Nappiigak 4:36 - Ala Wone Peenok Peebi Mbanak

³⁶ Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

Nappiigak 4:36 ပူးပေါင်းရင်းမြစ်များ

Marakut 3:17

Tebereyut apuri Yakobut awuluk Yaya imbirak inendage it inoone paga Mbowanereget, ndi, nit ninoone paga Aap Oone Ngguurubu yogo monggoorak nogo inom,

Nappiigak 11:30

yinuk, kuwak eerogo punuk, Mbaranabat Tawulut imbirak nappiya wogo mbareegwa, it nen wonok, Ala apuri o Yerutalem inarum menggaarak nogo ira wogogwaarak.

Nappiigak 12:25

Ndi, at Mbaranabat Tawulut imbirak o Yerutalem eeriyak nduk nappiya wogogwaarak nogo, abu aret eeko nogogwaarik, at Yaya endage ambi toonak Marakut nogo wonok wogogwam iniyok paga aret nogogwaarak.

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 13:2

It nogo inambe mage negen logonet, ninogoba Ala alut eekwi iigak, at Aberiniki nen yorage logonet, “Mbaranabat Tawulut imbirak an neyabu eeko logorak koonogo piyareegirak nogo, eeko logowak nduk leenogo mippiyaanip o,” yinuk, yoragagerak.

Nappiigak 13:4

It Mbaranabat Tawulut imbirak Aberiniki nen nappiige mbareegi, o Telewukiya wambi wogo nogogwaarik, ti'nuk, time nen, nggween kup mbanak Tipurut time wunda nawok nduk, yiiro paga unggwi nanuk,

Nappiigak 15:12

Yorage mbareegi, it aap kuwak ogogwaarak nogo abok inoone lek puk ogo mbareegwa, Mbaranabat Pawulut imbirak nen Ala eeppiige kagak, it endekem mendek inenggela'me ineenu ariyak inagabiti warak mendek eekwi, eerubok mendek eekwi, eereegwaarak wone mbininogo yorogwe nogo inaruk koneneegwaarak.

Nappiigak 15:2

it Pawulut Mbaranabat imbirak it nogo inom wone nggwok wappunuk, ogoorak negen wonogo mbareegwa, it imbirak inom, it Andiyokiya mendek abet mbareegwaarak ando nogo inom, leenogo piinok, yorogo logonet, “Kit Yerutalem nogo logomonggotik, it nappiigak nogo inom, Ala apuri unde nogo inom, wone ti, kinom kooni nanip o,” yinuk, yorogogwaarak.

Nappiigak 15:37

Yoge mbareegi, at Mbaranabat nen, “Yaya endage ambi toonak Marakut nogo ninom nawok o,” yoreegerak kwe,

Nappiigak 15:39

Yoge mbareegi, it wone nggwok wappunuk, imbirak ogookkologo nogogwaarik, at Mbaranabat nen Marakut wonok yiiro paga o Tipurut aret nagagerak.

Nappiigak 21:16

It Kayitareya mendek Yetut oone waganeegwaarak ando nogo nen aap o Tipurut mendek aa'nduk Yetut oone waganeegerak endage Manaton ame nogome luulu ninom logowok nduk, wo'niren pinani wogogwaarak.

Nappiigak 21:3

Wogo nogogurik, o Tipurut nineebe kwaare'nggan nina wunggagak wogo logonet, yi mendek ndi mendek yiiro me yonggolak nogo o Tirut kilirogo wumbegak woraawok nduk, o Tiriya unggwi wogogurak.

Nappiigak 27:4

Yiiro paga unggunuk, time nen nogwe me, wiya nen yiiro ogobak panggonggage logonet, nomoniren nage mbareegi, o Kipurut nina wunggagak eraaninu o wiya lek me, time nogogurak.

Nappiigak 9:27

Puk ogo mbareegwa, at Mbaranabat nen perak, wonok it nappiigak nogo inowagam nage nagagerik, at Tawulut tu paga nage logonet, ninogoba Yetut enegen kagagerak wone inom, at ninogoba nen yoreegerak wone inom, ndi, o Ndamitik time agabiti lek logonet, Yetut endage paga tamban eeppunuk yorage nagagerak wone inom, mbininogo yoragagerak.

1 Korindut 14:3

Ndi, it aap Ala wone yorogo menggaarak nogo nen perak, aakumi iniki kole eerogo piigwi, inaruk wakwi, iniki eyak wappiigwi, eeko menggaarak.

1 Korindut 9:6

It ti, eerit nugwi iigak, an Mbaranabat nimbirak mban nit nineebe op logowok nduk, nineenggi paga mban nggik-palek eekko'net nugu logorak op mba'nuk, yogo ogotik?

Nggalatiya 2:1

Ti'nuk tahun 14 eeppunuk, an ne ambinom o Yerutalem naakit nduk, Ala nen lalin negen niniki koonogo panege mbareegi, aap Mbaranabat nimbirak nogo logonet, at Titut nogo waganggak nogogurak. Nogo nogogurik, wone obeelom wone it aakumi endekem konenggulik mendek yorage minggirak nogo, it ninoweewi inendage warak Ala apuri o Yerutalem unde menggaarak nogo, “Yorage neenok, it nen, Kat wone alik yorage menggendak keego, yinuk, yo'nugwi iinok, Yoranet nege nagagirak inom, yorage minggirak inom, we aanom warogo eeke nagagirak kagi,” yinuk, mbake neyo, nagabiti mbake logonet, it nogo mban inaa'nduk inalik aret paganogo yoragagirak.

Nggalatiya 2:13

Ti'nuk, it aap Yakuri mendek ando Ala apuri ogogwaarak nogo, Peterut iniki mbere eeke kogo nogogwaarik, it ndak-ndak ogookkologo mbareegwa, aap Mbaranabat kunduk, it Yakuri mendek iniki mbere ogwe iige nagagerik, “Ie! An nonggop eeri?” mbake nagagerik, Peterut inom aret nabennagagerak.

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Kolote 4:10

At ninoreeluk Aritarukut keele maarak nimbirak yime wonage nogo nen keyage wakkinake o. Ndi, aap ambi endage aa'nduk toonak Yetut, ndi, peebi toonak Yutut nogo kunduk, aap Mbaranabat amboko Marakut imbirak nen kunduk, keyage wakkinaka o. At Marakut eereegerak yokkiragagirak nogo kagak kiya wage kenok, keyage warogo eebe waganggo logonip o. It aap mbere ti, inagabolo mbanak mendek aret kwe, Ala abu'me piyoorak wone ninom ndak-ndak eerit nogo logonet, niniki mondok alik negen eyak wappanegaarak me, yokkiragi o.