Nappiigak 24:27 - Ala Wone Peenok Peebi Mbanak

²⁷ At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 24:27 ပူးပေါင်းရင်းမြစ်များ

Wundeegwaarak 23:2

It aakumi apit maluk eeriyak koonit nugwi iinok, it inom koonit nugu logorak mage o. Aakumi inowak loonggwi me, it ambi nen nogo logomenggaarik, maluk abet aret eeremenggerak kagak, it aakumi nen, Maluk eerulik o, yogwe iinok, maluk onggo pugun lek me, at oone inom nabeniyak mage o.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Marakut 15:15

Inoone nggwok paga yogo mbareegwa, at Pilatut nogo nen it aakumi kuwak aago nogo iniki yanggo yuwak nduk, Mbarabat nogo keele piinogo teppege nagagerik, at Yetut ti, ya'mbiran nggora eerogo wappunuk, eyo paga nabenogo puwak nduk wogoragagerak.

Nappiigak 12:3

Yakobut wareegwaarak ti paga it Yakuri iniki ale'nggen mbakwi iige nagagerik, at Peterut kunduk, keele maarikit nduk mugurok nagagerak. (It Roti Piika'lek Mendek laago lakwi iigak aret eereegerak.)

Nappiigak 23:35

“Inoone koba lenggenggaarak ti, wogwe iinok, alom kwaaruwok o,” yoge nagagerik, “Keroret awi nggwok wurik me wonok nogo logomonggotik, arum logonip o,” yinuk, apuri yoragagerak.

Nappiigak 25:1

At Petut nogo mippogo mbareegwa, wage nagagerik, nogo kenagan yippunuk, o Kayitareya nen o Yerutalem wagagerak.

Nappiigak 25:14

Wogo nogogwaarik, time logonuk iniyokan noorak mbareegwaarak me, Petut nogo nen, “At Pelikit wundi nage logonet, aap ambi keele maarak teppegerak yime agaarik o,” yinuk, at Pawulut abok paganogo it Yakuri inowe endagembogut nogo yoreegerak.

Nappiigak 25:4

“Lek o. At Pawulut nogo, o Kayitareya porogo wonogwe me, an ne mande negen logonuk time nagin me,

Nappiigak 25:9

Yorage mbareegi, at Petut nogo nen it Yakuri inikilom ombaruwak nduk, at Pawulut nogo yoge logonet, “Kat togop eekendak, yokkugwi yi, Yerutalem nage logomenggendik, an nenggaanom paga time kowak looni noorak op ilik?”

Nappiigak 26:32

at Agiripa nen Petut nogo yoge logonet, “At aap ti, nogoba Kayitat nawone amburu mbanuwak o, yenetak lek en, yogondak keele maarak wonage nogo piinogo penetak o,” yinuk, yoreegerak.

Nappiigak 28:30

Tahun mbere eeke kagak, o luulu logorak onggo pegak eeke me nogome wonage me, at owagam wogwe iinok, abok aret keyage wappiige nagaatik,

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.