ala ngga wonage agaarik o? yinuk, kiniki-kineebe apit aret nggaruk togon at kwaakwi kiinok, eebe aret kwaakkaamunggup o.