Nappiigak 4:22 - Ala Wone Peenok Peebi Mbanak

²² At aap eerubok mendek agago obeelom eereegwaarak nogo, ndarak kagak tahun 40 aret eereegerak.

Nappiigak 4:22 ပူးပေါင်းရင်းမြစ်များ

Matiyut 9:20

Nogwe me, kwe ambi amiya eeke kagak tahun 12 eereegerak me, Yetut tu paga nage kagak, kwe nogo at ambo'me nage nagagerik, inikime nen, “Ayum mban neenggi pigagangge neenok, obeelom ee'nabigin o,” mba'nuk, ayum irip eenggi pigaganeegerak.

Lukat 13:11

kwe ambi kugi andi kagak, tahun 18 eereegerak me, amborowak kalenak mi'nariyak abu meek aret wonagagerak.

Yaya 5:5

Togop eeko nogogwaarak me, aap ambi andi kagak tahun 38 eereegerak nogo inom time aret windak wonagagerak.

Yaya 9:1

Ti'nuk, peebi nen at Yetut tu paga nage logonet, aap ambi itok enegen mbuk ndarak nogo kagagerak.

Nappiigak 3:2

Ala awi wurik tungga'nggi endage, Obeelom, tooneegwam nogome aap ambi endop maluk nda'nagagerak nogo nen it aakumi Ala awi wurik me unggwogwe iinok, ambe nggino yorage logowak nduk, ko'lu-kii'me wonok pi nagak mban eeko nogogwaarak me, ne ti eyom paga muk pi nogogwaarak time wonage me,

Nappiigak 4:21

Yorogo mbareegwa, aap nogo obeelom agagerak kenok, it aakumi abok nen Ala wogoppugwi iigo nogogwaarik, inagabiti nen, “Alom nano paga yilunogo maluk eeppiyaawi o?” yinuk, we inagabiti mbaruwak nduk inoone omaawi paga mberirogo nogogwaarik, keele piinogo wumbiyareegwaarak.

Nappiigak 4:23

Piinogo wumbiigo mbareegwa, Peterut Yaya imbirak nogo inoreewi wonogwe me nogo nogogwaarik, it Ala unde inoweewi inom, it aap inanggok inom, nogo nen yorogogwaarak wone nogo mbininogo inoreewi yorogogwaarak.

Nappiigak 9:33

Iya nage nagagerik, time logonet, aap ambi endage Eneyat eenggi-iyok nggilik-nggelok aago windak kagak, tahun 8 eereegerak wonage me, enegen kagagerak.