At Abimelek nen at Abarakam akwe Tara nogo waganeegerak paga it kumi Abimelek ame wonogwe nogo tigitogon wubili agago piyareegerak me, ti'nuk, inaagalogwe ndaganako logowak nduk, at Abarakam nen tamban eeginake mbareegi, at Ala nen Abimelek inom, akwe inom, ayeloman komologwe nogo inom, obeelom agago piyareegerak.
Nappiigak 8:24 - Ala Wone Peenok Peebi Mbanak24 Yinuk, mberege mbareegi, at Timon nen, “Ai! Kit yogotak nogo an ee'nake kero, kinogoba Ala yogo logonip o,” yoragagerak. အခန်းကိုကြည့်ပါ။ |
Nappiigak 8:24
15 ပူးပေါင်းရင်းမြစ်များ
Non mbambagage wonagarak me, yogondak kwe ti, ogonggelo unde wogori nak o. At ogonggelo ti, an noone yoge neenok yoraga mendek me, kat kake tamban eerigin kenok, kambumunggun lek o. Ndi, kwe ti, ogonggelo wogorumunggun lek kenok perak, kat inom, kowe-kawot inom, Nit abok aret kambugun aret kagi, mbake logot o,” yoreegerak.
Ti eeke mbareegi, aap endagembogut nogo nen aap Ala wone liirogon eeka nogo yoge, “An neenggi wonage menggi kwak obeelom ee'nabuwak nduk, nake tamban eeke logonet, kabuwa warak nggo-nggo Aliku kogoba Ala yoru o.” Yoge mbareegi, abuwa warak nggo-nggo logonet Aliku ALA yoge mbareegi, eenggi wonage menggi kwak obeelom aret agagerak.
Nayeloman Ayup nen nabok abe pagangge menggi kwak, kit togop yuulik paga aaninggin kinoba pinagarak mbakirak kwe, lek eerogo pinagakit nduk, tapi ngguunok 7 waganggwi, ndomba ngguunok 7 waganggwi, ee'nuk, nayeloman Ayup owagam nogo logomonggotik, ti abok aret warogo kinake kani kunggwi kiinok, nayeloman Ayup nen kinake tamban eeke kenok, naruk konengge logominggirik, kit eekotak ndak-ndak eeppinagagin lek teppinagagin o,” yinuk, yoreegerak.
Ogolem nogo wonage mban mbareegi, Pirawun nen Muta Karun imbirak woraawak nduk, wiiragagerak wogo mbareegwa, it yorage logonet, “An inom, napuri aakumi o Metit mendek inom, ogolem ninoba wonage yi, at Aliku ALA nen lek eerogo puwak nduk, tamban eekwi kiinok, an nen kat kapuri aakumi Iterali nogo Aliku ALA ake warogo wogori nawak nduk nappiyaagin o.”
Togop aret wonogogwaarak kwe, ne ambi paga aap endagembogut Terekiya nen aap Telemiya aput Yukan inom, Maateya aput Ala unde Tepaniya inom, imbirak Ala nen yoge kagak yoraga Yeremiya yori nawak nduk, nappiige mbareegi, nogo nogogwaarik, “Nit ninake ninogoba Aliku Ala yo'nok nduk, yokkiri wogo o,” yoreegwaarak.
Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.
Kambit nogo mbareegwa, it aakumi Iterali mendek nogo apit aret Muta owagam wogo nogogwaarik, yogo logonet, “Kat inom, Aliku ALA inom, ninoone maluk yokkirogoorak ti maluk nggwok eekoorak o. Ndi, maluk eekoorak paga waalo ineyak mbaninakwi yi, lek aruwak nduk, kat nen Aliku ALA yoru o, ninogoba!” Yogo mbareegwa, at Muta nen it inake Ala yoreegerak.
Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.
ကြော်ငြာတွေ