Nappiigak 3:14 - Ala Wone Peenok Peebi Mbanak

¹⁴ At Kikak Nakeelik Iniki Abe Koonak Menggerak nogo, Nineebi o, yinuk, obaane'me aap inooka ambi teppuwak nduk yogotak nogo, kit aret o.

Nappiigak 3:14 ပူးပေါင်းရင်းမြစ်များ

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Matiyut 27:20

Nogo yoge kagak, it Ala unde inoweewi inom, aap inanggok inom, nogo nen it aap kuwak aago nogo yorogo logonet, “Mbarabat keele piinogo teppege logonet, Yetut wariyak wo'niraawak nduk, Pilatut yo'nip o,” yinuk, wone inikime manabit nogogwaarak.

Marakut 1:24

kwa kunik ari logonet, “Kat Yetut Nataret mendek yi, nonggop ee'ninabikit nduk wagan? Nit lek eerogo pinanikit nduk wagan ilik? Kat Ala aput maluk eekeelik alik leenak menggendak nogo keebe an neenu aret o.”

Marakut 15:11

it aap Ala unde inoweewi nogo nen, “Yetut obaane'me at Mbarabat keele piinogo wo'niraawak nduk yo'nip o,” yinuk, it aakumi kuwak aago wonogwe nogo inikime manako mbareegwa,

Marakut 15:7

ne ti paga it ando, “Ninalik aruwok o,” yinuk, wim eeko logonet, aap wako mbareegwa, keele maarogo oome mambiyareegwaarak nogo ambi endage Mbarabat inom wonagagerak.

Lukat 1:35

Yoge mbareegi, malayikat nogo nen, “Aberiniki koba wambi wage kagak, at Tiyanak Lombok Menggerak omaawi nobakkabi wage mbaremenggi, kabila aret age logomenggendik, at mondok kikak nakeelik Ala ake leenak ndaremenggendak nogo, aakumi nen, Yi Ala aput aret, yogo logogun o.

Lukat 23:25

Yorage mbareegi, at aap, “Ninalik aruwok o,” yinuk, wim eeke logonet, aap wake mbareegi, keele maarogo mambiigo menggam mambereegwaarak, “Piinogo teppinanu o,” yoreegwaarak nogo aret piinogo wumbereegerak kwe, Yetut perak, it mbareegwaarak nogo ndak-ndak eeppuwak nduk, wogoragagerak.

Yaya 16:10

Ndi, an obeelom eeke nagarak paga nogoba ka naminggirak me, kit ambinom an neyaamunggup lek o.

Yaya 18:40

Yorage mbareegi, it inoone nggwok paga yogo logonet, “Aap yi lek o. Aap Mbarabat nogo aret piinogo wo'niret o,” yoreegwaarak. At Mbarabat nogo “Ninalik aruwok o,” yogo logonet, at keele maarogo mambereegwaarak wonage kagak, yoreegwaarak.

Nappiigak 13:28

At ngge eekerak paga waruwi? yinuk, alom kwaareegwaarak mendek, alom lek aret kagak kwe, waruwak nduk, at Pilatut yoreegwaarak.

Nappiigak 22:14

Kage mbareegi, at nen yo'nege logonet, Ninombomini inogoba Ala iniki mbake menggerak keenu age, at Iniki Abe Koonak nogo kenegen kage, ndi, at oone ari nogo karuk konengge, eeke logonok nduk leenogo pagagerak o.

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.

Nappiigak 5:28

“Aap ti, endage kunogo mamuniroorak mage o, yinuk, mbekkirogoorak kagak, kit wone mamunirogotak paga o Yerutalem abok konenit nagaarak ti, aap ti amiya nit ninoba logowak, mba'nuk, yoranet nogo ogotik ya?”

Nappiigak 7:52

Kit kinombomini nen Ala yorage kagak yoraga nogo piyak-payak eeginako logolik ambi ta mbakop? Lek aret o. It aa'nduk lombok Ala yorage kagak yoraga nen, At maluk eekeelik iniki abe koonak menggerak nogo woraagin o, yinuk, abok paganogo yorogo nogogwaarak nogo inooko nogogwaarak. Ndi, yogondak kit nen mban aret at eebe onggo nggerembunuk wakotak o!

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Yakobut 5:6

It aakumi maluk eekeelik nogo nen wone onggo yokkiraga'lek iigak, kit nen mban pilit wone inoba piinok, inooko nogogutak nogo o.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.

1 Yaya 2:1

Napuri o. Kit an niniki kunik me, maluk eekwi kiyo, wone yi, liiru mbanggiragi o. Togop kwe, nit ambi nen maluk eekwi niinok, at a'me nggelok eeke menggerak Yetut Keritut nogo nen nit ninake wone wonok ninogoba yori nagak eeke menggerak o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,