Nappiigak 28:16 - Ala Wone Peenok Peebi Mbanak

¹⁶ O Oroma unggwogo mbareegu, aap eegin warak ambi arum logowak nduk mippereegerak nogo, at Pawulut imbirak inalik logowak nduk, o ambi unde eeppereegwaarak.

Nappiigak 28:16 ပူးပေါင်းရင်းမြစ်များ

Wakkagagerak 37:36

Le ari wonage kagak, aap Miriyan mendek nogo nen Yutup o Metit wonok nogo nogogwaarik, aap endagembogut Pirawun arum waka inowe endage Potipat nen onggo kunggolage nagagerik, imbirak aret wonagagerak.

2 Endagembogut 25:8

Ndi, aap Nebukanetat nogo aap Mbaben mendek inowe endagembogut wonage kagak, tahun 18 eeppunuk, ambi eerak tut 5 penenak tanggal 7 paga aap endagembogut inom eeka ambi at eebe wonok nega inowe endage Nebutararan o Yerutalem wagagerak.

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Yeremiya 40:2

It aap endagembogut eebe wonok nega inowe nen Yeremiya wonage kage nagagerik, at yoge logonet, “Kogoba Aliku Ala nen o yime aaninggin mondok nggwok lombok oba kwippuurak koonogo pereegerak o.

Nappiigak 18:2

O Korindut nage nagagerik, time logonet, aap Yakuri mendek ambi o Pondut nda'nagagerak endage Akwila, ndi, akweeluk endage Piritikila imbirak inom lambuneegerak. Aap endagembogut Kelawuriyut nen, “It Yakuri mendek o Oroma yime logorak lek o,” yinuk, wone lengganogo yoragagerak paga, aap akwe imbirak ti, awo nggeriluk o Italiya teppunuk, o Korindut wogogwaarak. Wogo nogogwaarik, time wonogo logonet,

Nappiigak 19:21

O Epetut time togop aret eeko mbareegwa, at Pawulut nogo o Makendoniya inom, o Akaya inom, yanggwagak eerit o Yerutalem naakit nduk, iniki koongge logonet, “O time nage logominggirik, o Oroma kunduk ka nagin aret o,” ari nagagerik,

Nappiigak 2:10

Pirigiya nen, Pambiliya nen, Metit nen, o Libiya kota Kirene enaagan-ambokan time nen, it Oroma mendek niya wagaarak inom,

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.

Nappiigak 24:23

Yorage nagagerik, at yigin unde inowe nogo yoge logonet, “At Pawulut ti, keele maarak negen enaani porogo wonogwe me, oreewi nen ake wogori wogwe iinok ti, op aret, yoraamunggup o,” yinuk, yoreegerak.

Nappiigak 27:3

nogo ambi yippunuk, ko'lu nen o Tiron ari nogogurak. Ari nogo nogogurik, at Yuliyut nogo nen Pawulut abuwa mbake logonet, “Koreewi yi mendek ndi mendek wokkiruwak nen pegiinet nage logomenggendik, woroorak op o,” yoreegerak.

Nappiigak 27:31

“It yiiro ndegenggo menggaarak yi, yiiro inikime logorak lek kenok ti, ninagap ndakkolaagun lek o,” yinuk, at yigin unde awuri inom yoragagerak.

Nappiigak 27:43

inowe nogo nen, “Pawulut enaani wonok naakit,” mbake logonet, “Inoorugup o,” yinuk, inaruk wappege nagagerik, “Kit ngguu'mo wakwi kineenu kenok, kinaa'nduk yi inikime time ku'mbo wura nanuk, ngguu'mo warit yi aa'nggi paga time wundi nanip o.

Wayu 17:18

Ndi, kwe kagandak nogo ti, o kota nggwok nogo pogom aret me, yi aap ndi aap inendagembogut nggween paga menggaarak nogo abok aret at kwe yawukak nogo abu'me logonet, oone konenggo agaarik o,” yinuk, yo'nege kagarak.

Wayu 17:9

Wone yokkirigin yi nogo ti, it aap iniki warak nen liippogo logowak o, Anobak 7 nogo ti, puut 7 aret me, kwe ti paga kwi'ndak wonage kagandak. Ndi, puut 7 paga kwe kwi'ndak wonage kagandak nogo ti, aap inendagembogut ineebe 7 aret me,