Nappiigak 5:17 - Ala Wone Peenok Peebi Mbanak

¹⁷ Ti'nuk, it Ala unde inowe nggwok awuri aap Taruki mendek abok inom nen, “Nit togop eeko logowok lak, it mban eekwi yi, nineebi a!” yinuk,

Nappiigak 5:17 ပူးပေါင်းရင်းမြစ်များ

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Kini Wuppiige 14:30

Aap iniki ugun tayenak wonage paga eebe omaawi aret eerogo pege menggerak kwe, Aap ambi eeke paga, “An togon eerikit lak, at mban eeke, ao,” mbarit unggwage paga perak, owa'na nenet unggwage menggerak.

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Yaya 12:10

Nogo mbareegwa, Yetut nen Latarut eenik agago mippereegerak paga it Yakuri mendek apit aret inoweewi inoone mbo punuk, iniki Yetut oba panggombunuk, abet mbako mbareegwa, it aap Ala unde inoweewi nen Latarut kunduk, waruwok nduk, wone mbaneegwaarak.

Yaya 12:19

Ka wunggo mbareegwa, it Pariti mendek nen it-it wone mbanggo logonet, “Wologo wae! Yi aakumi ndi aakumi abok aret at mugurok nogwe me, nit ambi at eeppurak kenok, abe ariyak lek yi kogo ogotik?” yinuk, yogogwaarak.

Nappiigak 13:45

Kuwak ari wogwe nogo it Yakuri inigen iigo nogogwaarik, “Nit ninoone konenuwak lak, it inoone mban konenggwi yi, nineebi a,” yinuk inanini nen at Pawulut oone ari nogo taganggo logonet, miyuk-meya eerogo pereegwaarak.

Nappiigak 15:5

Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, “Lek o. It endekem mendek kunduk, inagabolo mbanogo punuk, Ala wone yugu Muta liiru mbaneegerak nogo eeko logowak nduk yoroorak aret o,” yinuk, yorogogwaarak.

Nappiigak 17:5

Iya wogo mbareegwa, it aap Yakuri nen, “Nit yogwe nogo aakumi konenuwak lak, it yogwe mban konenggwi yi, nineebi a!” yinuk, yogo logonet, it aap maluk eeko menggaarak ineenggi lebenak kunggo menggam wonogwe nogo mendek kuwak eeppiinok, it aakumi o kota time abok noone-koone yogo logowak nduk, inikime manabeegwaarak. Manako mbareegwa, it nen aakumi time wonogwe nogo inikime manabit nogo mbareegwa, aakumi ambik noone-koone agan, at Pawulut Tilat imbirak nggwok me inawone mbanuwok nduk, aap Yaton awi oonda mbaneegwaarak mendek,

Nappiigak 4:26

At ninogoba Ala tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, wone koonogo pugwi, Nonggop nduk eeko agaarik o?

Nappiigak 5:16

It kota Yerutalem enaagan-ambokan o yaga'lelo lombok time aakumi ambik nogo nen it kugi andi agaatak inom, kugi piyaninaketak nugwi inom, wogoren piya wagaatak me, abok obeelom ogo nogogwaarak.

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

Yakobut 4:5

“Ala nen Aberiniki ninikime mambinaneegerak wonage kagak, niniki nengge nogo mugurok nogwe niinok, Aberiniki nogo nen, Ao, yinuk, iniki wakkolage menggerak o,” yinuk, Ala wone liiru mbaneegerak nogo ti, we mbaneegerak mbakop?

1 Peterut 2:1

Ti kenok, kit pilit wone yogo monggotak inom, kinikime alik eeriyak mbako logonet, agan nugu monggotak inom, “An eerikit lak at mban eeke yi, neebi a,” yinuk, yogo monggotak inom, nabok-kabok yogo monggotak inom, yi maluk ndi maluk ti mendek abok aret mbo pogo logonip o.