Nappiigak 27:24 - Ala Wone Peenok Peebi Mbanak

²⁴ Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Nappiigak 27:24 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

Wakkagagerak 30:27

Yoge mbareegi, at Laban nen ari logonet, “Kat nimbirak wonogwe paga at Aliku ALA ale'nggen noba panege logonet, ena koonogo wo'nege neenu me, kat nabuwa mba'nuk ninom ya'i logowok o, namboko!

Wakkagagerak 39:23

At Aliku ALA nogo Yutup imbirak wonage, ndi, imbirak logonet, eerit nage nogo abok aret op mban eerit nage, eeke mbareegi, it aap keele maarak inarum menggaarak inowe nogo nen yi eeriyak ndi eeriyak koonogo yoraga'lek at Yutup nen mban kooninake logowak nduk, oba pereegerak.

Wakkagagerak 39:5

At ame inom, amindik-amendek inom, arum logowak nduk, mippereegerak kuli nen at Yutup wonage paga at Aliku ALA ale'nggen aap Metit mendek Potipat nogo ame pege logonet, amindik-amendek oome mendek inom, endekem mendek inom, abok aret obeelom eeppege nagagerak.

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

1 Endagembogut 17:13

Yoge mbareegi, Eliya nogo nen kwe nogo yoge, “Kagabiti mbarugun o. At Aliku Iterali inogoba Ala nen ari logonet, Tepung togolowa'na yonggolak nogo ti lek age, wam amburu toolak ti kunduk lek age, eeka'lek kagak, Naliku ALA nen o nggween paga yime mayu wuppi woraagin, yegerak me, kame nage logomenggendik, eerit noorak yagandak ti, op aret kwe, kagak, mbuuluk iluk wonage yagandak nogo, waganogo an aa'nduk nake oroti mbuuluk ambi worarogo niri wa'nuk, ti'nuk, kaagaluk kimbirak kinake worappatinuk namunggup o,” yoreegerak.

2 Endagembogut 6:16

Yoge mbareegi, at Elita nen at yoge, “Kagabiti mbarugun o. It inom ariyak ti, mbuuluk wonogwe kwe, nit ninom ariyak perak, ineebe ambik aago wonogwe o.”

Ayup 35:8

Lek aret me, kat maluk eerit nage nogo ti, It aap kat kokwak mban maluk eeppiige, Ndi, kat abe koonak mban eerit nage nogo ti, Aakumi inapuri aret obeelom eeppiinet nage, Eeke menggendak o.

Leendawi 3:57

Noone yokkereegirak karuk konembunuk, neya wage nagagindik, “Kagabiti mbarugun o,” yinuk, yo'nege, Eereegindak o.

Ndaniyen 2:24

Yoge nagagerik, at Ndaniyen nogo aap endagembogut nen it aap yi wone ndi wone alom ineenu o Mbaben wonogwe inooriyak leenogo pereegerak Ariyok nogo, ka nage nagagerik, yoge logonet, “It aap yi wone ndi wone alom ineenu o Mbaben wonogwe ti, kat nen inooriyak mage o. Ata, an aap endagembogut wonage me wo'neren nage keenok, at abinggaanggo kegerak alom nogo kin paga yorigin o.”

Mika 5:7

Singa ndiimbu-nggwiya eyonggaame mendek inenggela'me wonage menggi kwak, Singa awooluk kambin-ndomba inenggela'me unggwi nanuk, Yimbik togon eerogo nappiige, nibinik-ndelenak eerogo nenet nage, Eeke me, Ambeme nen ndiniyak meek menggi kwak, At Yakup mendek ando yumbunik nogo, togop aret aakumi inanebunu lombok inenggela'me wonogwe, Yi aakumi ndi aakumi ambik inenggela'me arit namenggaarak wonogwe, Eeko logogun o.

Matiyut 10:18

Kit nen it aap yo'nggok inom, aap inendagembogut inom, aap endekem mendek inom, an eeke neegotak paganogo yoraabagip nduk, alom an paga inowagam wokkiren nagun o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Yaya 11:9

Yogo mbareegwa, at Yetut nen, “Wologwe! O ne ambit weegetak paga, oonegen lagi woraanuk, kilu yi nage kagak oonegen 12 ari nage menggerak nogo lek a? Ndi, ti kenok, it aap o liingge paga nogwe iinok, o eya paga nogo menggaarak me, iniyogobit lik togon egiraagin lek o.

Nappiigak 19:21

O Epetut time togop aret eeko mbareegwa, at Pawulut nogo o Makendoniya inom, o Akaya inom, yanggwagak eerit o Yerutalem naakit nduk, iniki koongge logonet, “O time nage logominggirik, o Oroma kunduk ka nagin aret o,” ari nagagerik,

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.

Nappiigak 25:11

Maluk eekwi iinok, inooko menggaarak nogo mendek ambi abet aret eekirak kenok ti, nooriyak op aret kwe, noba lek kagak yo'nugwi me, it nooruwak nduk, neebe wogoroorak kit nen ambi yuurak mondok lek aret o. At Kayitat nen mban nawone amburu mbanuwak o,” yoreegerak.

Nappiigak 27:31

“It yiiro ndegenggo menggaarak yi, yiiro inikime logorak lek kenok ti, ninagap ndakkolaagun lek o,” yinuk, at yigin unde awuri inom yoragagerak.

Nappiigak 27:37

Nit aakumi yiiro paga nogwe nogo, nineebe lambuk togon 276 aret.

Nappiigak 27:42

it yigin unde nogo nen, “Aap keele maarak nogo ngguu'mo warit mbaganggwi iyo, abok inooruwok,” mbareegwaarak mendek,

Nappiigak 27:44

Ndi, kit ando ngguu'mo wakwi kineenggo'lek kenok ti, yiiro kobat minik inom, eyo minik inom, ti paga kineenggi piganok, inambokan nanip o,” yinuk, yorage mbareegi, nit abok obeelom aret yi aa'nggi paga wundi nogogurak.

Nappiigak 9:15

Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.

Pilemon 1:22

Wone yokkigirak ti, eeke logonet, kat nake tamban eeke Ala aruk konembunuk, an keya woroorak koonnabigin abet aret mbake me, woraanuk nogo yuurak o ambi ogobakkigirogo panege logot o.

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

Wayu 1:17

At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.