Nappiigak 5:36 - Ala Wone Peenok Peebi Mbanak

³⁶ Maan nen aap Teyurat nogo mi'na'nuk, An iya me, winiruwak, mbake logonet, agan wage mbareegi, aap ineebe empat ratus at oone waawok nduk mugurok nogogwaarak kwe, at nogo wakwi, ndi, at mugurok nogogwaarak nogo mappiigwi, eeko mbareegwa, oone nogo lek aret agagerak.

Nappiigak 5:36 ပူးပေါင်းရင်းမြစ်များ

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 24:26

O karume aakumi lek me wonage o, yokkirogwe iinok, pekka nogwe, Oome aken time agaarik o, yokkirogwe iinok, abet mba'nuk pekka unggwogwe, eerubok o.

Nappiigak 21:38

Yoge nagagerik, “Aap Metit mendek ambi nen, Ninalik aruwok o, yinuk, aakumi iniki nggagangge nagaarik, aakumi a'nggan wogonaka ineebe ambik empat ribu wogoren, karume aakumi lek me piya nagaarak nogo ti, kat aret nogo lek a?”

Nappiigak 5:35

Yorage mbareegi, wundi nogogwaarak iigak, it wone amburu mbangga nogo yorage logonet, “Kit aap Iterali mendek yi, wone ambi yokkira o. It aap yi, eeppiyoorak nogo liirogon aret koonggo logonip o.

Nappiigak 8:9

Ndi, o kota time aap ambi endage Timon, tili pagangga wonagagerak me, tile paganggetak a'me age kenok, it Tamariya mendek nogo nen, “Aap eeke yi, wi!” yinuk, pi wako nogogwaarak. “An mban iya,” yinuk, eekkolage kenok,

Nggalatiya 2:6

Ndi, it ninoweewi inendage warak yagarak nogo ti, Ala nen ninetenggen maloppinaninuk, ambi yi, iya, ambi yi, meek, ninombakeelik me, an togon inendage ti paga iya mbakeelik kwe, it ninoweewi inendage warak me, it nogo nen, “Kat yorage menggendak ti, wone yi inom eeko logowak nduk yorage logot o,” yinuk, an yo'nugwi lek puk mban wonogwe iyareegirak.

Nggalatiya 6:3

Kit aap iya lek kwe, “Nit iya o,” mbakwi kiinok, kit aret kinambokan laganggologo ogotik o.

2 Peterut 2:2

Aakumi ambik nen it aap ti nogo, iniki nengge mugurok nugwi iigo logomenggaarik, “Nit togon ninom aret eerit nogo logowok o,” yinuk, inom eerit nogo logonet, Ala ndogop menggerak wone nogo woppunuk eerit nogwe nogo, “Yi nano wone agan nugu agaarik o?” yinuk, miyuk-meya eerogo pogo logogun o.

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.

Wayu 17:3

Kage nagarik, wonage me, Aberiniki ninikime lik ari mbaki, malayikat nen wo'neren karume aakumi lek me time pani nagaarak wonage me, nggeewo nggwok anini warak ambi eeruwak maa'ngga kunik, ndi, anobak 7, ndi, aruk alom me eyak 10 wonage nogo, amborowak paga kwe ambi kwi'ndak wonage kagarak. Ala miyuk-meya eerogo pogo logonet, yogo menggaarak abok aret nggeewo eebe nogo paga liiru mbanak kuurik lek aago wonage kagarak.

Wayu 17:5

O nggween paga eekulik mendek eerit nugwi, It kumi nen, “Ee'ninabi woraanip o, yinuk, yogwe, Eeka nogo inagalo o kota nggwok Mbaben an aret o,” yinuk, enggaawak paga endage ti, liiru mbanak wonagaarak. Ndi, endage mbanak wonagaarak nogo ti, eegu laarogo negen mbanak me, aakumi liippuurak meek aret wonagaarak.