Nappiigak 3:24 - Ala Wone Peenok Peebi Mbanak

²⁴ It aap Ala nen yorage kagak yoraga mendek Temuwen nen yorage nagagerak kuli nen nok, at ambokan wone yorogo nogogwaarak abok aret o yogondak eekwi yi, aga'lek kagak agan wundi wogo nogogwaarak.

Nappiigak 3:24 ပူးပေါင်းရင်းမြစ်များ

Ndawi 99:6

Aap Ala unde inenggela'me Muta Karun inom wonogwe, “Ninogoba Ala aret,” yogo menggaarak Inenggela'me aap Tamuwen wonage, Eeko logonet, “Yeenggwa niret o,” yinuk, Aliku ALA yogo mbareegwa, inoone konembunuk, Yeenggwaarage nagagerak o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Lukat 24:27

Keritut wage kenok, “Togop eerigin o,” yinuk, wone Muta liiru mbaneegerak nogo kuli nen it aap Ala yorage kagak yoraga nen yorogo nogogwaarak liiru mbaneegwaarak nogo abok aret amburu mbaniragagerak.

Nappiigak 13:20

Ti abok aret eerit nage kagak tahun 450 aret eereegerak. Eeke mbareegi, ti'nuk, wone ambi age kenok inowak loonggo logowak nduk, ambi mippegak, obaane'me ambi mippegak, eerit peebi irip paga Ala nen yoge kagak yoraga Temuwen nogo aret mippereegerak.

Nappiigak 17:3

Yorage logonet, “At Ala nen leenogo mippereegerak Keritut nogo, andi yagan wappunuk, kambunuk nogo menggam nen eenik a'nuk mi'nariyak koonak wonagagerak me, mi'nagagerak o,” yinuk, amburu mbanogo liirogon yorage nagagerik, “Yetut eereegerak yokkirage yi, Ala nen leenogo mippereegerak nogo, at aret o,” yinuk, yoragagerak.

Nappiigak 26:23

At Ala nen leenogo mippereegerak Keritut nogo, nit Yakuri mendek inom, it endekem konengga'lek mendek inom, o eya eerogo piige logowak nduk, yagan warogo kangge logomenggerik, kambunuk nogo menggam nen aa'nduk at aret eenik a'nuk mi'narigin o, yinuk, yogo nogogwaarak nogo aret yorage minggirak o,” yinuk, yoragagerak.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

Nappiigak 3:21

O maan togon at Ala nen, Togop eerigin o, yinuk, at oone yoraga abu alik leenak nogo, yorage kagak yorogo nogogwaarak nogo, a'me lik yuwak nduk, at Ala nen yi mendek ndi mendek abok aret alik ngget mendek awo eeka'lek logonet, at Yetut mbogut paga time aret logogin o.

Oroma 3:21

Ndi, yogondak perak, Ala nen aakumi obeelom agago piige ti, Ala nen lengganogo Muta yoge, ndi, it maan Ala wone yoraga nen yorogwe, eeko nogogwaarak liiru mbanak nogo ndak-ndak kin agagerak me, Muta wone lengganak nogo eekwi paga obeelom eerogo piyoorak lek o.

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.

1 Tamuwen 3:1

At wulaga Tamuwen nogo awo tawe kagak, Eli abu'me logonet, Aliku ALA eyabu eeke nagagerak. At eyabu eeke ti eyom paga at Aliku ALA nen oone paga inom, inabinggaanggo paga inom, ne ambiriluk mban yorage nagagerak.

1 Tamuwen 3:20

It aakumi Iterali o Ndan nen nok-nok, Mberetiyeba kuli wonogogwaarak nogo abok aret, “Aap Tamuwen nogo Aliku ALA nen yoge kagak yoraga logowak nduk, abet aret mippegerak kogo o,” yinuk, mbako nogogwaarak.