Nappiigak 8:39 - Ala Wone Peenok Peebi Mbanak

³⁹ Wuppege nagagerik, wundi wogwe me, at Piliput nogo Aberiniki nen wonok nggarek ari mbareegi, aap nogo Piliput enegen kaga'lek logonet kwe, iniki ale'nggen mbarit ame nagagerak.

Nappiigak 8:39 ပူးပေါင်းရင်းမြစ်များ

1 Endagembogut 18:12

yori nage neegak, Aliku ALA Aberiniki nen kat wokkeren o an neenggo'lek me pagi namenggerak wonage keegak, aap Akap pekkeya wage logomenggerik, keebe lek keenok, an noorigin aret o. Nooriyak aret kwe, an kayeloman yi, wulaga mbuuluk paga nen aret Aliku ALA mugurok nage minggirak me, op aret o.

2 Endagembogut 2:16

“Wone yokkugwi yi, liippu o. Nit kayeloman mini ninenggela'me yime Eliya kwaari noorak inobam aap ineebe 50 wonogwe me, Aliku ALA Aberiniki nen kogoba ti, wonok puurom paga pi nagaarak a, alu'me pi nagaarak a, it kwaari nawak o.” Yogo mbareegwa, at Elita nen, “At kwaari noorak yoroorak mage o.”

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:14

Aap eenggi warak age kenok ale'nggen mbake menggi kwak, Aberak logorak koone yugu nogo An mugurok nage logonet, nale'nggen mbake,

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetikiyen 11:1

Ti'nuk, Aberiniki nen an piyanogo wo'neren Aliku ALA awi wurik me tu unggwogo menggam oonegen wundi wage menggim pa'nggwe nogome pani nagagerak. Panege mbareegi, tu unggwogo menggam ungguwam taati aap ineebe 25 wonogwe iige nagagirik, inenggela'me aakumi inarum waka inoweewi aap Atut aput Yaataniya inom, aap Mbenaya aput Pelata inom, wonogwe iyareegirak.

Yetikiyen 11:24

Kage mbareegi, Ala Aberiniki nen nabinggaanggo paga yo'nege kage neegak, Aberiniki nen an piyanogo wo'neren niyokan it aakumi wogoren o Mbaben mbo piya nagagerak wonogwe me nogome pani wage kagagirak. Pani wage nagagerik, nabinggaanggo kagagirak nogo eenggi-iyok lek aret lek age kagagirak.

Yetikiyen 37:1

Ti'nuk, Aliku ALA omaawi noba panege logonet, at Aberiniki yoge mbareegi, neebe wo'neren wundi nanuk, o kobappaga aakumi inowak nggininik yagabit aago wonage me enggela'me time pani nagagerak.

Yetikiyen 43:5

Kage neegak, Aberiniki nen an piyanogo wo'neren oore'nggam akem time pani unggwage mbareegi, Aliku ALA abu tiyanak eya aago nogo, at awi wurik me time mondok endak warogo pege kagagirak.

Yetikiyen 8:3

At ti, aap eenggi negen ngginogo neeruwak pi'nake kagagirak. Ti'nuk, nabinggaanggo kage logonet, Aberiniki nen an piyanneren mbogut agi, nggween ogu, kagak o oolo taati lagangge nagagerik, wo'neren o Yerutalem oore'nggam akem o omarip paga pa'nggwe tu unggwogo menggam Ala alut eeriyak kagak alik alut eekwi eebi mbake ogut eerak wonage me nogome pani nagagerak.

Matiyut 13:44

Yorage nagagerik, ambi yorage logonet, “At mbogut paga mendek abu'me piyoorak nogo ti, iri'ngga onggo nggwok nogo mendek yabu eerak me taanak nogo pogom aret o. Aap ambi kwaakkolage nagagerik, obaane'me taambunuk, iniki ale'nggen nen at amindik-amendek tigitogon kungge nagagerik, wu kunik nogo paga yabu eerak nogo aret onggo kunggolagagerak o,” yinuk, yoragagerak.

Matiyut 3:16

“E o,” yinuk, yiime wuppege mbareegi, Yetut yiime nen awo wundi wage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak.

Marakut 1:10

Wuppege mbareegi, wundi wage kagak, mbogut keyaake mbareegi, Aberiniki towe puume pogom wiga agan at Yetut oba nabi wage kagagerak.

Nappiigak 13:52

Wogo mbareegwa, it o Andiyokiya time Yetut oone waganeegwaarak nogo, Aberiniki inikime mondok liinik me, iniki ale'nggen ambik ogogwaarak.

Nappiigak 16:34

Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Nappiigak 8:29

Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”

Nappiigak 8:38

Yoge nagagerik, kuda nogo puk aruwak nduk yoreegerak puk age mbareegi, imbirak yiime unggwogo nogogwaarik, Piliput nen aap nogo yiime wuppereegerak.

Nappiigak 8:8

it o kota time mendek nogo iniki ale'nggen ambik mbareegwaarak.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Yakobut 4:16

Ko'lu eeriyak kineenggo'lek kagak, kineenu negen eekko'nok wogoppakwi ti, maluk aret eekwi kiigi o.