Nappiigak 26:29 - Ala Wone Peenok Peebi Mbanak

²⁹ Yoge mbareegi, at Pawulut nen, “Nogoba o. Kat mban waanok nduk yokkege lek o. Kat inom, it yogondak konenggwi abok aret inom, an keele maa'nakerak kwak maakkinaburak lek kwe, an Keritut wone waganeegirak kwak, yogondak woorak kenok, yogondak aret waganggwi, ndi, peebi woorak kenok, peebi aret waganggwi, eerubagip nduk, an kinake Ala yoge agarik o,” yinuk, yoreegerak.

Nappiigak 26:29 ပူးပေါင်းရင်းမြစ်များ

2 Tamuwen 18:33

Wone ti ari nogo, aap endagembogut aruk konengge nagagerik, ogut na'nuk, iniki puru agan tu unggwogo menggam o wurik irimbaga ko ambi ogoorak me, lagi nanuk, “Ai, napuluk Abatalom o! Abatalom o! Napuluk a! Napuluk a! Kat napuluk Abatalom kobaane'me an kogoba aret kambikit lak, naput a! Naput a!” yinuk, le ari nagagerak.

2 Endagembogut 5:3

Eeke logonet, ne ambi paga kwe Naman akwe nogo yoge, “Nagalo o. Aap Ala nen yorage kagak yoraga ambi o Tamariya wonage me, at nen nogoba obeelom eeppuurak kagak logukwak, pekka nawak lak, ao, mbake agarik o,” yoreegerak.

Wundeegwaarak 16:3

“Nit o Metit time logonet, ninaanggo larak noorak nduk, ninggirik wonogwe, oroti ndonggok togon nunggwi, eeko logonet, Aliku ALA nen ambi eeppinanege kenok, kambuwok lak, nit Iterali kuwak aago yi, mbi abu nen o karume yime kambuwok nduk wo'niren pinani wogotak nineebi a!”

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 38:20

Yoge mbareegi, at Yeremiya nen onggo at yoge logonet, “Kat yagandak ti, togop eekkabugun lek o. Aliku ALA nen yegerak yokkege yi, karuk liirogon konembunuk, eeke keenok, keebe obeelom logonet, kili aago aret logomunggun o.

Linggineegwaarak 11:29

Yoge mbareegi, at Muta nen yoge logonet, “At nen nban yoraawak, nomba'nuk, ari agandik? An mbake logonet, At Aliku ALA Aberiniki it at apuri abok aret inoba wuppi woramenggerak paga aap Ala nen yorage kagak yorogo mengga kwak yuurak op aret mbake agaarik o.”

Yaya 5:34

An nabok it aakumi nen paganogo yokkiroorak an mbakeelik kwe, kit kinagap ndarikit nduk, wone yi yokkirage agarik o.

Nappiigak 12:6

At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,

Nappiigak 21:33

Puk ogo mbareegwa, at yigin unde inowe nogo wage nagagerik, Pawulut eenggi pigogo, “Mbuti keele mbere paga maa'nip o,” yinuk, yorage nagagerik, “Aap yi ta o? Ndi, at ngge eekerak kenok wako ogotik? Yinip o,” yinuk, ineegwa'me waganeegerak.

Nappiigak 25:14

Wogo nogogwaarik, time logonuk iniyokan noorak mbareegwaarak me, Petut nogo nen, “At Pelikit wundi nage logonet, aap ambi keele maarak teppegerak yime agaarik o,” yinuk, at Pawulut abok paganogo it Yakuri inowe endagembogut nogo yoreegerak.

Oroma 10:1

Noreewi o. “Ala nen nowe-nawot Iterali mendek inagap ndaruwak lak, ao!” mbake logonet, inake tamban mban eeke minggirak.

1 Korindut 4:8

Nit awo eeppinanega'lek kagak kit nduk obeelom aret eeppinagage, kit nduk kineenggi warak agago pinagage, kit aa'nduk kinendage nggwok agago tiyappinagage, eereegerak kenok op aret o. Kit abet aret kinendage nggwok logonetak en, nit ninom ndak-ndak ninendage tiyanak logonetak kwe, lek me, “Ao,” mbako ogoorik o.

1 Korindut 7:7

An wonage nogo pogom kit abok ndak-ndak togop logorak op mbake kwe, Ala nen eeriyak unde eeppinanege logonet, “Ambi yogop eeke logowak, ambi ndogop eeke logowak,” yinuk, ninalitak lombok unde eeppinaneegerak me, eeko logowok o.

2 Korindut 11:1

An aap kumili-kumili negen logonet, wone yi yokkirage kwe, kagak konenggo logobagip nduk, yokkiragi o, noreewi.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.