At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.
Nappiigak 7:42 - Ala Wone Peenok Peebi Mbanak42 Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya? အခန်းကိုကြည့်ပါ။ |
Nappiigak 7:42
26 ပူးပေါင်းရင်းမြစ်များ
Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,
It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.
An kunduk it eekwi onggo mondok alik negen eeppiyoorak koonogo pege, Inamineeri ne agan noorak mendek inoba kwippege, Eerigin o. An nen wiirage neenok, inoone onggo ambi yo'nugwi, An nen wone yorage neegak, inaruk konenggwi, Eeka'lek logonet, An nenggaanom paga maluk mban eekwi, An eeriyak neebi mbake nogo aret miippunuk mugurok nogwe, Eereegwaarak kenok yagi o,” yinuk, yegerak.
O kota Yerutalem inawi wurik kirin ndoonak paga time laaluguragan ninggirik inake obari abe kaga kani kunggwi, an wonage neegak kwe, it kugi inake anggur amburu kilirogo pugwi, eekwi iinok, o Topet maluk ogole warak eerogo pereegwa kwak, aakumi Yerutalem mendek inawi wurik inom, it aakumi Yekura inoweewi inendagembogut inawi wurik inom, togop aret eerogo pigin, yoret o,” yinuk, yegerak me, yokkiragi o.
it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.
It Iterali mendek ti perak, Naliku Nitok Minggirak an ALA nen wone ambi yoroorak yokkege nogo yi aret. It Iterali mendek ti, inalitik-inalitak lombok nen inagugi ogut eerak ayuk wurit nogo logowak o. Togop eerit nogo logomenggaarik, irip paga an noone inaruk konembunuk, inagugi inake pugwi, aanggo warogo wogogwi, eekwi paga an nendage abe alik leenak maluk eerogo pugwi nogo ambinom maluk eerogo pugun lek o.
Kage mbareegi, at nen an wo'neren Aliku ALA awi wurik oore'nggam akem time pani nage mbareegi, at awi wurik me tu unggwogo menggam enaame wone mbanggo menggam inom, ake warogo wogogo menggam inom, oolo taati aap ineebe 25 negen nen Aliku ALA awi wurik inambokan punuk, ina oonegen wundi wage menggim pa'nggwe na'na'nuk, oonegen wundi wage nogo inendobanggun yindumbunuk, ayuk wukwi iyareegirak.
Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.
ကြော်ငြာတွေ