Nappiigak 7:26 - Ala Wone Peenok Peebi Mbanak

²⁶ Nogo ambi yippunuk, ko'lu nen at awuri Iterali mendek mbere yawi pugwi enegen iige nagagerik, ogoorinake logonet, Nawuri o. Kit kimbirak nore-kore aret kwe, nano nduk yawi wat-wat yogo ogotik o? yinuk, yorage mbareegi,

Nappiigak 7:26 ပူးပေါင်းရင်းမြစ်များ

Wakkagagerak 13:8

Togop aret wone wako mbareegwa, at Abaram nen wone koonogo Lot yoge logonet, “Nit nimbirak ambit aret me, kat an nimbirak inom, kat kawuri an nawuri inom, ndugwi puurak ti, mondok meek aret me,

Wakkagagerak 45:24

at oweewi inom, awuluk inom, nappiyaakit nduk yorage logonet, “Nogo logonet, wone warit nagup o,” yinuk, yorage mabreegi, wogogwaarak.

Ndawi 133:1

It aap inogoba ambit kenok Niniki-kiniki kunik wonogwe nogo ti, Abu obeelom mondok iya lombok wonogwe ti aret!

Kini Wuppiige 18:19

O kota ambi omaawi ambik tebenogo puurak ti op negen kwe, Aap ambi ore nen iniki warogo pegetak nogo iniki yanggonogo puurak ti perak, meek lombok aret o. Wone wakwi nogo ti, aap nggwok owa'nagat tu unggwogo menggam nowa'mbit-kowa'mbit eerak menggi kwak aret o.

Matiyut 14:22

Roti nonggo mbareegwa, Yetut nen at oone waganggwi nogo yiiro paga unggwi nanuk, inaa'nduk yi enebagan nen wunda nawak nduk yorage, ndi, it aakumi kuwak aago nogo iname nappiige, eereegerak.

Nappiigak 7:25

At iniki mbake logonet, Ala nen noreewi inagap ndariyak nduk nappani wagaarak nombarugun ilik? mbareegerak kwe, togop mbaka'lek aret wonogogwaarak.

Pilipi 2:1

Keritut kinom kunik me, kiniki eyak wappinagage, at kinabuwa mbake logonet kiniki yanggongginake, eeke kagak, Aberiniki kinom kunik wonogwe, kit mban-mban niniki-kiniki kunik eeko logonet, obeelom eeppiinet nugwi, eeko logorak eekkinake kogotak kenok,

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.