Nappiigak 7:47 - Ala Wone Peenok Peebi Mbanak

⁴⁷ at wurulik, Talomo nen aret Ala awi wureegerak.

Nappiigak 7:47 ပူးပေါင်းရင်းမြစ်များ

2 Tamuwen 7:13

Ndi, nendage ki logowak nduk, nawi wurogo paniyak yegerak nogo ti, apuluk ti'nen aret wurigin o. Wuke kenok, at paga wigannarigin nogo nen mban abu'me piige logowam time mondok-mondok wone lengganogo yorage logowak nduk, eeppege logogin o.

1 Endagembogut 5:1

It aakumi o Tirut mendek inowe endagembogut Kiram nen Ndawut imbirak iniki kunik wonagagerak me, “At Talomo nogo ogoba Ndawut obaane'me endagembogut logowak nduk, amburu eerogo mippegaarak o,” yogwe nogo aruk konengge nagagerik, awuri inom eeko menggaarak nogo, Talomo wonage me nappiya wagagerak.

1 Endagembogut 6:1

Aakumi Iterali mendek nogo o Metit mbo punuk wundi wogogwaarak iigak, tahun empat ratus delapan puluh eereegerak me, at Talomo nogo aakumi Iterali inowe endagembogut a'nuk, wone lengganogo yorage kagak, tahun kenagan eeppunuk, ambi eeke tut ambi penembunuk, tut ambi endage Tiwi penengge paga at Talomo nen Aliku ALA awi wurikit nduk, eereegerak.

1 Endagembogut 8:20

At Aliku ALA nen wone koonogo yoreegerak nogo, a'me nggelok ari logonet, at Aliku ALA yoreegerak ndak-ndak, an nogoba Ndawut obaane'me age nagarik, napuri Iterali nabu'me piinok, inawone koongge minggirak me, Aliku aakumi Iterali inogoba Ala endage ki logowak nduk an nen aret at awi wukirak yi o.

1 Mbinineegwaarak 17:1

At aap endagembogut Ndawut nogo, at awi o nggwok abe wuppunuk, ale'nggen paga wonage logonet, aap Ala yoge kagak yoraga Natan nogo yoge, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Aliku ALA aloobut mbanak kenok we ooliya wurik me wonage ti ket o.”

2 Mbinineegwaarak 3:1

At Talomo nen o Yerutalem puut Moriya paga Aliku ALA awi wurikit nduk eereegerak nogo ti, Aliku ALA nen at Talomo ogoba Ndawut nikka wagagim aap Yebut mendek endage Arawuna gandum agabolo mbelangge menggim Ala awi wuriyak aap Ndawut nen koonogo pereegim taa'nogo aret wuriyak nduk, eereegerak.