Nappiigak 5:31 - Ala Wone Peenok Peebi Mbanak

³¹ Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Nappiigak 5:31 ပူးပေါင်းရင်းမြစ်များ

Ndawi 89:19

Ne ambi paga kat Ala nen It aap inabinggaanggo paga yorage, It kat koone liirogon yoraga nogo yorage, Eeke logonet, Yoragagindak nogo yi o. “Aap wim eeka wakaa'ngget ambi omaawi eeppege, Aakumi inenggela'me nen aap tawe ambi endage tiyanak logowak nduk miirogo pege,

Ndawi 89:24

At eeppuurak yoriminggirak nogo liirogon aret eeppege, At abuwa mba'nuk, eeppege, Eeke logogin me, An nendage kunogo punuk eerit nage kagak At endage nggwok aret arigin o.

Yetaya 43:11

An o! An ti, Naliku ALA aret o! An lek neenok, inagap ndaka ambi mondok lek aret o.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.

Yetikiyen 17:24

Togop eeke neenok, Naliku ALA nen eyo nggorek kenok kuwagaluk eerogo pege, eyo kuwagaluk kenok nggorek eerogo pege, eyo ki ti, mbuk eerogo pege, ndi, eyo mbuk kenok agarip wunduwak nduk eeppege, eeke minggirak nogo yi eyo ndi eyo penaame menggerak abok aret ineenu arugun o. Wone yi, Naliku an ALA nen aret yagarak me, eerigin aret,” yo'negerak kenok, yokkiragi o, yinuk, yoragagirak.

Yetikiyen 34:24

Naliku ALA an aret it inogoba Ala age, ndi, nayeloman Ndawut nogo ti, it inenggela'me inowe endagembogut a'nuk mi'ndak wonage, eerugun o, yinuk, Naliku ALA an nen aret yagi o.

Yetikiyen 37:25

Ti eeko logonet, nggween it inombomini wonogogwam nayeloman Yakup wogoreegim nogome wonogo logogun o. It inom, inapuri inom, inombowologwe inom, mondok-mondok time aret wonogwe iigak, nayeloman Ndawut nen inowe endagembogut mondok-mondok aret logogin o.

Ndaniyen 10:21

an naga'lek logonet, abe wone mbuku paga liiru mbanak nogo aa'nduk yokkiri o. It aakumi inarum waka nagawan mbere ti, eeriyak koonggwi nogo tebenogo piiga an yeenggwa niri wogwe lek, it kat mendek inarum waka nagawan Mikayen nen mban yeenggwa niri wage menggerak me,

Ndaniyen 9:25

Wone yokkege yi, kinikime mondok liippege, liirogon wagangge, eeke logot o. O Yerutalem obaane'me mondok wuriyak o, yinuk, wone lengganogo wumbemenggerak kuli nen nok, at Ala nen leenogo punuk amburu eeppereegerak aap endagembogut nogo woroorak eyom kuli ti, tujuh kali tujuh inom, enam puluh dua kali tujuh inom, eerigin o. Ti eerit nage kagak, o Yerutalem maluk aago wonage nogo obaane'me wuko logonet, tu koonogo yarit nogwe, yugum pak yengget-wangget wurogo pit nogwe, eerugun kwe, aaninggin inoba piigwi iigak eeko logogun o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Matiyut 1:21

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yinuk, yoge kagagerak.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Marakut 2:10

Ala nen an aap aret nda'nagagirak nogo nggween paga yime aakumi inomaluk lek eerogo piyoorak unde mippaneegerak kineenu arubagip nduk, aap yi yogirak me,” yinuk, yorage nagagerik, aap eenggi-iyok nggunanak nogo yoge logonet,

Marakut 4:12

It aakumi ti, iniki liippatinuk, yunggup-melak eekwi iinok, An nen inomaluk lek eerogo piige neyo, Inigen kagak mban eeremenggaarak kwe, yelok kogwe, Inaruk konenggak mban eeremenggaarak kwe, liippugwi, Eeko logokwak, an nen wone eegu laarogo mban yorage agarik o,” yoragagerak.

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Yaya 4:42

Abet mbako nogogwaarik, it nen kwe nogo yogo logonet, “Yogondak kat yo'niragandak paga mban lek o. Ata, nit nen aret at oone ninaruk konenggo nogoorik, aakumi abok inagap ndaka abet aret nineenu ogoorak me, ti paga niniki at oba panggombunuk, abet mbako ogoorik o,” yinuk, yoreegwaarak.

Nappiigak 11:18

Yorage nogo inaruk konembunuk, it togon inoone lek puk aret wonogogwaarik, “Ti kenok, Ala nen it endekem mendek nogo kunduk, it maluk eeko menggaarak iniki koombunuk mbo pugwi iinok, ineenik logorak koonogo piyareegerak kogo o,” yinuk, Ala wogoppereegwaarak.

Nappiigak 13:23

Ala nen at Ndawut abok yoreegerak nogo ndak-ndak ombowologwe wiganak ambi paga nen aakumi Iterali inagap ndaka at Yetut aret nda'nagagerak.

Nappiigak 2:33

Ala nen eenik agago mippege nagaarik, eenggi abe'nggan logowak nduk, tiyappegerak me, ogoba nen, Aberiniki wokkiraagin o, yinuk, yereegerak nogo wagangge nagaarik, wu'nira wagaarak paga nit eekwi kinigen niigwi, yogwe kinaruk konenggwi, eeko ogotik o.

