Nappiigak 7:55 - Ala Wone Peenok Peebi Mbanak

⁵⁵ at Tepanut nogo Aberiniki inikime mondok liinik logonet, ena mbogut paga ni'nage nagagerik, Ala abu tiyanak Yetut imbirak wonogwe iyareegerak. Iige nagagerik,

Nappiigak 7:55 ပူးပေါင်းရင်းမြစ်များ

Yetikiyen 10:18

Ti'nuk, Aliku ALA abinak at awi wurik me tu unggwogo menggam ari nagagerak nogo, time nen lagi nanuk, it kerub wonogwe inirimbaga time ari lagangge kagagirak.

Yetikiyen 10:4

Kage neegak, it kerub inirimbaga Aliku ALA abinak wonage nogo lagangge nagagerik, Ala awi wurik tu unggwogo menggam irimbaga ari nage mbareegi, at awi wurik inikime time ndugwi nogo, yagabit eerogo pege, oore'nggam nogome Aliku ALA abinak lombok pindanogo pege,

Yetikiyen 11:23

Kage neegak, Aliku ALA abinak nogo o kota enggela'me nen agi lagangge nagagerik, oonegen wundi wage menggim pa'nggwe puut irimbaga taati ari nage kagagirak o.

Yetikiyen 3:23

Yo'nege mbareegi, mi'na'nuk, o kobappaga time aret nagagirak. Nagagirak time wonage me, niyo Kebat aa'nggi paga Aliku ALA abu tiyanak eya abinak kagagirak nogo ndak-ndak aret aago wonage kagagirak. Kage nagagirik, nggween paga natenggen wanduk ngginnagagirak.

Mika 3:8

Togop kwe, an perak, it Yakup mendek Ala wone taganogo pit nugwi, It Iterali mendek maluk eerit nugwi, eekwi nogo Inaruk wake logokit nduk, Aliku ALA Aberiniki paga nomaawi lombok eerogo panege, A'me nggelok eeppiinet nage logonet, nagabiti lek yoranet nage logokit nduk, eeppanege, Eeke agaarik o.

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

Yaya 12:41

At Yetaya wone yoragagerak nogo ti, Keritut abu tiyanak kage nagagerik, abok mbiningge logonet, yoragagerak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 4:8

Ineegwa'me waganggo mbareegwa, at Peterut nogo Aberiniki inikime lik ari mbareegi, yorage logonet, “Kit aakumi Yakuri inarum monggotak inom, ninogobamini inom, wone ambi yokkira o.

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Nappiigak 6:3

it aap Aberiniki inikime mondok liinik iniki warak logonet yogo menggaarak kineenu kero, kinenggela'me nen aap ineebe 7 leenogo mippiyaanip o.

Nappiigak 6:5

Yorogogwaarak it aakumi ambik kuwak ogogwaarak nogo konembunuk, “Op aret yogotak o,” yinuk, leenogo mippiyareegwaarak nogo, inendage yi aret. Aap iniki abet mbareegerak paga yungguppegak eeke logolik, Aberiniki inikime mondok liinik Tepanut inom, Piliput inom, Porokorut inom, Nikanot inom, Timon inom, Paremenat inom, aap endekem mendek awi alom Andiyokiya wonagagerak kwe, it Yakuri inawone woppunuk it eekwi inom eerit nagagerak, Nikolawut nogo inom,

Nappiigak 6:8

At Tepanut nogo Ala nen ale'nggen alik negen oba pege, omaawi ambik eeppege, eeke mbareegi, eerubok mendek eeke, ineenu ariyak inagabiti warak mendek eeke, eerit nage kagak kwe,

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 8:1

Nit wone yogwe yi nogo, alom liirogon yi aret yokkira o. Ala unde ninowe nggwok ti, togop aret wonage o. At ninogoba mondok tiyanak menggerak mbogut paga wone lengganogo yorage menggim eenggi abe'nggan paga kwi'nari laganeegerak logonet,

2 Peterut 1:17

Keritut ninom puut ayuk warak menggim nogome niigak, at mondok tiyanak, “Wi!” ugwi ninogoba Ala nogo nen ninowe Yetut Keritut ayuk wurogo tiyappege logonet, “An naput niniki kunik nale'nggen ee'nake nogo yi aret o,” yinuk, mbogut paga nen oone ari nit aret ninaruk konembunuk, yokkirogogurak nogo o.

Wayu 21:11

Yo'nege mbaki, yugum onggo nggwok pugagi pogom endage yatipit nogo mendek pindan-pindan eeke menggi kwak, o kota ngget ogobakkigirik pindan-pindan eeke ti, Ala tiyanak logonet, eya ndelenak-welenak aago menggerak nogo nen aret eeke kagarak.