Nappiigak 8:23 - Ala Wone Peenok Peebi Mbanak

²³ Komaluk koba luurik maarak aago wonage kagak, wam ambiki aleegwi negen koone andiigwi ari keegi o.”

Nappiigak 8:23 ပူးပေါင်းရင်းမြစ်များ

Ayup 20:14

Inambi negen nunggwi iinok, inaanagale paga andi tele eerogo piige, Waalo aap inooka ameyo kwak a'nuk, inaanogum panggo eerogo piige, Eeke menggi kwak eerigin o,

Ndawi 116:16

Kaliku ALA wae. An kayeloman abet aret wonage, Kwe kayeloman aagaluk an kayeloman aret wonage, Eeke agarik o. Mbutigeele maarak wonage me, Kat nen aret piinogo panggendak o.

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Yetaya 28:22

At Omaawi Lombok Menggerak Aliku nogoba ALA nen o taganak nggwok yi abok aret Lek eeppuurak wone lengganogo pugu wonage nogo, muk naruk konenggirak me, Kit at meek eerogo pugwi kiinok, mbutigeele paga maarak kwak aaninggin kinoba wonage nogo, Ambinom aaninggin nggwok kinoba pinagukwak, at ambinom meek eerogo puurak mage o.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yeremiya 4:18

“It Yekura mendek eerogo piigwi abok aret ti, inalik nen inobaabut paga, eeko nogogwaarak paga, inoba pakaarak o. Eeko nogogwaarak onggo inoba piigwi ti aret me, iniki andi lombok eeginake, Iniki me mondok ndanuk yi unggwage, Eeke me, mondok iya o!” yinuk, Aliku ALA nen aret yegerak me, yokkiragi o.

Yeremiya 9:15

Togop me, at Omaawi Lombok Menggerak Iterali inogoba Aliku Ala nen eeriyak, yegerak nogo yi aret. “An nen it aakumi yi, eyo anggen ale mendek mban nunggwi, niyo kambuurak mendek mban nunggwi, eeko logowak nduk, wogorage neyaamunggun o.

Leendawi 3:19

An yagan wake, ya agak nda agak nege, ale mendek nengge, wam ambiki kwak nengge, Eeke nagagirak nogo niniki aberak aret agarik o.

Leendawi 3:5

O tebenogo pi ungguwok nduk wanggeppunuk, nda'nggi pogo mengga kwak, at nen aaninggin-paaninggin noba kwippanege, Niniki andi lombok eerogo panege,

Yaya 8:34

Yogo mbareegwa, Yetut nen, “Ayeloman ambi ogoba abu'me logonet, aruk konok mban eeke menggi kwak, kit maluk eeriyak mban eekkinake kenok, maluk ti, ayeloman aret logomunggup o, yinuk, mondok abet aret yokkiragi o.

Epetut 4:31

Kinoreewi kinom ogoorak wonogwe, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Iberani 12:15

Ala iniki kunik en obeelom eeppinaneegerak nogo mbo pugwi kiyo, liippogo logonip o. Iri'ngga ale warak mendek ambi mbiingga larak paga pegaatak me, mbiingga apit ale age menggi kwak, aap ambi kinenggela'me oone togop agan nege kenok, kit aakumi apit at oone konembunuk, maluk eeriyak koonggwi kiyo, liippogo logonip o.

2 Peterut 2:4

It malayikat nogo mendek nen maluk eeko mbareegwa, Ala inabuwa nen teppiyareegerak mbakop? Lek o. “Peebi kinowak loonogo pinagagin o,” yinuk, kani omoonu'me mbuun ambena kiiniki paga logowak nduk mbutigeele maarogo wuppiyareegerak wonogwe nogo lek a?