Nappiigak 4:31 - Ala Wone Peenok Peebi Mbanak

³¹ Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Nappiigak 4:31 ပူးပေါင်းရင်းမြစ်များ

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Matiyut 21:22

Kit tamban eeko logonet, Ndogop aret eeke keyane, yinuk, mbakwi nogo abok aret kiniki abet mba'nuk Ala nggino yogwi kiinok ti, eeppinagage aret kaamunggup o, yinuk, abet aret yokkiragi o,” yoragagerak.

Yaya 14:12

Aap ambit ambi iniki noba panggombunuk, abet nombake kenok, an eeke minggirak nogo at aret eeke logogin o. An eeke minggirak yi mbuuluk negen o. Ndi, an nogoba ka naminggirak ti paga, at abunuk nggwok aret eeke logogin o, yinuk, mondok abet aret yokkirage agarik o.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Yaya 15:7

Kit an ninom kunik logonet, an noone kinikime wonage kenok, Nit ndi mendek wo'niraawak, mba'nuk, nggino yo'nugwi kiinok, ti aret wokkirage neyaamunggup o.

Nappiigak 14:3

at Pawulut Mbaranabat imbirak time elaambirik negen logonet, inagabiti lek aret ninogoba Yetut abok paganogo yorogo nogogwaarak. Ndi, yorogo logonet, Ala inabuwa nen obeelom eeginake menggerak wone abet mbaruwak nduk, Pawulut Mbaranabat imbirak Ala omaawi wogoragagerak paga, ineenu ariyak inagabiti warak mendek eekwi, eerubok mendek eekwi, eeko nogogwaarak.

Nappiigak 2:1

Ne Pendakota eeriyak eyom age mbareegi, it abet mbareegwaarak mendek nogo abok aret ambit me kuwak eeppunuk,

Nappiigak 2:2

o ambit me nogome kwi'ndak wonogwe me, wiya oonebu agan nage menggi kwak, abera'lek me mbogut paga nen oonebu agan oome nogome yagabit ari unggwagagerak.

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 4:13

Yorage mbareegi, it kuwak ogogwaarak nogo nen Peterut Yaya imbirak nogo, tekola eerulik aap weelek mendek wonogogwaarak kwe, inagabiti lek logonet, yorogwe yelok iigo nogogwaarik, “Yetut inom nugu nogogwaarak yi aret iigo o,” yinuk, pi waganabeegwaarak.

Nappiigak 4:29

Ninooriyak nduk eekwi yi iyet o, ninogoba. Niige logomenggendik, ninagabiti lek logonet, kat koone yorogo logowok nduk, nit kayeloman mini niniki nu'lek eerogo pinanu o.

Pilipi 1:14

Ndi, ninoreewi ninowe inom kunik wonogwe ando apit nogo ti, an keele maa'nabeegwaarak nogo paga iniki ninowe oba panggombunuk logonet, yogondak Ala wone yoroorak inagabiti lek mondok inogogumbuk logonet, yoranet nugu agaarik o.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.