Nappiigak 6:8 - Ala Wone Peenok Peebi Mbanak

⁸ At Tepanut nogo Ala nen ale'nggen alik negen oba pege, omaawi ambik eeppege, eeke mbareegi, eerubok mendek eeke, ineenu ariyak inagabiti warak mendek eeke, eerit nage kagak kwe,

Nappiigak 6:8 ပူးပေါင်းရင်းမြစ်များ

Yaya 4:48

Yoge mbareegi, Yetut nen at yoge logonet, “Eerubok mendek eeke, kineenu ariyak kinagabiti warak mendek eeke, eeke neyaamunggup lek kenok, kiniki noba panggombunuk, abet nombarumunggup lek kiigi o.”

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Nappiigak 6:15

Yorogo mbareegwa, it wone amburu mbanggo menggam kwi'ndak wonogogwaarak nogo abok aret nen, at Tepanut eebe inigen pippak ugo logonet, at enete ti, malayikat etenggen kwak kumbunuk wonage kogogwaarak.

Nappiigak 6:3

it aap Aberiniki inikime mondok liinik iniki warak logonet yogo menggaarak kineenu kero, kinenggela'me nen aap ineebe 7 leenogo mippiyaanip o.

Nappiigak 6:5

Yorogogwaarak it aakumi ambik kuwak ogogwaarak nogo konembunuk, “Op aret yogotak o,” yinuk, leenogo mippiyareegwaarak nogo, inendage yi aret. Aap iniki abet mbareegerak paga yungguppegak eeke logolik, Aberiniki inikime mondok liinik Tepanut inom, Piliput inom, Porokorut inom, Nikanot inom, Timon inom, Paremenat inom, aap endekem mendek awi alom Andiyokiya wonagagerak kwe, it Yakuri inawone woppunuk it eekwi inom eerit nagagerak, Nikolawut nogo inom,

Nappiigak 7:55

at Tepanut nogo Aberiniki inikime mondok liinik logonet, ena mbogut paga ni'nage nagagerik, Ala abu tiyanak Yetut imbirak wonogwe iyareegerak. Iige nagagerik,

Nappiigak 8:6

Yorage me, aakumi ambik kuwak ogo nogogwaarik, Piliput nen yorage nogo inaruk konenggwi, ineenu ariyak inagabiti warak mendek eeke nogo inigen kogwe, eeko nogogwaarik, wone yoragagerak nogo iniki liippereegwaarak.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

1 Timotiyut 3:13

It aap yeenggwaaragak eerit nugu menggaarak nogo abe koonak eekwi iinok, inendage warak aret logogun o. Ndi, nit niniki Keritut Yetut oba panggombunuk abet mbakwi wone nogo, it inagabiti mbaka'lek logonet, yoranet nugu logogun aret o.