Nappiigak 6:15 - Ala Wone Peenok Peebi Mbanak

¹⁵ Yorogo mbareegwa, it wone amburu mbanggo menggam kwi'ndak wonogogwaarak nogo abok aret nen, at Tepanut eebe inigen pippak ugo logonet, at enete ti, malayikat etenggen kwak kumbunuk wonage kogogwaarak.

Nappiigak 6:15 ပူးပေါင်းရင်းမြစ်များ

Wone Alom Kibingga 8:1

Aap iniki warak menggi kwak ta o? Yi wone ndi wone agaatak alom eenu menggerak ta o? Iniki warak nen aakumi inete paga eya eerogo piige, Ndi, inetenggen aagi nogo teretak eerogo piige, Eeke menggerak o.

Matiyut 13:43

Ndi, it iniki abe koonak menggaarak nogo perak, inogoba abu'me logonet, inoba oonegen pogom pinda yogo logogun o. Kinaruk wonage kenok, liirogon aret konenggo logonip o,” yinuk, yoragagerak.

Matiyut 17:2

inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

Matiyut 5:22

yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Marakut 8:25

Ari mbareegi, Yetut nen ambinom eenggi enegen me nobake mbareegi, aap nogo enegen abe aret pagak ari nagagerik, yi mendek ndi mendek abok aret tena'me enegen kagagerak.

Nappiigak 7:1

Ti'nuk, at Ala unde inowe nggwok nogo nen Tepanut yoge logonet, “Aap wone yagaarak ti, kat abet aret yagandak ya?” Yoge mbareegi,

2 Korindut 3:18

Togop me, nit ninetenggen nobarak togop ti wonogwe lek o. Ninowe mondok tiyanak aakumi inigen kogo logonet, “Wi,” yuwak nduk, Ala awukagi negen nit aret ogoorik o. At ninowe mondok tiyanak kenok aakumi nen, “Wi!” ugwi nogo, nit togon liippugwi niigak, at etenggen ndak-ndak logowok nduk, Aberiniki nen ninobaabut koonogo pinanit namenggi-namenggi irip paga at etenggen ndak-ndak eerogo pinanigin o.