Nappiigak 28:2 - Ala Wone Peenok Peebi Mbanak

² Nit wundi nogogurak wonogwe niigak, mayu wage logonet, tero ambik ninooreegerak me, it time mendek nen ninabuwa nggwok mbako nogogwaarik, kani kumbunuk, keyage warogo tero wora'ninabeegwaarak.

Nappiigak 28:2 ပူးပေါင်းရင်းမြစ်များ

Etara 10:9

Nappit nage mbareegi, nogo kenagan yega'lek kagak it aap Yekura mendek inom, Mbeniyamin mendek inom, aap mban abok aret tut 9 penenak tanggal 20 paga o Yerutalem kuwak ari wogo nogogwaarik, Ala awi wurik oore'nggam kwi'nari unggunuk logonet, wone agagerak ti paga inom, mayu nggwok wage paga inom, inaganak wake nagagerak.

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Ala Unde 19:34

It Iterali o maan Metit time aakumi nggiru negen aret wonogogwaarak nogo iniki abeko logonet, aap nggiru inenggela'me inom wonogwe nogo ti, Nit Iterali mendek negen aret wonogwe o, yinuk, ineebe iniki kunik eekkologo mengga kwak, it aap nggiru kunduk togop aret iniki kunik aganako logowak o.

Matiyut 10:42

Ndi, kit nen, Yetut oone waganggwi me, yinuk, wologwe mbuulogwe yi mendek ambi, niyo miin toologo wogogwi kiinok ti, onggo kolaamunggup lek ti lek o. Kolaamunggup aret o, yinuk, abet aret yokkiragi o,” yoragagerak.

Yaya 18:18

Yoge mbareegi, o time togwi wonagagerak me, aap Ala unde inowe nggwok ayeloman mini inom, aap Ala awi wurik arum waka mendek inom, kani kumbunuk, togwi worakkologwe me, at Peterut inom togwi worakkolage nagagerak.

Nappiigak 27:3

nogo ambi yippunuk, ko'lu nen o Tiron ari nogogurak. Ari nogo nogogurik, at Yuliyut nogo nen Pawulut abuwa mbake logonet, “Koreewi yi mendek ndi mendek wokkiruwak nen pegiinet nage logomenggendik, woroorak op o,” yoreegerak.

Nappiigak 28:3

Ndi, at Pawulut kani aretop anebeninuk wage nagagerik, kumbege me, kani eyak nen waalo aakumi inooka nggigik togon wungge logonet, eenggi eyak kunik wonage mbareegi,

Nappiigak 28:4

it aakumi time mendek nogo nen waalo eenggi eyak kunik wonage inigen kogo nogogwaarik, ambi yogak yogo logonet, “Aap yi, niyome nen obeelom wundi wagaarak kwe, waalo eyak wakerak yi paga aap inooke menggerak kin kogoorak me, eereegerak onggo wogoriyak eyom agaarak me, kambigin aret o,” yereegwaarak kwe,

Oroma 1:14

It aap Yunani mendek inom, Yunani mendek lek inom, ndi, it yi eekwi ndi eekwi ineenu inom, ineenggo'lek inom, abok aret wone obeelom wone yoranet nege logorak noba paneegerak nomat mbanak wonage me, teenogo yoranet nege logogin aret o.

Oroma 14:1

Aap ambi abet mbake kwe, iniki awo kole aga'lek kinenggela'me unggwi wage kenok, kinom kuwak eeriyak op aret kwe, at iniki mba'nuk nen agan nage nogo perak, ti paga wone wariyak lek mbo pinip o.

Oroma 14:3

At yi mendek ndi mendek ugun nengge menggerak nogo nen, at we mbi-mbiingga mban nengge nogo, meek eerogo punuk, abok mbaniyak lek o. Ndi, at mbi-mbiingga mban nengge nogo nen, at ugun nengge menggerak nogo Ala nen, “Aap yi kunduk, an naput aret,” mba'nuk, ari me, abok mbaniyak lek mban o.

Oroma 2:27

Togop me, kit Yakuri ti, Muta yoreegerak wone liiru mbanak unde logonet, kinagabolo mbanggo monggotak kwe, eebe eeka'lek taganggo monggotak me, it inagabolo mbangga'lek menggaarak nogo nen wone eebe aret eekwi me, it nen aret kinenggali wappinagagun lek mbakop?

1 Korindut 14:11

It wone yogwe iigak, an konengga'lek kenok, it nen, “Aap yi, nggiru nen ari,” nombakwi, ndi, an nen kunduk, “Aap alik mendek inoone yogwe,” inombake, eerugun o.

2 Korindut 11:27

Yoranet mban nage neegak, ndeyak eerogo panege, kulinik-kalinik nogo yega'lek neenik mban wonage, mbi abu ee'nake, yi abu ee'nake, mbi lek kenok abu nogo yege, kani lek kenok togwi aret nogo yege, nayum lek me we aret nege, eeke nagagirak nogo ti, an neenu aret o.

Kolote 3:11

Nit niniki ngget ogobakkigirogo pinanemenggerak nogo paga eerit nogo logonet, “Yi Yakuri mendek yi Yunani mendek, yi inagabolo mbanak yi inagabolo mbanak lek, yi aap ineenggo'lek mendek yi aakumi nengga mendek, yi aap inayeloman aago mendek yi aap inayeloman aago lek mendek,” yinuk, togop agan nogo logorak lek o. Ata, at yi o ndi o abok aret endak warak menggerak Keritut nogo, nit abok ninowe aret me, at mban tiyappogo logowok o.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.