Nappiigak 2:36

Ndawut nen togop yereegerak me, at eyo karo-karo aago paga nabenogo wakotak Yetut nogo ti, Ala nen kit kinogoba logowak nduk, eerogo pege, ndi, an leenogo pereegirak Keritut yi aret o, yinuk, yokkirage, eereegerak nogo, kit Iterali mendek abok nen, Yi abet aret, mba'nuk, liippubagip nduk yokkirage agarik o,” yinuk, yoragagerak.

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 3:15

Nineenik ee'ninake menggerak alom nogo at aret kagak wakotak kwe, Ala nen kanggo menggam nen eenik agago mippegerak nogo ninigen kogoorak me, paganogo yokkirogo ogoorik o.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

Nappiigak 3:26

Ti kenok, at Ala nen at ayeloman eenik agago mippege nagaarik, kit maluk eekwi nogo kinalitak lombok mbo pugwi kiinok, at ale'nggen kinoba pinagawak nduk, aa'nduk kit aret kinowagam nappi wagaarak o,” yinuk, at Peterut nen wone ti aret yoragagerak.

Nappiigak 4:11

Ala nen ari logonet, It yugum paga o wuka nen, O wuko logonet, yugum ambi mbo pereegwaarak nogo, Yugum ogowa ndoonnaga o, yinuk, yereegerak ti, at Yetut aret nduk yereegerak o.

2 Korindut 2:10

It aakumi maluk eeppinagagwi nogo kit nen inomaluk mari eerogo mbo pugwi kiinok, an kunduk, inomaluk mari agago mbo pege logogin o. Ibilit nen eeriyak koongge menggerak nineenu me, nit nen aap ambi omaluk aberak wonogwe niinok, Ibilit nen, “Nanonggwan aga o,” yinuk, niniki nggagani wage menggerak me, maluk eeppaneegerak mari eerogo puurak, “Ambi wonage ilik, lek a,” ti, liirogon an neenggo'lek kwe, “Wonage negen aret,” mba'nuk, kinake aret Keritut enggaanom paga paganogo punuk mari eerogo mbo pereegirak.

Epetut 1:7

At Ala ninabuwa mba'nuk, iniki warak lombok logonet, mondok liippinanege nagagerik, oba ngginik kagak eeppinanit wundi wage menggerak nogo ndak-ndak, at amiya paga ninonggo mbambunuk, keele piinogo pinanege nagagerik, ninomaluk mondok lek eerogo pinaneegerak.

Pilipi 3:20

nit perak, ninawi ninaworak mbogut paga wonage me, ninagap ndaka ninowe Yetut Keritut mbogut paga nen, “Mbet-mbet woraawak lak, ao,” yinuk, tokkogo ogoorik o.

Kolote 1:14

ninonggo mbambunuk, wondet aago nugu logowok nduk, aput nogo nen ninomaluk lek eerogo pinaneegerak.

Titut 2:10

It aakumi inayeloman nogo ti, inogobamini inamendek yogoot kumaako logorak lek o. It nogo ti, yi eekak ndi eekak eeko logonet obeelom eerit nugwi paga aakumi ugun nogo nen, “Ninagap ndaka Ala wone waawok,” mbaruwak nduk, “Kinogobamini inamendek wagangga'lek liirogon arum logonip o,” yinuk, yorage logot o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Iberani 2:10

At yi mendek ndi mendek abok aret wakkage nagagerik, unde menggerak Ala nogo nen, “Napuri apit ninom ndak-ndak tiyanak logowok o,” yinuk, ninagap ndaruwak nduk, ninowe nen wo'niren noorak nogo, abut mbangga'lek kagak wo'niren noorak meek me, at kunduk iniki kole aruwak nduk, “Aa'nduk abut mbanikit o,” yinuk, andi-pandi eerogo at oba puurak kooneegerak nogo ti, op aret kooneegerak o.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

2 Peterut 1:11

Ti eeko logomonggotak kenok, nit ninagap ndaka ninowe Yetut Keritut abu'me piige menggim mondok-mondok menggim nogome, at Ala nen, “Kit aret unde eekkola woraanip o,” yinuk, yokkiraagin o.

2 Peterut 2:20

“Ninagap ndaka ninowe Yetut Keritut nineenu me, nggween paga yime maluk eeriyak ee'ninake menggerak nogo nineebi o,” yinuk, inambo'me mbo pereegwaarak kwe, ti'nuk, aa'nduk eeko nogogwaarak nogo, inikime aberogo eerit nogwe iinok, inobaabut aa'nduk mbuuluk obeelom negen logonet, eeko nogogwaarak kwe, peebi irip paga nen abunuk, maluk nggwok aret eekkologo menggaarak me,

2 Peterut 3:18

Ninogoba Ala iniki kunik nen eeppinanege menggerak nogo kit kiniki kole aruwak nduk, ambinom eeppinagage, ndi, at ninagap ndaka ninowe Yetut Keritut eebe kineenu aret kwe, ambinom kineenu arubagip nduk, eerogo pinagage, eeke logogin o. Yogondak nen, nok, mondok logorak kuli at eebe mondok tiyanak aret logowak o, yinuk, an Peterut nen abu aret yokkiragi o. Wa!

1 Yaya 4:14

Ndi, ninogoba nen yi aakumi ndi aakumi abok aret inagap ndaruwak nduk, at aput nappi wagagerak nogo ninigen kogo nogogurik, paganogo yokkirogo monggoorak.