Nappiigak 7:46 - Ala Wone Peenok Peebi Mbanak

⁴⁶ Mippogo mbareegwa, at Ndawut eerit nage paga Ala ale'nggen oba pege nagagerak me Ndawut nen ari logonet, Yakup ogoba Ala logowam o wurikit o, yinuk, yereegerak kwe,

Nappiigak 7:46 ပူးပေါင်းရင်းမြစ်များ

2 Tamuwen 6:21

Yoge mbareegi, at Ndawut nen kwe Mikan nogo yoge logonet, “An nale'nggen nen ogut-togut wake neegendak nogo ti, aakumi inayuk wuke logonet warulik o. Ata, kogoba Tawun inom, owe-awot inom, wonogwe iigak, Aliku ALA nen at apuri Iterali mendek inowe nendagembogut logonet, inarum logokit nduk, inenggela'me nen leenogo mippaneegerak nogo enggaanom paga eekirak me, op aret eekirak o.

Ndawi 132:11

Kaliku ALA nen wone kumbuk mbanogo Ndawut yoge, Lek arigin lek a'me aruwak nduk, kumbuk mbanogo yoge, Eeke logonet, “Kat kaput ambi ndaremenggendak nen Kat wone lengganogo yorage menggenom Kwippiminggirak wone lengganogo yorage logogin o.

Nappiigak 13:22

Ti'nuk, at nogo tebembunuk, obaane'me, At Itayi aput Ndawut nogo an niniki mbake minggi kwak, at ndak-ndak mbake menggerak me, an niniki mbake mban eeke logogin kagi o, yinuk, inowe endagembogut Ndawut aret mippereegerak.

1 Tamuwen 13:14

Aliku ALA nen wone lengganogo yokkegerak nogo liirogon eerulik me, yogondak aakumi Iterali inowe kendagembogut ambinom inarum logomunggun lek o. Ata, aap alik ambi Aliku ALA iniki mbake ndak-ndak eeke menggerak kero, at apuri inarum logowak nduk, leenogo mippigin o,” yoreegerak.

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”