Nappiigak 5:39 - Ala Wone Peenok Peebi Mbanak

³⁹ Ndi, Ala mbake menggerak eeko menggaarak kenok perak, it inoone taganiyak meek me, Ala nen, An ninom ogoorak logonet eekwi, kinombake kero, teppiyaanip o, yinuk, yokkiragi o,” yoragagerak.

Nappiigak 5:39 ပူးပေါင်းရင်းမြစ်များ

Wakkagagerak 24:50

Yorage mbareegi, it Laban Mbetuwen imbirak nen yogo logonet, “Wone arit wagaarak yi abok aret ti, at Aliku ALA nen mban koonit wagaarak me, nit nen wone maluk-obeelom ambi kat yokkirugun mondok lek o.

2 Tamuwen 5:2

O maan aa'nduk nen at Tawun nogo ninowe endagembogut logonet, wone lengganogo yo'nirage kagak, wim namburiyak nduk, wundi nage kenok, it Iterali ineegin warak nogo kat nen aret wogoren wundi nagak eeke keegak, at Aliku ALA nen kat yokkege logonet, Kat an napuri Iterali inowe kendagembogut logonet wone lengganogo yorage, ndomba ndegeninako mengga kwak ndegeninake, eeke logomunggun o, yinuk, yokkereegerak nogo o,” yinuk, yoreegwaarak.

1 Endagembogut 12:24

At Aliku ALA nen ari logonet, Aakumi Iterali ando ti, it mendek aret me, inom wim namburi noorak abu mage o. Wone yi agaarak nogo ti, an nen aret eerogo piigirak me, inalitak lombok iname nawak, yegerak, yora nak o,” yinuk, yoreegerak nogo yora nage mbareegi, konembunuk, Aliku ALA nen wone lengganogo yoragagerak ndak-ndak aret iname nogogwaarak.

2 Endagembogut 19:22

At ta meek eerogo pege? Ha! yinuk, ta agi'ndok kangge? Ta kenok, oone nggwok paga yoge? Ta kenok, iniki wogoppake? Eeke ti, At Kikak Nakeelik Alik Leenak Iterali inogoba kenok aret eeke agaarik o.

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 43:13

Aa'nduk togon wonagagirak nok-nok yogondak wonage nogo an Ala aret o. An neenggime wonage nogo aap ambi nen ndiniyak meek o. Ndi, an eeriyak koonogo pege nogo aap ta nen tu non mbanogo pigin mbakop? Mondok lek aret o,” yinuk, yegerak me yokkiragi o.

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Nappiigak 11:17

Togop me, niniki ninogoba Yetut Keritut oba panggombunuk abet mbako mbareegu, Aberiniki we aret wo'niragagi kwak, it nogo wogoragaarak me, Ala nen eeriyak koonggerak nogo, an nonggop togon non mbanogo puurak mbakop? Meek me, puk agarak o,” yinuk, Peterut nen inagabolo mbanak mendek yoragagerak.

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

Nappiigak 6:10

Inom wone wareegwaarak kwe, at Tepanut nogo Aberiniki nen nggaganogo yoge kagak iniki warak logonet, yoragagerak paga it nen onggo yoriyak meek age mbareegi, puk ogogwaarak.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Nappiigak 9:5

“Ai, nogoba, kat ta o?” Yoge mbareegi, “Lek o. Kat keebi-keeba agago noorit nage menggendak Yetut nogo, an aret o.

1 Korindut 1:25

Aakumi nen wone aaninggin ambik me, iniki mondok kwippunuk togon kooniyak mbakwi nogo ti, Ala nen kooniyak teeluk aret kage, ndi, aakumi nen, “Aaninggin ambik me, nit apit ninomaawi paga eeriyak op,” mbakwi nogo ti, at Ala nen eeriyak teeluk aret mbake, eeke menggerak.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.