Nappiigak 27:20 - Ala Wone Peenok Peebi Mbanak

²⁰ Nogo apit yugwi niigak, oonegen inom, laaluguragan inom, wundi waga'lek kagak, wiya mban nabuninuk eeke mbareegi, “Nit niyo nen ndonggonninabigin kogo o,” yinuk, mbareegurak.

Nappiigak 27:20 ပူးပေါင်းရင်းမြစ်များ

Ndawi 105:28

“Ala oone nineebi,” mbakwi iinok, o yumaak nappi wage mbareegi, o apit age,

Yetaya 57:10

It inagugi kwaarit o nda nugu logonet, ta'liila eeginake kenok, Yi we aanom warogo eerit nogo ogoorik o, yinuk, yuurak kwe, togop yaga'lek Iniki aganggen eeginake ti'nen wogoren nage me, inomaawi lek aga'lek kagak kwaarit nogo agaarik o.

Yeremiya 2:25

It Iterali ti, aakumi inagugi mugurok nogo logonet, iniyok ogut nibi-nibi nage, Inamili mbuk eeginake, Eeke me, Togop eeriyak mage o, yinuk, yorage nagagirak kwe, It nen, A! Aanom warogo yo'niroorak mage o. It aap inambik inagugi eekwi ti, ninikilom aret me, mugurok nogo logorak abu mbako ogoorik o, yogogwaarak nogo o!” yinuk, Aliku ALA nen yegerak me, yokkiragi o.

Yetikiyen 37:11

Mi'nogwe iige mbareegi, at nen an yo'nege logonet, “Aakumi nen ndarak yi wae. Aakumi inowak nggininik yi ti, it Iterali mendek abok aret. It Iterali mendek nen yogo logonet, Ninowak abu aret neno-pono nage, niniki lunik wonogwe nogo lek aret age, ninenggaawak kunduk lek age, eekerak o, yinuk, yogo agaarik o.

Yunut 1:4

Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Nappiigak 27:19

ti'nuk, nogo ambi yippunuk, yiiro maluk age kero, ogobakkigikak nogo mendek ineenggi paga waganogo yiime mbo wuppugwi, eereegwaarak.

Nappiigak 27:21

It abok mbi nengga'lek nogo ambik yit wogogwaarak me, at Pawulut oolo mi'nage nagagerik, yorage logonet, “Noreewi o. O Kereta nen noorak lek yagarak nogo koneninetak nen ninamendek lek age, maluk ee'ninake, togop ee'ninabenetak lek enaani logonetak kwe,

2 Korindut 11:25

mbut yawi mbanak ne kenagan paga nggwiirit nookwi, ne ambit paga yugum togu agago panugwi, yiiro paga nage me, ne kenagan paga yigirik-noonom eerogo panege, niyome tabunogo wuppaneegerak logonet, ngguu'mo wake tit neegak, o liingge oonikiya age,

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek

1 Tetalonika 4:13

Noreewi o. It aakumi kambunuk nonggop ogo menggaarak wone nogo, kineenggo'lek logorak ti, nineebi o. Aakumi ando iniki lunik ambi lek me, inore ambi kangge kenok iniki wakkologo mengga kwak, kit kiniki togop aret wakkologo logokwak, mbininogo yokkiraawi o.