Nappiigak 9:10 - Ala Wone Peenok Peebi Mbanak

¹⁰ O kota Ndamitik time aap Yetut oone waganggwi mendek ambi endage Ananiyat nogo nen abinggaanggo kage kagak, at ninogoba Yetut nen, “Ananiyat wae.” Yoge mbareegi, Ananiyat nen, “Yo'niru o, nogoba.”

Nappiigak 9:10 ပူးပေါင်းရင်းမြစ်များ

Wakkagagerak 14:15

Panggo yi nogo nogogwaarik, aap aago nogogwaarak nogo Abaram nen inawuri lombok agago piinok, oonikiya paga wim inoba kwi'nari unggwogo nogogwaarik, nappiigak-wappiigak eeginabit o Ndamitik ambo'me o omarip paga pa'nggwe o Koba kuli aret piya nogo logonet,

Wakkagagerak 22:1

Ti'nuk, ne ambi paga at Ala nen Abarakam iniki abut mbanikit nduk, yoge logonet, “Abarakam wae,” yoge mbareegi, at Abarakam nen, “Yu o, nogoba.”

Wakkagagerak 31:11

at Ala ayonggo malayikat nogo nen, Yakup wae, yo'nege mbaki, an nen, Wae, yoge mbaki,

2 Tamuwen 15:26

Ndi, Ala nen, Kat an ninikilom lek aret o, yo'nege kenok, ti op mban aret me, at eeppaniyak mbake kenok ti aret eeppanege logowak o,” yinuk, yoreegerak.

Wundeegwaarak 3:4

At Muta nogo enegen pekkaakit nduk panggo yi nage nogo Aliku ALA kage nagagerik, eyo ku'mbanak enggela'me nen oone yoge logonet, “Muta, Muta.” Yoge mbareegi, Muta nen, “An yime wonage me, yo'niru o.”

Yetaya 6:8

Yo'nege kage nagarik, ti'nuk, nogoba Ala nen ari konengge logonet, “An ari minggirik wone wonok nawak nduk, ta nappigin mbakop? Ndi, nit nookwak wone ti, taani nen wonok yora noorak mbako agaarik o?” Ari konengge nagarik, “Yi an aret me, an aret nappanu o.”

Ndaniyen 2:19

Yorage nagagerik, Ala yo'nuk nogo yugwi me, at Ala nen Ndaniyen abinggaanggo paga wone nobarak nogo, kin paga yoge mbareegi, at Ndaniyen nen at mbogut unde menggerak Ala nogo alut eereegerak.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Nappiigak 10:3

ne ambi paga o kiyoma oonegen 3 ari nage kagak, abinggaanggo kin paga kagagerak. Kage logonet, Ala yonggo nappiiya wage menggerak malayikat mendek ambi at owagam wage nagagerik, yoge logonet, “Koreneliyut wae.”

Nappiigak 11:5

“Lek o, nogobamini. An o kota Yope nogome tamban eeke wonage me, nambuluk pereegerak negen neegak nabinggaanggo kage logonet, mbogoyum tabak irip agi-ogu, aru-ogwe pippunuk mbogut paga nen nowagam wuppi wogwe nenegen kagarak.

Nappiigak 12:9

Yoge mbareegi, wundi nage nagagerik, imbirak nagagerak. At malayikat nogo nen abet aret eeppege kagak, Peterut iniki nen, “We nabinggaanggo kage agarik kulik?” mbakak imbirak nagagerak.

Nappiigak 16:10

Kage nagagerik, “At Ala nen nit obeelom wone aap Makendoniya mendek yora nawak nduk, ninayonggo pegerak kogo o,” yinuk, mbet-mbet wunda nawok nduk eereegurak.

Nappiigak 16:9

O Torowat unggwi nogo nogogwaarik, time nogo yogo logonet, at Pawulut abinggaanggo paga aap Makendoniya mendek ambi mi'ndak logonet, “Wulaga wae. Nit yeenggwaaniranok nduk, o Makendoniya yime wunda mok o,” yinuk, oone nabek togon yoge kagagerak.

Nappiigak 18:9

Ti'nuk, ne ambi nogo iniki paga ninogoba Yetut nen at Pawulut abinggaanggo paga yoge logonet, “An nimbirak wonage me, aakumi nen pippaganuk koorugun lek me, kagabiti nen puk logogun o. O kota yime an napuri ambik wonogwe me, yorage logot o,” yinuk,

Nappiigak 2:17

Ala nen ari logonet, Peebi o age yobok paga yi aakumi ndi aakumi abok aret an Naberiniki inoba wuppi woraagin o. Inapuri wologwe-komologwe yorage neegak, an ari nogo yoranet nugwi, Inapuri wologwe tawe nen inabinggaanggo kogwe, Inogobamini inanggok nen inabi kogwe, Eeko logogun o.

Nappiigak 22:12

Pani nogogwaarak o Ndamitik time wonage me aap ambi endage Ananiyat neya wagagerak. Aap ti, Ala agabiti mbake logonet, Ala wone yugu liiru mbanak liirogon eeke nagagerak me, it aap Yakuri time menggaarak abok aret at ayuk wuko nogogwaarak.

Nappiigak 9:9

Pi nogogwaarak nogome logonet, enegen ogut agagerak kagak, mbi inom, yi inom, nengga'lek we aret nogo mbere yereegerak.

Nggalatiya 1:17

ndi, an nappiigak awo mippangga'lek kagak, it inaa'nduk nappiigak mendek o Yerutalem wonogogwaarak nogo, inowagam yora nage, ti eerulik. Ata, an o Arap nagagirak time wonage nagagirik, peebi niyok paga o Ndamitik aret wagagirak.

1 Tamuwen 3:4

at Aliku ALA nen Tamuwen wiireegerak. Wiige mbareegi, Tamuwen nen, “An yime agarik o, nogoba,” yinuk,