Nappiigak 3:23 - Ala Wone Peenok Peebi Mbanak

²³ At yokkiramenggerak kinaruk liirogon konengga'lek logomonggotak kenok, kinenggela'me nen leenogo punuk enggaawak lek eerogo pigin o, yinuk, yoragagerak.

Nappiigak 3:23 ပူးပေါင်းရင်းမြစ်များ

Ala Unde 23:29

Aap ambi nen ne ti eyom paga ambe mage logorak yugu nogo taganogo punuk mbi ugun nengge kenok, at owe-awot inenggela'me nen enggaawak lek eerogo puwak o.

Marakut 16:16

Wone obeelom wone yora namonggotak iniki abet mba'nuk, yiime wanggwi iinok, inagap ndarigin o. Ndi, wone ti, iniki abet mba'nuk wagangga'lek iinok perak, maluk agago aret piyaagin o.

Yaya 12:48

Kit ambi nen an mbo panugo logonet, an noone waganggwi lek kiinok, kinowak loonogo maluk kinoba pinagarak nduk ambi wonage o. An niniki koombunuk nen wone yokkirage logolik o. Ata, an nogoba nappani wagagerak nogo nen, Yogop yu o, ndogop yu o, yinuk, lengganogo yo'nege kenok, yokkirage minggirak me, o age yobok togon an wone yokkirage nagarak nogo paga kinowak loonogo maluk kinoba pinagagin o.

Yaya 8:24

Kit maluk kinikime wonage kagak aret kambumunggup o, yokkiragarak nogo ti, at eebe ti, an aret abet nombaka'lek kiinok, maluk kinikime wonage kagak, aret kambumunggup o.”

Nappiigak 2:41

Eeke mbareegi, it aakumi nen at oone waganeegwaarak nogo yiime wuppiyareegwaarak. Ne ti eyom paga inom nabennari unggwogogwaarak nogo, ineebe lambuk togon aap ambik tiga ribu aret.

Pelaareegerak 18:19

Ndi, at nen an nendage paga noone yorage nogo it aakumi nen liirogon inaruk konembunuk eeka'lek iinok ti, an nen, Kit nonggop nduk wone ti eeka'lek ogotik o? yinuk, aaninggin inoba kwippiyaagin o.

Iberani 10:39

It aap wone abet mba'nuk waganeegwaarak nogo, mbo pugwi iinok, Ala nen ineebe lek eerogo piyaagin nogo mendek nit lek o. Ata, it abet mbakwi iinok, mondok-mondok ineenik logorak nogo mendek nit aret ogoorik o.

Iberani 12:25

at nen wone yokkirage nogo konembunuk, mbo pugup o. Liirogon aret porogo logonip o. At nggween paga logonet, Ala nen eeriyak mbareegerak nogo yorage mbareegi, “Nineebi o,” yinuk, mbo pogo mbareegwa, Ala nen teppiyoolik mondok inooreegerak me, yogondak at mbogut paga wonage nogo nen wone yo'nirage nogo mbo pugwi niinok, nit teppinanigin mbakop? Lek o. Mondok ninoorigin aret o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.